Misee 3:11 - Maktub gə́ To gə Kəmee

¹¹ Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Misee 3:11 ပူးပေါင်းရင်းမြစ်များ

Gosota-Kəmkàrje 17:23

Njemeeyèr lé taa néndogo-gel gə́ d’aree gə goo ŋgəḭ Mba tuji ne rəw ta gaŋg gə́ gə dɔ najee.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Esai 48:2

Mbata deḛ d’unda ri ɓee-boo gə́ to gə kəmee dɔ dee’g ləm, Deḛ nduna rɔ dee rɔ Ala lə Israɛlje’d Gə́ ria lə Njesigənea̰ gə́ njeboo-néje ləm tɔ.

Esai 5:23

Dɔ deḛ gə́ d’ɔr ta dɔ yeḛ gə́ ta wa dəa’g Gə mbata lə néndogo-gel ləma, Gə deḛ gə́ ta wa dɔ dee el kara D’ɔg dee né gə́ wɔji dɔ dee ləm tɔ.

Esai 56:11

Deḛ lé to gə́ bisije gə́ mal sɔ né ra dee Nɛ nésɔ as dee el, Deḛ to gə́ njékulbadje gə́ gər né kára el, Deḛ lai njaa goo torndu dee-deḛ’g ya, Ar nana kara ra né gə mba kiŋga ne né Gə́ wɔji dəa-dəa ya goo kára ba kiao.

Jeremi 23:17

Deḛ d’ula njékḛji neḛ bəḭ-bəḭje pana: Njesigənea̰ pana: Seḭ a kiŋgaje meelɔm, Tɔɓəi deḛ d’ula Njé njaa gə goo takə̰ji gə́ meḛ dee’gje pana: Némajel kára kara a teḛ dɔ sí’g el.

Jeremi 26:7

Njékinjanéməsje, gə njéteggintaje, gə koso-dəwje lai d’oo ta nee gə́ Jeremi ila mberee mee kəi’g lə Njesigənea̰ lé.

Jeremi 5:12

Deḛ maḭta lə Njesigənea̰ D’oo taŋgɔm pa ne pana: Godo! Némeeko̰ a ree dɔ neḛje’g el ləm, N’a kooje kiambas əsé ɓoo-boo el ləm tɔ.

Jeremi 6:13

Mbata un kudee dɔ dəwje Gə́ gɔ-gɔ’g saar teḛ ne dɔ deḛ gə́ boo-boo’g lé Deḛ lai lé mal kiŋga né Gə́ gə goo rəbee el ra dee ŋgwɔd-ŋgwɔd, Un kudee dɔ njetegginta’g saar teḛ ne dɔ njekinjanéməs’g lé Deḛ lai to njésukəmlooje.

Jeremi 7:4

Undaje meḛ sí yel dɔ ta sukəmlooje gə́ pana: Loo neelé to kəi lə Njesigənea̰, to kəi lə Njesigənea̰ ya bèe el.

Jeremi 8:10

Gelee gə́ nee ɓa n’a kar denéje lə dee Tel to ne ka̰ njé gə́ raŋg ləm, Loo-ndɔje lə dee n’a kar njé gə́ raŋg Taa gə́ ka̰ dee ləm tɔ. Mbata un kudee dɔ dəwje gə́ gɔ-gɔ’g Saar teḛ ne dɔ njé gə́ boo-boo’g lé Mal kiŋga né gə́ gə goo rəbee el Ra dee ŋgwɔd-ŋgwɔd. Un kudee dɔ njéteggintaje’g Saar teḛ ne dɔ njékinjanéməsje’g lé Deḛ lai to njésukəmlooje.

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Ejekel 22:27

Ŋgan-mbaije lə dee gə́ mee ɓee-boo’g lé to d’asəna gə jagmjərje gə́ njétɔr-kwɔi-nékwaje lə dee, deḛ d’ɔm məs naŋg ləm, deḛ tɔl dəwje ləm tɔ gə mba tɔl ne mal kiŋga né gə goo rəbee el gə́ ra dee ŋgwɔd-ŋgwɔd lé.

Ejekel 34:2

I ŋgon-dəw lé tegginta wɔji ne dɔ njékul Israɛlje! Maji kari tegginta ula njékul deeje lé pana: Mbaidɔmbaije gə́ Njesigənea̰ pa togə́bè pana: Meeko̰ a koso dɔ njékul Israɛlje gə́ d’ul rɔ dee-deḛ nja ba. See njékulbadje lé lé riri kara kəm kar dee d’ul badje el wa.

Ojee 4:18

D’ai né d’aree oso kəm dee’g ndá léegəneeya d’ḭ d’aw d’ya̰ rɔ dee dan néra kaiya’g. Mbaije lə dee ya kara mal nérɔkul ra dee ŋgwɔd-ŋgwɔd tɔ.

Ojee 4:8

Kaiya ra koso-dəwje ləm lé Deḛ telee gə́ nésɔ lə dee ləm, Deḛ d’ar mal néra gə́ kori-korije lə koso-dəwje ləm lé Ra dee-deḛ ya ləm tɔ.

