Misee 4:8 - Maktub gə́ To gə Kəmee

⁸ Bèe ɓa i dɔdḭ ŋgəm koso-nékulje ləm, Gə dɔdərloo lə ɓee-boo gə́ Jerusalem ləm tɔ lé Ko̰ɓee ləi gə́ ləw lé a tel gə́ rɔi’g, To ɓeeko̰ lə ɓee-boo gə́ Jerusalem tɔ.

Misee 4:8 ပူးပေါင်းရင်းမြစ်များ

Gḭ-Néje 35:21

Israɛl ḭ keneŋ aw ndá yeḛ la kəi-kubu ləa gir Migdal-Eder’g.

2 Samel 5:7

Nɛ Dabid taa kəi-kaar-kɔgərɔ gə́ Sio̰ lé. Yee ɓa to ɓee-boo lə Dabid tɔ.

Nehemi 3:25

Palal, ŋgolə Ujai ɓa ra kula loo gə́ wɔji dɔ dɔkum ndògo-bɔrɔ ləm, gə dɔ kəi-kaar-kɔgərɔ gə́ duu dɔ loo gə́ ur dɔ maree’g no̰ kəi’g lə mbai, mbɔr gad kəi-daŋgai’g. Gée-yeḛ’g lé Pedaja, ŋgolə Pareos ɓa ra kula keneŋ tɔ.

Pakɔsje 24:7

Seḭ tarəwɓeeje lé Maji kar sí ɔrje dɔ sí gə́ tar, Seḭ tarəwɓeeje gə́ to gə no̰ lé Arje tarəwje to tar sab ya Gə mba kar mbai gə́ njedo̰gɔr-ronduba andə keneŋ!

Pakɔsje 48:3

Dɔ diŋgri mbal gə́ to mbal gə́ Sio̰ lé To loo gə́ maji péd-péd ləm, Yee to nérɔlel lə dəwje lai dɔ naŋg nee ləm tɔ, Loo gə́ par gə́ dɔgel lé To ɓee-boo lə mbai gə́ boi.

Pakɔsje 61:3

M’isi gwɔi naŋg’d bər ya m’ila ndum naŋg m’no̰ m’ɓari ne Mbata məəm ila kas bilim ya, Maji kari ɔr nɔm aw səm dɔ biri mbal’d Gə́ m’askəm teḛ keneŋ gə dɔrɔm el lé,

Pa gə́ ur dɔ paje 4:4

Gwɔbi ɔd bərəŋ To gə́ kəi lə Dabid gə́ duu dɔ loo Gə́ ra mba karee to kəi-ŋgəm-nérɔje bèe, Deḛ naa̰ dərje keneŋ tɔl-dɔg (1.000). To dərje lai gə́ to ka̰ njésiŋgamoŋje ya.

Esai 1:26

N’a tel kunda njégaŋ-rəwtaje lə sí to gə́ kédé ləm, Gə njékwɔjita-kəmkàrje lə sí to gə́ kédé gə́ dɔtar ya ləm tɔ. Gée gə́ gogo ndá d’a kunda ri sí Le ɓee-boo gə́ njéra né gə́ gə dɔ najee-je d’isi keneŋ ləm, Gə ɓee-boo gə́ njékilakojije d’isi keneŋ ləm tɔ.

Esai 10:32

Deḛ d’aar naŋg Nob as ndɔ kára Ndá deḛ sɔb ji dee ndaŋg ne mbal gə́ Sio̰ Gə́ to dɔdərloo gə́ Jerusalem lé.

Esai 5:2

Yeḛ tel gel naŋg ləm, Yeḛ tɔr kɔr mbalje ləma, Yeḛ ma̰a kag-nduú gə́ ka̰dee lel keneŋ ləm tɔ. Yeḛ la pala mee ndɔ’g ləm, Yeḛ ur bwa gə́ ka̰ mbula mán-nduú keneŋ ləm tɔ. Tɔɓəi mée to yel dɔ kiŋga kandə nduú gə́ maji’g Nɛ nduú lé andə gə ka̰dee gə́ majel.

