Misee 2:3 - Maktub gə́ To gə Kəmee

³ Gelee gə́ nee ɓa Njesigənea̰ pa ne togə́bè pana: Aa ooje, neḛ n’la̰ji mee neḛ’g Gə mba kar meeko̰ oso dɔ ginkoji dəwje’g neelé. Seḭ a kasje kəm kɔrje gwɔs sí keneŋ el ləm, Seḭ a kasje kəm kundaje dɔ sí tar keneŋ el ləm tɔ Mbata ndəaje neelé a to ndɔ némeeko̰ ya.

Misee 2:3 ပူးပေါင်းရင်းမြစ်များ

Esai 29:20

Mbata njéra né kərm-kərmje gə njékula sul dɔ loo’gje lé D’a godo ləm, Deḛ gə́ d’isi kəmba dɔ néra gə́ majel’g lé kara D’a kar dee d’udu guduru ləm tɔ.

Esai 3:16

Njesigənea̰ pana: Denéje gə́ Jerusalem lé to njékərkəmlooje, Deḛ njaa təd ne gwɔb dee ləm, D’ar kəm dee ɔs loo pal-pal ləm, Deḛ njaa lam-lam bèe ləma, D’ar niŋgaje gə́ gɔl dee’g ɓar ləm tɔ.

Esai 5:19

Deḛ gə́ pana: Maji karee ɔs rəa ɓad Gə mba ra kula ləa kalaŋ kar sí j’ooje! Né gə́ Njemeenda lə Israɛlje wɔji-kwɔji ra lé Maji karee teḛ ra née Gə mba kar sí n’gəree!

Jeremi 18:11

Ɓasinè, maji kam m’pata m’ar dəwje gə́ Juda ləm, gə deḛ gə́ d’isi Jerusalem ləm tɔ pana: Njesigənea̰ pa togə́bè pana: Aa ooje, neḛ n’wa dɔ gɔl némeeko̰ mba ra sə sí ləm, neḛ n’la̰ji ta né mba ra sə sí ləm tɔ. Maji kar sí gɔlje rəw-kaw sí ləm, gə kula ra sí ləm tɔ.

Jeremi 27:12

Ma m’ula Sedesias, mbai gə́ Juda taje neelé togə́bè ya to m’pana: Ulaje gwɔb sí taaje ne néməməna̰ lə mbai gə́ Babilɔn osoje ne gelee’g ləm, gə gel koso-dəwje’g ləa ləm tɔ ndá a síje ne kəmba ya.

Jeremi 34:17

Gelee gə́ nee ɓa Njesigənea̰ pa ne togə́bè pana: Kila gə́ nana kara ila mber kila ŋgokea̰ əsé maree tar lé seḭ ilaje ne ŋgonkoji dɔm’g el. Njesigənea̰ pana: Aa ooje, ma m’ila mber ta kila kiambas, gə yoo-koso, gə ɓoo-boo tar dɔ sí’g tɔɓəi m’a kar sí toje néɓəl mbata ɓeeko̰je lai dɔ naŋg nee tɔ.

Jeremi 36:23

Loo gə́ Jehudi tura maktub lé as kamee munda əsé sɔ jén bèe ndá mbai tḭja kam maktub neelé gə ŋgon kia lə njendaji-maktub lé gaŋg mbidi-mbidi, ɔm dɔ pər’d gə́ to mee əb’g lé saar aree roo dula-dula.

Jeremi 43:2

ndá Ajaria, ŋgolə Hosee gə Jokana, ŋgolə Karea gə dəwje nee lai gə́ to njébeeleje lé d’ula Jeremi pana: I pata ŋgɔm. Ala lə sí gə́ Njesigənea̰ ulai mba kari ula sí pana: Maji kar sí j’aw j’isije Ejiptə el lé bèe godo.

