Misee 4:3 - Maktub gə́ To gə Kəmee

³ Yeḛ a to njegaŋ-rəwta dɔ ginkoji dəwje gə raŋg’g ləm, Yeḛ a to nje gaŋg-rəwta mbuna ginkoji dəwje gə raŋg’d Gə́ to njésiŋgamoŋje gə́ d’isi əw ləm tɔ. Kiambasje lə dee lé ɓa d’a tel kila gə́ kwɔs-paŋgmje ləm, Niŋga-ndəije lə dee ɓa d’a tel ra gə́ marmje ləm tɔ. Ginkoji dəwje gə́ gel kára d’a kun kiambas Rɔ ne gə ginkoji gə́ raŋg el ŋga ləm, D’a ndoo loo-rɔ gə na̰ el ŋga ləm tɔ.

Misee 4:3 ပူးပေါင်းရင်းမြစ်များ

Pakɔsje 46:10

Yeḛ nja ɓa ar dee təd rɔ saar d’ɔr rudu naŋg nee njal ləm, Yeḛ guru ga̰dè ɓandaŋgje rug-rug ləm, Yeḛ təd niŋga-ndəije kərm-kərm ləma, Yeḛ roo pusu-rɔje dula-dula ləm tɔ.

Pakɔsje 46:9

Maji kar sí gə́ reeje, Ooje kula raje lə Njesigənea̰, Ooje nétujije gə́ yeḛ ra dɔ naŋg nee.

Pakɔsje 72:3

Mbɔl dɔ meekarabasur ləi ɓa Dɔ mbalje gə dɔdərlooje lé D’a kar koso-dəwje d’isi ne gə meekulɔm.

Pakɔsje 72:7

Mee ndəaje’g neelé njera nédana a kidi pug-pug ləm, Meelɔm a kḭ dɔ maree’d gə́ kédé-kédé Saar kar ndogó lə naḭ a godo ne ləm tɔ.

Pakɔsje 82:8

Ǝi Ala, maji kari uba naŋg ḭtar, Gaŋ rəwta dɔ naŋg nee ya, Mbata ginkoji dəwje gə raŋg lai lé to gə́ kaḭ-i nja kára ba.

Pakɔsje 96:13

No̰ Njesigənea̰’g mbata yeḛ si ree ya, Yeḛ ree gə mba gaŋg rəwta dɔ naŋg nee, Yeḛ a gaŋg rəwta gə dɔ najee dɔ naŋg nee ləm, Yeḛ a gaŋg rəwta lə dəwje gə goo meenda londoŋ ləa ləm tɔ.

Pakɔsje 98:9

No̰ Njesigənea̰’g ya, Mbata yeḛ ree gə mba gaŋg rəwta dɔ naŋg nee ya. Rəwta-gaŋg gə́ yeḛ a gaŋg dɔ dəwje gə́ dɔ naŋg neelé Yeḛ a gaŋg gə goo meekarabasur ya ləm, Ka̰ koso-dəwje lé kara Yeḛ a gaŋg gə dɔ najee ya ləm tɔ.

Esai 2:4

Yeḛ a to njegaŋ-rəwta dɔ ginkoji dəwje gə raŋg’g ləm, Yeḛ a to njekaar-dana mbuna koso-dəwje’g bula ləm, Kiambasje lə dee ɓa d’a tel kila gə́ kwɔs-paŋgmje ləma, Niŋga-ndəije lə dee ɓa d’a tel ra gə́ marmje ləm tɔ. Ginkoji dəwje gə́ gel kára d’a kun kiambas Rɔ ne gə ginkoji dəwje gə́ raŋg el ləm, D’a ndoo loo-rɔ el ləm tɔ.

Esai 25:3

Gelee gə́ bèe ɓa koso-dəwje gə́ to njésiŋgamoŋje D’ula ne rɔnduba dɔi’g ləm, Ɓee-booje lə ginkoji dəwje gə raŋg gə́ to njésiŋgamoŋje Ɓəli ne ləm tɔ.

