Misee 2:7 - Maktub gə́ To gə Kəmee

⁷ Seḭ ŋgaka Jakob, See seḭ a paje ta gə́ togə́bè wa. See Njesigənea̰ to njekḭ kalaŋ Kar mée ḭ səa jugugu wa. See yee gə́ bèe ɓa gə́ nérea wa. See taje ləm lé maji lə dee to keneŋ Mbata lə yeḛ gə́ njaa danasur el wa.

Misee 2:7 ပူးပေါင်းရင်းမြစ်များ

Pakɔsje 119:65

Ǝi Njesigənea̰, i nja ra meemaji gə kura ləi Gə goo ndukun ləi lé ya.

Pakɔsje 119:68

I to njemeemaji gə́ njekwanoji ya, Maji kari ndoom godnduije lé ya.

Pakɔsje 15:2

Yeḛ gə́ njaa rəw néra gə́ danasur’g ləm, Gə ra né gə́ gə dɔ najee ləma, Gə pata gə goo kankəmta gə́ to mée’g ləm tɔ ɓa.

Pakɔsje 18:26

Njemeemaji lé I maji səa ya ləm, Njemeekarabasur lé kara I ra səa gə goo meekarabasur ya ləm tɔ.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Gosota-Kəmkàrje 10:29

Rəw lə Njesigənea̰ to gə́ njo̰loo-kula-dɔ Le dəw gə́ njera nédanasur, Nɛ yeḛ to rəw gə́ tuji Le deḛ gə́ njéra némajelje.

Gosota-Kəmkàrje 10:9

Yeḛ gə́ njaa danasur lé A nda mée kaḭ dɔ loo kabee’g, Nɛ yeḛ gə́ un rəwje gə́ nduni koŋ-koŋ lé Gelee a teḛ gə́ raga ɓəi.

Gosota-Kəmkàrje 14:2

Dəw gə́ njaa rəw gə́ danasur lé Ɓəl Njesigənea̰, Nɛ yeḛ gə́ un rəw gə́ nduni koŋ-koŋ lé Ee gə́ né el.

Gosota-Kəmkàrje 2:7

Kəmkàr gə́ ka̰ teḛkɔr lé Yeḛ unda kul mbata lə dəwje Gə́ njéra nédanaje ləm, Yeḛ to dər-rɔ lə deḛ gə́ panjaa dee To gə goo rəbee ləm tɔ

Gosota-Kəmkàrje 28:18

Yeḛ gə́ njaa gə goo rəbee lé a kaji ne, Nɛ yeḛ gə́ un rəwje joo gə́ nduni lé a koso yeḛ gə́ kára’g.

Esai 50:2

Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Esai 58:1

Ɔr ndui gə́ tar ɓó əw el, Ar ndui ɓar to gə́ to̰to̰ bèe, Ila mbər ar koso-dəwje d’oo ne néra kori-korije lə dee ləm, Ar gel-bɔje lə Jakob d’oo ne kaiyaje lə dee ləm tɔ.

Jeremi 15:16

Ma m’taa taje ləi m’uru dee məəm’g, Taje ləi lé ar məəm lelm ləm, Am m’isi ne dan boo-rɔkal’g ləm tɔ Mbata rii ɓar dɔm’g, I Njesigənea̰, Ala lə njéboo-rɔje.

Jeremi 2:4

Ooje ta lə Njesigənea̰, Seḭ gel-bɔje lə Jakob ləm, Seḭ lai gə́ toje gel-bɔje lə Israɛl ləm tɔ!

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.

Misee 3:9

Ooje ta nee ɓa, Seḭ mbai dɔ ŋgaka Jakobje ləm, Seḭ njéko̰ɓeeje gə́ Israɛl ləm tɔ lé Seḭ gə́ ə̰jije néra gə́ gə dɔ najee bəḭ-bəḭ ləm, Gə arje né gə́ danasur tel to né gə́ ndɔji pɔdɔdɔ ləm tɔ.

Jakari 4:6

Tɔɓəi yeḛ tel ilam’g pana: Yee neelé to ta gə́ Njesigənea̰ ula Jorobabel pana: To gə goo né gə́ wɔji dɔ siŋgamoŋ lə njérɔje gə́ d’aw rɔ ne el ləm, Esé gə goo siŋgamoŋ lə dəw el ləm tɔ, Nɛ gə goo Ndil neḛ-neḛ nja kára ba, Njesigənea̰ gə́ njeboo-néje lé ɓa pa bèe.

Bula lə Israɛlje 11:23

Njesigənea̰ tel ila Moyis’g pana: See ji Njesigənea̰ na tas wa. Ɓasinè i a koo see né gə́ m’ulai lé a teḛ əsé a teḛ el wa.

Matiyo 3:8

Maji kar sí arje néra sí wa bua tapa sí loo gə́ seḭ waje ndòo rɔ sí dɔ kaiya’g lə sí

Tagə́maji gə́ Ja̰ ndang 8:39

Deḛ tel d’ilá’g pana: Bɔ síjeḛ lé to Abrakam ya. Jeju tel ula dee pana: Ɓó lé seḭ toje ŋgaka Abrakam ndá néra sí a kwa bua ka̰ Abrakam tɔ.

Njé gə́ Rɔmə 7:13

Né gə́ maji lé see tel to gə́ né yoom wa. Wah! bèe el. Nɛ kaiya ɓa un né gə́ maji telee gə́ né yoom mba riba ne dɔ kaiya pərəg. Yee ɓa mbɔl dɔ godndu lé ɓa kaiya tel to gə́ né gə́ dum ya.

2 Njé gə́ Kɔrḭtə 6:12

Jeḛ lé meḛ sí to tag gə mba kwa sí gə́ rɔ sí’g nɛ seḭ lé meḛ sí-seḭ ɓa udu dɔ síjeḛ’g.

2 Timote 3:5

D’a ndaji néra gə́ ka̰ kwa Ala mée’g lə sí nɛ d’a kɔm meḛ dee dɔ siŋgamoŋ lə néraje neelé el.