Loo gə́ killa rea kəm Daniel’g 2:44

Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Loo gə́ killa rea kəm Daniel’g 7:18

Nɛ njémeendaje lə Njekurdɔloo ɓa d’a taa ɓeeko̰ ləm, ɓeeko̰ lé a to ka̰ dee-deḛ ya saar-saar gə́ kédé-kédé gə no̰ ləm tɔ.

Abdias 1:21

Njétaa dee kɔm dee tarje lé d’a tuga loo kaw dɔ mbal gə́ Sio̰ gə mba gaŋg rəwta dɔ mbal’g lə Esawu. Ndá loo ko̰ɓee lé a to ka̰ Njesigənea̰ ya.

Misee 2:12

Ǝi Jakobje! M’a mbo̰ sí dɔ na̰’d gə gin sí lai ya. M’a mbo̰ ges Israɛlje dɔ na̰’d To gə́ mbo̰ ne badje loo-kaar dee’g bèe ləm, To gə́ koso-nékulje loo-ko̰-mu’g lə dee bèe ləm tɔ, Bèe ɓa ndu dəwje a ɓar wəl-wəl keneŋ.

Jakari 9:10

N’a tuji pusu-rɔje lə Eprayimje ləm, Gə kundaje gə́ Jerusalem ləm tɔ, Ɓandaŋ-rɔje lé d’a tuji. Yeḛ a kila mber meekulɔm Kar ginkoji dəwje gə raŋg ləm, Yeḛ a ko̰ɓee un kudee dɔ baa-boo-kad’d gə́ kára saar teḛ ne yee gə́ raŋg’d ya Un kudee dɔ mán baa-boo’g saar kɔr rudu naŋg njal ləm tɔ.

Jakari 9:12

Seḭ ɓərje gə́ undaje meḛ sí yel lé Maji kar sí telje awje kəi-kaar-kɔgərɔ’g! Ɓogənè neḛ m’pa njaŋg ya tɔɓəi, N’a tel kar sí némaji dɔ maree’d gɔl joo.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Bula lə Israɛlje 24:19

Yeḛ gə́ ḭ rɔ Jakob’g lé o̰ ɓee si ne gə́ mbai ləm, Yeḛ tuji ges dəwje gə́ nai mee ɓee-booje’g lə dee pugudu-pugudu ləm tɔ.

Matiyo 21:33

Urje mbi sí ooje ne gosota gə́ raŋg tɔɓəi. Dəw kára gə́ to njekəi si gən wa ndɔ-nduú. Yeḛ ula ŋgalaŋ giree’g siŋ-siŋ ləm, ra loo mbula mán-nduú ləma, uru pal ləm tɔ. Yeḛ wa ndɔ-nduú neelé ula ji njéndəaje’g ndá ɔd par aw dɔɓee gə́ raŋg.

Mark 12:1

Jeju un ta si ndoo dee gə gosotaje pana: Dəw kára bèe wa ndɔ, ma̰a nduú keneŋ ndá yeḛ ula ŋgalaŋ gugu ne dəa ləm, yeḛ uru bwa keneŋ gə́ ka̰ mbula mán-nduú ləma, yeḛ uru pal ləm tɔ, tɔɓəi yeḛ wa ndɔ-nduú lé ula ji njéndəaje’g ɓa ɔd par aw mbá dɔ ɓee gə́ raŋg.

Njé gə́ Epesə 1:21

aree dum ne dɔ dəw-dɔ-looje gə ri dee ri dee lai ləm, gə dɔ ko̰ɓee gə ri dee ri deḛ lai ləm, gə dɔ siŋgamoŋje gə ri dee ri dee lai ləm, gə dɔ mo̰ɓee gə́ rara kara ləma, gə dɔ ri dəw gə́ rara gə́ d’askəm ɓar mbuna deḛ gə́ d’isi gən wəl neelé gə kar dee el nɛ mbuna deḛ gə́ d’a gə ree ɓəi ləm tɔ.

Loo gə́ killa rea kəm Ja̰’g 22:5

Loondul a godo keneŋ ləm, pərndɔ əsé néndogó kára kara d’a kaw ndée keneŋ el ŋga ləm tɔ mbata Ala gə́ to gə́ Mbaidɔmbaije lé ɓa a ndogó rəw no̰ dee’g. D’a ko̰ɓee gə ləb dee ləb dee saar-saar gə no̰.