Misee 5:11 - Maktub gə́ To gə Kəmee

¹¹ N’a kar nésukəmlooje gə́ to ji sí’g tuji ləm, Njétən kéréméje kara d’a godo ləm tɔ.

Misee 5:11 ပူးပေါင်းရင်းမြစ်များ

Esai 1:7

Ɓee lə sí to nduba ləm, Pər roo ɓee-booje lə sí ləm, Dəw-dɔ-ɓeeje tuji ndɔje lə sí, Kəm sí’g ya pugudu-pugudu ləma, Deḛ d’undá naŋg rə̰dəŋ-rə̰dəŋ Gə tuji pugudu-pugudu To gə́ dəw-mee-kɔrje bèe ləm tɔ.

Esai 2:6

Mbata i Njesigənea̰ uba koso-dəwje ləi gə́ to ŋgaka Jakob ya̰ dee, Mbata ndil néje gə́ d’ḭ ne bər Ɓa taa meḛ dee pəl-pəl ləm, Deḛ d’ya̰ rɔ dee yag Dɔ tən ndil néje to gə́ Pilistije bèe ləma, Mbata deḛ d’ɔm na̰’d gə dəw-dɔ-ɓeeje Dɔ néra dee’g ləm tɔ.

Esai 27:9

Togə́bè ɓa ta néra kori-kori lə Jakob ɔr ne dəa’g ləm, Aa ooje, yee ɓa gə́ kandə meekoso lemsé dɔ kaiya’g ləa ləm tɔ. Njesigənea̰ ar kɔr mbalje lai gə́ to loo-nékinjaməs’g lé Tel to asəna gə kɔr pɔrɔje gə́ tel to nduji bèe, Magə-Astartéje gə néndajije gə́ wɔji dɔ kàr lé D’a kḭ kaar tar gogo el ŋga.

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Nɔ̰-ndôo gə́ wɔji dɔ Jerusalem 2:2

Mbaidɔmbaije tuji loo-sije lə Jakob lai-lai Lal koo kəmtondoo ləa ləm, Dan meekḭ jugugu’g ləa lé Yeḛ unda ne kəi-kaar-kɔgərɔje Lə ŋgolə Juda gə́ dené lé naŋg rab-rab ləma, Yeḛ ar dee tel gɔl ne naŋg ləm tɔ, Tɔɓəi yeḛ ila ndɔl dɔ ɓeeko̰’g ləm, Gə dɔ ŋgan-mbaije gə́ keneŋ ləm tɔ.

Ejekel 38:11

I a pana: M’a kḭ kaw rɔ gə ɓee gə́ to kari ba, m’a kur dɔ dəwje gə́ d’isi gə́ majee lɔm loo-si dee’g. Deḛ lai gə́ d’isi mee ɓeeje gə́ ndògo-bɔrɔ godo keneŋ ləm, gə kɔgərɔ gə tarəwkɔg godo keneŋ ləm tɔ.

Ojee 10:14

Koso-dəwje lə sí d’a kaw dɔ na̰’d pum-pum, Tɔɓəi kəi-kaar-kɔgərɔje lə sí lai d’a tuji To gə́ tuji ne Salman-Bet-Arbel ndɔ rɔ’g Loo gə́ deḛ kunda ne ko̰ ŋganje Gə ŋgan deeje vaga-vaga tɔl dee ne bèe.

Amɔs 5:9

Yeḛ ar tuji ḭ oso dɔ njésiŋgamoŋje’g ləm, Yeḛ ar tuji oso dɔ kəi-kaar-kɔgərɔje’g ləm tɔ.

Jakari 4:6

Tɔɓəi yeḛ tel ilam’g pana: Yee neelé to ta gə́ Njesigənea̰ ula Jorobabel pana: To gə goo né gə́ wɔji dɔ siŋgamoŋ lə njérɔje gə́ d’aw rɔ ne el ləm, Esé gə goo siŋgamoŋ lə dəw el ləm tɔ, Nɛ gə goo Ndil neḛ-neḛ nja kára ba, Njesigənea̰ gə́ njeboo-néje lé ɓa pa bèe.