Esai 51:5

Néra gə́ gə dɔ najee ləm nai dəb ba ləm, Kaji ləm a gə teḛ ləm tɔ. Kag jim ɓa m’a gaŋg ne rəwta dɔ koso-dəwje’g ya. Deḛ gə́ d’isi dɔgoré-looje’g lé D’a kunda meḛ dee yel dɔm’g ləm, D’a kɔm meḛ dee dɔ kag-jim gə́ ɓar mèr-mèr’g ləm tɔ.

Esai 60:12

Mbata ginkoji dəwje gə́ rara gə ɓeeko̰ gə́ rara gə́ a ra né kari el ndá a tuji ləm, ginkoji dəwje gə raŋg neelé d’a tuji dee pugudu-pugudu kar dee godo ləm tɔ.

Esai 65:25

Jagmjər dee gə ŋgon badə d’a kaar na̰’d loo-ko̰-mu’g ləm, Toboḭ a ko̰ mu to gə́ bɔ maŋg bèe ləma, Nduji naŋg a to nésɔ lə li ləm tɔ. D’a ra né gə́ to əsé d’a tuji dəw Dɔ mbal’g ləm gə́ to gə kəmee lé el, Njesigənea̰ ɓa pa bèe.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Loo gə́ killa rea kəm Daniel’g 2:44

Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Ojee 2:18

Njesigənea̰ pana: Mee ndəa’g neelé Yeḛ a ɓarm ŋgabeeje Ɓó yeḛ a ɓar rəa ɓər ləm el ŋga!

Ojee 2:20

Mee ndəa’g neelé m’a kar manrɔ ləm tɔ mbuna dee-deḛ’g Gə daje gə́ wala ləm, gə yelje gə́ pə̰ dara’g ləma, Gə néje gə́ d’ag naŋg gə ta meḛ dee ləm tɔ. M’a kar ɓandaŋgje, gə kiambasje, gə nérɔje godo mee ɓee’g Gə mba kar dəwje d’wa rɔ dee d’isi gə meekulɔm.

Joɛl 3:2

Tɔgərɔ ya, mee ndəaje’g neelé Kuraje gə́ diŋgam gə njé gə́ dené kara M’a kɔm Ndiləm dɔ dee’g tɔ.

Jakari 14:3

Njesigənea̰ a teḛ ndá A rɔ gə ginkoji dəwje gə raŋg neelé To gə́ yeḛ rɔ ne ndɔ rɔ gə́ kédé lé tɔ.

Jakari 8:20

Njesigənea̰ gə́ njeboo-néje ɓa pa togə́bè pana: Koso-dəwje ɓəd-ɓəd ləm, Gə dəwje gə́ d’isi mee ɓee-boo’g ləm tɔ, d’a ree ya ɓəi.

Jakari 9:10

N’a tuji pusu-rɔje lə Eprayimje ləm, Gə kundaje gə́ Jerusalem ləm tɔ, Ɓandaŋ-rɔje lé d’a tuji. Yeḛ a kila mber meekulɔm Kar ginkoji dəwje gə raŋg ləm, Yeḛ a ko̰ɓee un kudee dɔ baa-boo-kad’d gə́ kára saar teḛ ne yee gə́ raŋg’d ya Un kudee dɔ mán baa-boo’g saar kɔr rudu naŋg njal ləm tɔ.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

Loo gə́ killa rea kəm Ja̰’g 19:11

Tɔɓəi ma m’oo kəm dara teḛ ndá aa ooje, kunda-dɔmal teḛ keneŋ. Yeḛ gə́ njekubá lé ria lə Ŋgonkoji ləm, gə Kankəmta ləm tɔ ndá rəwta gə́ yeḛ gaŋg ləm, gə rɔ gə́ yeḛ rɔ ləm tɔ lé to gə dɔ najee ya.

1 Samel 2:10

Njéba̰je lə Njesigənea̰ lé D’a kunda bala. Yeḛ a kar ndi ḭ mee dara gə́ tar Mba ndaŋ dɔ dee’g: Njesigənea̰ a gaŋg rəwta Kun ne rudu naŋg nee lad. Yeḛ a kar mbai ləa siŋgamoŋ, Yeḛ a kar siŋgamoŋ lə yeḛ gə́ yeḛ wa dəa gə́ ubu lé Ḭ dɔ maree’d gə́ kédé-kédé.