Jeremi 8:3

Ges dee-deḛ ginkoji dəwje nee gə́ to njémeeyèrje lé d’a koo yoo ɓa gə́ né gə́ maji unda kisi kəmba mee looje lai gə́ n’a tuba dee kɔm dee keneŋ lé Njesigənea̰ gə́ njeboo-néje ɓa pa bèe.

Nɔ̰-ndôo gə́ wɔji dɔ Jerusalem 1:14

Yeḛ tɔs dɔ néramje gə́ majel lé na̰’d lai Aree to gə́ nékodo gə́ wɔi dɔm’g, Yeḛ ar siŋgam kara yɔ tɔ. Njesigənea̰ ya̰’m ji njéba̰je’g Gə́ m’askəm nar rɔm ji dee’g el.

Nɔ̰-ndôo gə́ wɔji dɔ Jerusalem 2:17

Njesigənea̰ ra to gə́ yeḛ wɔji mée’g kédé lé ya. Taje gə́ yeḛ pa kédé gə́ ləw lé kara Yeḛ tɔl bém tɔ, Yeḛ tuji loo lal koo ne kəmtondoo ləm, Yeḛ teli gə́ nékalrɔ lə njeba̰ ləi ləma, Yeḛ ar siŋga njékula kəmi ndooje lé Ḭ dɔ maree’d gə́ kédé-kédé ləm tɔ.

Nɔ̰-ndôo gə́ wɔji dɔ Jerusalem 5:5

Njékula kəm sí ndooje lé D’al sí kunda ləm, Siŋga sí yɔ ləma, Loo-kwa-rɔ lə sí kara godo ləm tɔ.

Amɔs 2:14

Dəw gə́ njerɔkwɔilɔ lé a kaskəm kaḭ el ləm, Dəw gə́ njesḭga lé a kaskəm ra né gə siŋgá el ləma, Yeḛ gə́ to bao-rɔ kara a kaji rəa el ləm tɔ.

Amɔs 3:1

Seḭ Israɛlje gə́ m’ar sí undaje loo teḛje mee ɓee gə́ Ejiptə lé maji kar sí ooje ta nee gə́ Njesigənea̰ pa sə sí lé!

Amɔs 3:2

Ma mbər sí-seḭ ya kára ba Mbuna ginkoji dəwje’g lai-lai gə́ dɔ naŋg nee: Gelee gə́ nee ɓa m’a kar bo̰ néra majel lə sí lai ɔs ta sí’g ya.

Amɔs 5:13

Yee gə́ bèe ɓa, mee ndəaje gə́ togə́bè lé Njekəmkàr a si gə təa mundu Mbata mee ndɔje’g neelé loo a ndɔji keneŋ pɔdɔdɔ.

Misee 2:1

Meeko̰ a koso dɔ deḛ gə́ la̰ji tor néra gə́ kori-kori meḛ dee’g D’wa dɔ gɔlee jəb dɔ tira-to dee’g! Loo gə́ loo àr yərərə ndá d’aw ra née Loo gə́ d’ɔm siŋgamoŋ rəa lé ji dee’g tɔ.

Njé gə́ Rɔmə 16:4

Deḛ lé d’ɔs dɔ dee yoo’g gə mba kajim ne. Ma m’ra dee oiyo gə karm el nɛ Eglisəje lai gə́ to ɓee lə njépole-magəje kara ra dee oiyo ya tɔ.

Njé gə́ Epesə 5:16

Ɔsje rɔ sí ɓad mbata mee ndɔje neelé loo a ndɔji keneŋ pɔdɔdɔ.

Tel tura Godndu 28:48

ndá seḭ a raje né karje njéba̰je lə sí gə́ Njesigənea̰ a gə kula dee kar dee d’ḭ rɔ sə sí lé dan ɓó’g ləm, gə dan kṵdaman’g ləm, gə dan kaw kudu dum’g ləma, gə dan ɓoo-boo’g ləm tɔ, yeḛ a kila néməməna̰ gə́ ra gə larndul gwɔb sí’g saar kar sí uduje ne bo̰.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.