Misee 3:6 - Maktub gə́ To gə Kəmee

⁶ Gelee gə́ nee ɓa seḭ a síje ne dan loondul’g Ɓó a kooje némḭdije el! Seḭ a síje dan loondul gə́ ndul njudu-njudu’g Ɓó a kooje ndərtaje gə́ wɔji dɔ Njesigənea̰ el! Lookàr a tel to loondul dɔ njéteggintaje’g neelé Asəna gə kàr gə́ ur naŋg bèe.

Misee 3:6 ပူးပေါင်းရင်းမြစ်များ

Pakɔsje 74:9

Nétɔjije lə síjeḛ lé j’oo kára kara bèe el ləm, Njetegginta kára kara godo ləma, Dəw kára kara mbuna sí’g gər to gə́ né neelé a to saar kunda ŋgaŋgee ra wa bèe el ləm tɔ.

Esai 29:10

Mbata Njesigənea̰ ɔm ndil gə́ tɔl sí gə ɓi pərəg dɔ sí’g Yeḛ libi kəm sí. (Rɔta kəm sí neelé wɔji dɔ njéteggintaje.) Yeḛ kə́ dɔ sí gə né. (Rɔta dɔ sí neelé wɔji dɔ njénékooje.)

Esai 59:10

Jeḛ mamje loo to gə́ njékəmtɔje Gə́ mam loo kaar ndògo’g bèe ləm, Jeḛ mamje loo to gə́ dəwje gə́ kəm dee godo bèe ləm tɔ, Loo gə́ kàr aar daŋdɔ lé Jeḛ n’tosoje godə loo’g asəna gə dəw gə́ aw loondul’g bèe ləm, Dan nékiŋgaje gə́ bèdèg lé Jeḛ n’toje j’asəna gə yoo-dəwje keneŋ ləm tɔ.

Jeremi 13:16

Ulaje rɔnduba dɔ Njesigənea̰, Ala’g lə sí Kédé ɓa gə mba karee ar loondul teḛ ɓəi ləm, Kédé ɓa gə mba kar sí tugaje gɔl sí mbalje gə́ loondul dəb dɔ dee’g ləm tɔ, Seḭ ŋginaje lookàr, Nɛ yeḛ telee gə́ loondul ləm, Yeḛ aree tel to loondul gə́ ndul njudu-njudu ləm tɔ.

Jeremi 15:9

Yeḛ gə́ oji ŋganje siri lé unda ndolè Ar kəmə ləa godo, Loo gə́ kàr aar tar ɓəi ndá, Loondul dəb dəa’g, Rɔkul dəb dəa’g ar sɔḭ wa kəmee. Ges dee gə́ nai lé neḛ m’ɓugu dee Ta kiambas’g lə njéba̰je lə dee. Njesigənea̰ ɓa pa bèe.

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Ejekel 13:9

N’a rɔ gə njéteggintaje gə ji neḛ, deḛ gə́ némḭdije lə dee to néje gə́ gə mḭdé-mḭdé ba ləm, ginta tegje lə dee to taŋgɔmje ləm tɔ, d’a godo loo-mbo̰-dɔ-na̰’g lə koso-dəwje lə neḛ ləm, d’a ndaŋg ri dee mee maktub’g lə gel-bɔje lə Israɛl el ləma, d’a kandə mee ɓee gə́ Israɛl el ləm tɔ. Yee ɓa seḭ a gərje ne to gə́ neḛ n’to Mbaidɔmbaije gə́ Njesigənea̰ lé.

Ejekel 7:26

Meeko̰ ree gə́ dɔ maree’g-maree’g ləm, Sor tuji teḛ orè goo na̰-na̰ ləm tɔ, Deḛ dəji njéteggintaje némḭdije, Njékinjanéməsje gər godndu el ŋga ləm, Ta kwɔji kəmkàr godo rɔ ŋgatɔgje’g ləm tɔ.

Amɔs 8:11

Mbaidɔmbaije gə́ Njesigənea̰ pa pana: Aa ooje, mee ndəaje gə́ d’a gə teḛ lé N’a kar ɓoo-boo gə́ a koso dɔ naŋg’g lé A to ɓó gə́ wɔji dɔ muru əsé kunda Gə́ wɔji dɔ mán gə́ godo lé el Nɛ ɓó gə kunda neelé a to wɔji dɔ Mal koo ta lə Njesigənea̰ ya goo kára ba.

Misee 2:6

Deḛ pana: A tegginta el. Maji kam m’tegginta mwɔji ne dɔ néje gə́ bèe lé el! Ta rɔkul gə́ m’pa lé a teḛ dɔ neḛje’g el!