Misee 6:1 - Maktub gə́ To gə Kəmee

¹ Ooje ta gə́ Njesigənea̰ pa ɓa nee: Maji kam m’ḭta, M’aw m’ɔr ta no̰ mbalje’g ləm, M’ar dɔdərlooje d’oo ndum ləm tɔ!

Misee 6:1 ပူးပေါင်းရင်းမြစ်များ

Pakɔsje 50:1

Pakɔs lə Asap Ala, Njesigənea̰ Ala lé Pata ɓar ne dəwje gə́ dɔ naŋg nee lai Un kudee dɔ deḛ gə́ d’isi loo-kuba’g lə kàr Saar teḛ ne dɔ deḛ gə́ d’isi loo-kuru-naŋg’g ləa jigi tɔ.

Pakɔsje 50:4

Yeḛ ila boo-ndia naŋg par gə́ mee dara gə́ tar ləm, Gə par gə́ naŋg nee ləm tɔ, Mba gaŋg ne rəwta dɔ koso-dəwje’g ləa pana:

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Esai 3:13

Njesigənea̰ ree gə mba kɔr kəm ta lé ləm, Yeḛ aar tar mba gaŋg rəwta dɔ koso-dəwje’g ləm tɔ.

Jeremi 13:15

Urje mbi sí ooje ne ta! Maji kar sí toje njébeeleje el! Mbata Njesigənea̰ pata.

Jeremi 22:29

Ǝi ɓee ləm, ɓee ləm, ɓee ləm, maji kari oo ta lə Njesigənea̰!

Ejekel 36:1

I ŋgon-dəw lé, maji kari tegginta wɔji ne dɔ deḛ gə́ d’isi dɔ mbalje gə́ Israɛl pana: Seḭ gə́ síje dɔ mbalje gə́ Israɛl lé ooje ta lə Njesigənea̰!

Ejekel 36:8

Nɛ seḭ gə́ síje dɔ mbalje gə́ Israɛl lé barkəm síje d’a tuba ndá seḭ a ka̰dje gə kandə sí mbata koso-dəwje lə neḛ gə́ Israɛl, mbata néje neelé kàr kar dee ree lé to dəb ŋga.

Ejekel 37:4

Yeḛ ulam pana: Maji kam m’tegginta m’wɔji ne dɔ siŋgaje neelé ndá m’a kula dee pana: Seḭ siŋgaje gə́ tuduje ndaje sál-sál lé ooje ta lə Njesigənea̰!

Ejekel 6:3

M’a pana: Seḭ gə́ síje dɔ mbalje gə́ Israɛl’g lé, ooje ta lə Mbaidɔmbaije gə́ Njesigənea̰! Mbaidɔmbaije gə́ Njesigənea̰ Ala lé pata togə́bè ar deḛ gə́ d’isi dɔ mbalje’g gə dɔdərlooje’g gə kəm kila-rəw-ma̰je’g gə wəl-looje’g pana: Aa ooje, n’a gə kila rɔ dɔ sí’g ləm, n’a tuji dɔ looje lə sí gə́ ndəw ləm tɔ.

Amɔs 3:1

Seḭ Israɛlje gə́ m’ar sí undaje loo teḛje mee ɓee gə́ Ejiptə lé maji kar sí ooje ta nee gə́ Njesigənea̰ pa sə sí lé!

Misee 1:2

Seḭ koso-dəwje lai lé ooje ta nee! Naŋg gə dəwje lai gə́ d’isi keneŋ lé Urje mbi sí gèŋ! Maji kar Njesigənea̰ Mbaidɔmbaije ɔr ta ila dɔ sí’g Mbaidɔmbaije, yeḛ gə́ si mee kəi-mbai’g ləa Gə́ to gə kəmee lé!

Misee 1:4

Mbalje léḛ gel gɔlee’g sələlə-sələlə To gə́ ya̰-tḛji léḛ ne ta pər’g bèe ləm, Kəm wəl-looje ta̰ To gə́ mán ula ne loo gə́ suru ɗum’g bèe ləm tɔ.

Misee 6:2

Seḭ mbalje ləm gə gin naŋgje gə́ ŋgəŋgje ŋgəŋ-ŋgəŋ lé Maji kar sí ooje ta gə́ Njesigənea̰ pa. Mbata Njesigənea̰ aw gə koso-dəwje ləa gə ta ləm, Yeḛ ndigi dəji Israɛlje gel néra dee ləm tɔ.

Lugu 19:40

Nɛ yeḛ tel ila dee keneŋ pana: Ma m’ula sí təsərə, ɓó lé deḛ ɓa d’wa ta dee d’isi mundu ndá kɔr mbalje ɓa d’a ra né wəl-wəl ya!

Tel tura Godndu 32:1

I dara lé, kɔd mbii ila tag ndá m’a kulai ta, I naŋg lé ur mbii oo ne taje tam’g.

Tel tura Godndu 4:26

Ɓogənè ma m’ɓar dara gə naŋg nee gə mba kar dee to njékɔrgootaje ləm: ɓó lé seḭ raje kaiya gə́ togə́bè ndá yoo a ree gə tɔgee ya kar sí saneje ne kad mee ɓee gə́ seḭ a kaw taaje gə́ né ka̰ sí gir baa gə́ Jurdɛ̰’g nu lé, seḭ a síje keneŋ kuru sí əw el mbata seḭ a tujije ya.

1 Samel 12:7

Ɓasinè, aarje gèŋ mba kam m’ɔr kəm ta lə sí no̰ Njesigənea̰’g dɔ némajije lai gə́ Njesigənea̰ ra ar sí ləm, gə ra ar bɔ síje-je ləm tɔ.

1 Samel 15:16

Samel ula Sawul pana: Ǝw rɔi ɓa am m’ulai ta gə́ Njesigənea̰ ulam loondul’g nee: Sawul ilá’g pana: Gə́ pa.