Misee 2:8 - Maktub gə́ To gə Kəmee

⁸ Mee ndɔje gə́ kédé lé Seḭ telje rɔ sí gə́ njéba̰je lə koso-dəwje lə neḛ bèe: Seḭ ɔrje kubu gə́ boi yul gə́ dɔ maree’g Rɔ deḛ gə́ d’ḭ loo-rɔ’g ree dəs gə meekulɔm lé.

Misee 2:8 ပူးပေါင်းရင်းမြစ်များ

2 Samel 20:19

Ɓee-boo lə sí lé dəwje d’isi lɔm keneŋ ləm, deḛ gə́ to majikojije mbuna Israɛlje’g d’isi keneŋ ləm tɔ. Nɛ i saŋg loo mba tuji ɓee-boo gə́ to ko̰ Israɛlje! See gelee ban ɓa i ndigi tuji né ka̰ lé Njesigənea̰ wa.

Pakɔsje 55:20

Ala a koo ndá a rəm sə dee kar dee d’oso kul ya, Mbata yeḛ lé si dɔ kalimbai’g ləa ləw ba saar-saar gə no̰. Deḛ lé d’ya̰ goo néra dee el ləm, Ala kara deḛ ɓəlee el ləm tɔ.

Jeremi 12:8

Nédɔjije ləm lé tel to d’asəna Gə toboḭ gə́ si mee kag-kɔr’g No̰ komam né, Yee ɓa ma m’tel m’ə̰ji dee ne bəḭ-bəḭ gə mbəa.

Misee 3:2

Seḭ ə̰jije néra gə́ maji lé bəḭ-bəḭ Ndá né gə́ majel ɓa seḭ ndigije, Seḭ tusuje ndar dəwje ləm, Seḭ tɔrje dakasrɔ dee dɔ siŋga dee’g ləm tɔ.

Misee 3:3

Deḛ d’usɔ dakasrɔ koso-dəwje ləm ləm, Deḛ tusu ndar dee ləm, Deḛ təd siŋga dee ləma, Deḛ gaŋg dee dana ɗuguru-ɗuguru To gə́ naḭ gə́ ndiri mee ŋgoro’g bèe ləm To gə́ da gə́ d’ɔb gə əb bèe ləm tɔ.

Misee 7:2

Dəw gə́ njemeemaji godo mee ɓee’g ləm, Dəw gə́ njera nédanasur godo mbuna dəwje’g ləm tɔ, Deḛ lai d’um loo gə mba kila məs, Ar nana kara iya gum gə mba kwa ne ŋgokea̰.

Misee 7:3

Ji dee adə lam-lam gə mba ra ne némajel, Mbaije gə njégaŋ-rəwtaje dəji néndogo-gel Ɓa gə mba ra ne né gə́ maji ləm, Dəwje gə́ boi lé riba dɔ mal nékiŋga Gə́ ra dee ŋgwɔd-ŋgwɔd ləm tɔ, Yee ɓa d’ɔm ne na̰’d téréré dɔ néra dee’g.