Misee 3:7 - Maktub gə́ To gə Kəmee

⁷ Rɔkul a dəb dɔ njénékooje’g gə dɔ njésaŋ ndilje’g ləm, Deḛ lai d’a si gogəro gə rɔkul ləm tɔ Mbata Ala a gə kila dee ta’g el.

Misee 3:7 ပူးပေါင်းရင်းမြစ်များ

Pakɔsje 74:9

Nétɔjije lə síjeḛ lé j’oo kára kara bèe el ləm, Njetegginta kára kara godo ləma, Dəw kára kara mbuna sí’g gər to gə́ né neelé a to saar kunda ŋgaŋgee ra wa bèe el ləm tɔ.

Teḛ-Raga 9:11

Njéra némɔrije d’as teḛ kaar no̰ Moyis’g el mbata lə bairaŋ lé, mbata bairaŋ neelé sɔ njéra némɔrije to gə́ sɔ ne njé gə́ Ejiptə lai bèe ya tɔ.

Esai 44:25

M’tuji nétɔjije lə njétegginta gə́ ŋgɔmje ləm, M’ar njénékooje tel to mbəje ləm tɔ, M’rəm gə kəmkàr lə njékəmkàrje ləm, Négər lə dee lé ma m’telee gə́ némbə ləm tɔ.

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Ejekel 24:17

Maji kari tuma̰ məəi’g ɓó wa ndòo yoo el ləm, ula jɔg dɔi’g ləm, ula né gɔli’g ləm, o̰ mbaitai gə né el ləma, o̰ muru lə njé gə́ raŋg el ləm tɔ.

Ejekel 24:22

Seḭ a raje né to gə́ m’ra ya. Seḭ a kɔnje mbaita sí gə né el ləm, seḭ a ko̰je muru lə njé gə́ raŋg el ləm,

Ləbije 13:45

Njeba̰ji gə́ doo to rəa’g ndá a tula ŋgisi kubuje ləa rəa’g tɔɓəi a ndisa dəa ŋgori-ŋgori, a tɔ né dɔ təa’g ndá a kila ndia naŋg wəl pana: Rɔm mina̰! Rɔm mina̰!

Amɔs 8:11

Mbaidɔmbaije gə́ Njesigənea̰ pa pana: Aa ooje, mee ndəaje gə́ d’a gə teḛ lé N’a kar ɓoo-boo gə́ a koso dɔ naŋg’g lé A to ɓó gə́ wɔji dɔ muru əsé kunda Gə́ wɔji dɔ mán gə́ godo lé el Nɛ ɓó gə kunda neelé a to wɔji dɔ Mal koo ta lə Njesigənea̰ ya goo kára ba.

Misee 3:4

Yen ŋga d’a no̰ wəl gə́ rɔ Njesigənea̰’g, Nɛ yeḛ a kila dee keneŋ el. Mee ndəa’g neelé yeḛ a kiya rəa kəm dee’g Mbata néraje lə dee gə́ to kḛji lé.

Misee 7:16

Ginkoji dəwje gə raŋg d’a koo ndá Rɔkul a dəb dɔ dee’g Gə dɔ nésiŋgamoŋje’g lə deḛ lai, D’a kwa ta dee sud si ta dee mundu ləm, Mbi dee a kudu jig-jig ləm tɔ.

Jakari 13:4

Mee ndəa’g neelé rɔ njéteggintaje a kul mbata lə némḭdije lə dee gə́ d’oo loo gə́ d’a gə tegginee el ləm, d’a kula kubu gə́ boi yul gə́ d’ṵji gə bḭ daje rɔ dee’g gə mba pa ne taŋgɔmje el ŋga ləm tɔ.

1 Samel 14:37

Togə́bè Sawul dəji Njesigənea̰ pana: See m’a kas k’aw tuba Pilistije wa. See i a kya̰ dee ji Israɛlje’g ya wa. Nɛ mee kàree’g neelé Njesigənea̰ tel ilá ta’g el.

1 Samel 28:15

Samel dəji Sawul pana: See gelee ban ɓa i jɔgm am m’unda loo m’teḛ wa. Sawul ilá keneŋ pana: M’isi dan boo-néurti’g. Pilistije ree rɔ səm ndá Ala ɔr rəa rɔm’g. Yeḛ ilam ta gə́ gə ndu njéteggintaje el ləm, gə nije el ləm tɔ. Yee gə́ bèe ɓa m’ɓari ne mba kari am m’gər ne né gə́ kəm ra ya.

1 Samel 28:6

Sawul dəji Njesigənea̰ ta ndá Njesigənea̰ ilá ta’g gə ni el ləm, gə néje lə njekinjanéməs gə́ ɓaree urim el ləma, gə ndu njéteggintaje el ləm tɔ.

1 Samel 9:9

Kédé gə́ ləw mee ɓee gə́ Israɛl lé loo gə́ dəw a gə kaw dəji Ala ta ndá deḛ pana: Reeje ar sí j’awje rɔ njenékoo’g! Mbata dəw gə́ ɓaree njetegginta ɓogənè lé kédé deḛ ɓaree njenékoo ya.