Misee 4:11 - Maktub gə́ To gə Kəmee

¹¹ Ɓasinè lé ginkoji dəwje gə raŋg Mbo̰ na̰ gə mba rɔ sə sí mba̰. Deḛ pana: Maji kar dee d’ula sul dɔ sí’g ləm, Maji kar kəm neḛje oo tuji lə Jerusalem ləm tɔ!

Misee 4:11 ပူးပေါင်းရင်းမြစ်များ

Pakɔsje 129:5

Deḛ lai gə́ d’ə̰ji Sio̰ bəḭ-bəḭ lé Maji kar rɔkul dəb dɔ dee’g Ar dee rəm ne gə goo dee ya.

Pakɔsje 83:5

Deḛ lai pana: Gə́ reeje ar neḛ n’tɔje kó dee mbuna ginkoji dəwje gə raŋg’g Mba kar meḛ dəwje olé ne dɔ ri Israɛl’g lé el ŋga.

Esai 10:7

Nɛ deḛ d’wɔji meḛ dee’g togə́bè el ləm, Yee gə́ bèe ɓa gə́ takə̰ji lə dee el ləm tɔ, Deḛ d’wɔji meḛ dee’g mba tuji loo ləm, Gə mba kar ginkoji dəwje gə raŋg gə́ bula lé D’udu guduru ləm tɔ.

Esai 17:12

Ǝi! kaa ndu koso-dəwje gə́ ɓar! Kaa ndu dee ɓar asəna Gə kaa baa-boo-kad gə́ ɓar bèe. Kaw dɔ na̰ pum-pum lə ginkoji dəwje gə raŋg lé Ɓar asəna gə manje gə́ d’ula gə siŋga dee bèe tɔ.

Esai 29:7

Ginkoji dəwje gə raŋg gə́ bula digi-digi lé D’a teḛ kaw rɔ gə Ariel ləm, Deḛ lai d’a rɔ səa-yeḛ gə kəi-kaar-kɔgərɔ ləa ləma, D’a kaḭ dəa sub kwá kègègè ləm tɔ Asəna gə néni gə némḭdi gə́ teḛ loondul’g bèe.

Jeremi 52:4

X Ləb ko̰ɓee lə Sedesias gə́ njekɔm’g jinaikara mee ndɔ dɔg lə naḭ gə́ njekɔm’g dɔg lé Nebukadnesar, mbai gə́ Babilɔn aw gə njérɔje ləa aw mba k’aw rɔ ne gə Jerusalem. Deḛ d’wa loo-si dee no̰ ɓee’g ndá deḛ d’uba dɔndalje gugu ne dəa sub.

Ejekel 26:3

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa oo, i ɓee gə́ Tir lé n’aw səi gə ta! N’a gə kar ginkoji dəwje gə raŋg gə́ bula digi-digi d’ḭ mba rɔ səi asəna gə baa-boo-kad gə́ ar paŋgəm manee ḭ ne bèe.

Ejekel 38:17

Mbaidɔmbaije gə́ Njesigənea̰ pa togə́bè pana: See to i ya ɓa neḛ m’pata kédé gə́ ləw gə ndu kuraje lə neḛ gə́ to njéteggintaje gə́ Israɛl, deḛ gə́ tegginta as ləbje bula d’wɔji ne dɔi to gə́ n’a gə kari ree rɔ sə dee lé wa.

Abdias 1:12

Mee kàree gə́ némeeko̰ ra ŋgoko̰ sí lé Kəm kar sí ooje gə́ nérɔlel el ləm, Kəm kar sí alje rɔ sí dɔ ŋgaka Judaje’g ndɔ tuji’g lə dee el ləma, Ndɔ gə́ néurti teḛ lé Kəm kar sí teḛje ta sí Ulaje ne sul dɔ dee’g el ləm tɔ.

Misee 7:10

Njéba̰je lə sí lé d’a kée ndá Rɔkul a dəb dɔ dee’g, Deḛ gə́ dəji sí pana: See Ala lə sí gə́ Njesigənea̰ lé si ra ɓəi wa lé, Loo gə́ d’a mbula dee naŋg gə gɔl dee to gə́ bɔrɔ gə́ kila-rəwje’g bèe ndá Kəm sí a koo dee gə rɔlel ɓa.

Jakari 12:3

Mee ndəa’g neelé n’a kar Jerusalem to asəna gə biri mbal gə́ wɔi yaa̰ mbata lə koso-dəwje lai. Deḛ lai gə́ ndigi karee ḭta gogo lé d’a kiŋga doo keneŋ ndá ginkoji dəwje gə raŋg lai gə́ dɔ naŋg nee d’a kɔm na̰’d mba rɔ səa.