Amɔs 5:14

Maji kar sí saŋgje né gə́ maji ɓó né gə́ majel el, Yee ɓa seḭ a síje ne kəmba ya. Bèe ɓa Njesigənea̰, Ala gə́ njeboo-néje lé a nai sə sí To gə́ seḭ paje ne lé tɔ.

Amɔs 9:10

Njékaiyaje lai mbuna koso-dəwje’g lə neḛ lé D’a kwəi yoo-kiambas, Deḛ gə́ pa pana: Némajel a tibi mbɔr neḛje el ləm, A teḛ dɔ neḛje’g el ləm tɔ lé.

Misee 3:5

Ta gə́ Njesigənea̰ pa Dɔ njéteggintaje gə́ d’ar koso-dəwje lə neḛ ndəm lé ɓa nee: Loo gə́ nésɔ to ŋgaŋ dee’g mba kar deḛ to̰ ndá D’ila mber meekulɔm Nɛ loo gə́ nésɔ godo ta dee’g ndá Mber rɔ ɓa d’ila tɔ.

Misee 7:3

Ji dee adə lam-lam gə mba ra ne némajel, Mbaije gə njégaŋ-rəwtaje dəji néndogo-gel Ɓa gə mba ra ne né gə́ maji ləm, Dəwje gə́ boi lé riba dɔ mal nékiŋga Gə́ ra dee ŋgwɔd-ŋgwɔd ləm tɔ, Yee ɓa d’ɔm ne na̰’d téréré dɔ néra dee’g.

Soponi 3:3

Mbaije gə́ d’isi keneŋ lé To d’asəna gə toboḭje gə́ d’inja miḭ hər-hər bèe, Njégaŋ-rəwtaje ləa to d’asəna gə jagmjərje gə́ kàrkemetag Gə́ d’ya̰ né d’ar loo àr dɔ’g el bèe ləm tɔ.

Soponi 3:4

Njéteggintaje ləa to njéhulaije gə njésukəmlooje ləm, Njékinjanéməsje ləa kara d’ula sul dɔ néje gə́ to gə kəmee’g D’al ne dɔ godndu ləm tɔ.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Malasi 2:9

Bèe ndá ma lé m’a kar sí tel toje dəwje gə́ to kḛji ləm, gə dəwje gə́ əḭ el ləm tɔ kəm dəwje’g lai mbata seḭ njaaje gə goo rəwje ləm el ləm, loo gə́ seḭ tegje gin godndu lé ndá seḭ ɔrje ne kəm dəwje keneŋ ləm tɔ.

Bula lə Israɛlje 16:15

Oŋg lə Moyis al dəa sula ndá yeḛ ula Njesigənea̰ pana: Nékarje lə dee lé maji kari oo gə́ né el. Ma lé m’taa mulayḛ̀je lə dee kára kara el ləm, m’ra majel gə dəw kára kara mbuna dee’g el ləm tɔ.

Bula lə Israɛlje 22:7

Ŋgatɔgje gə́ Moab gə ŋgatɔgje gə́ Madian d’ɔd d’aw gə né gə́ ka̰ kar njenékoo lé ji dee’g. Deḛ teḛ rɔ Balaam’g ndá deḛ ndaji taje gə́ Balak pa lé d’aree oo tɔ.

Matiyo 3:9

ɓó ulaje rɔ sí pajena: Jeḛ lé Abrakam ɓa to gə́ bɔ síjeḛ, maji kar sí paje togə́bè el! Mbata ma m’ula sí təsərə, Ala askəm tel kɔr mbalje gə́ to neelé gə́ ŋganje kar Abrakam ya.

1 Timote 3:3

Maji karee to gə́ ɓər lə kido el ləm, gə njera né kərm-kərm el ləm tɔ. Nɛ yeḛ a to njemeekila ləm, a to njetar el ləma, yeḛ a to njekəmkəḭ el ləm tɔ.

Titə 1:11

Deḛje neelé maji kwa ta dee daŋ’d ya. Mbata deḛ ndɔm noji na̰je naŋg gololo ləm, ta gə́ kəm ndoo dee el lé deḛ ndoo dee mba taa ne né gə́ gə goo rəbee el ləm tɔ.

1 Piɛrə 5:2

Ulje badə-kosoje lə Ala gə́ yeḛ ɔm dee ji sí’g, ḭje gə meḛ sí raje to gə́ mee Ala wɔji lé ɓó arje dəw njaŋg sí keneŋ el, raje gə meenda ɓó raje gə meekas gə mba kiŋga ne né ji dəwje’g korè gə ji meeyèr el.

Jude 1:11

Maji kar meeko̰ ra dee! Mbata deḛ tuga rəw goo Kaḭ’g ləm, deḛ d’al d’uru loo-kwəi-yoo-lar’g ndəm ne ndəm lə Balaam ləma, d’al ta kal lə Koré ləm tɔ.

1 Samel 8:3

Ŋgalə Samel njaa gə goo rəw gə́ bɔ deeje njaa keneŋ el. Deḛ d’ya̰ rɔ dee dan kəmkəḭ’g ləm, deḛ taa nétɔstaje d’al ne dɔ rəwta gə́ gaŋg gə dɔ najee ləm tɔ.