Misee 1:8 - Maktub gə́ To gə Kəmee

⁸ Gelee gə́ nee ɓa ma Mise M’a no̰ ne gə mán-no̰ kəm’g ləm, M’a sii ne mbigi-mbigi ləm, M’a njaa ne gɔlm kari ba ləm, M’a kɔr ne ndum wəl no̰ ne to gə́ tàl bèe ləma, M’a tuma̰ ne ŋgururu-ŋgururu to gə́ yel miru bèe ləm tɔ.

Misee 1:8 ပူးပေါင်းရင်းမြစ်များ

2 Mbaije 18:13

Mee ləb ko̰ɓee’g lə Ejekias, mbai gə́ njekɔm’g dɔg-giree-sɔ lé Sa̰kɛrib, mbai gə́ Asiri ɔr rɔ aw rɔ gə ɓee-booje gə́ Juda lai gə́ ndògo-bɔrɔ gugu dɔ dee sub lé taa dee.

Este 4:1

Loo gə́ Mardose oo néje lai gə́ deḛ ra lé ndá yeḛ til kubuje rəa’g hao̰-hao̰, ya̰ ula kubu-kwa-ndòo rəa’g ləm, sa bu ɔm dəa’g ləm tɔ. Tɔɓəi yeḛ aw dan mee ɓee-boo’g ɔr ndia wəl no̰ ne gə meeko̰ tɔ.

Maktub gə́ wɔji dɔ Jɔb 30:29

M’tel m’to ŋgoko̰ tàlje ləm, M’to njeboalookaw lə miruje ləm tɔ.

Pakɔsje 102:6

Tuma̰je gə́ m’tuma̰ ŋgururu-ŋgururu lé ɓa Ar rɔm ɔm ne kúla mbao-mbao ya.

Esai 13:21

Daje gə́ dɔdilaloo’g d’a to keneŋ ləm, Kwɔi-booje d’a taa mee kəije lə dee pəl-pəl ləm, Miruje d’a ra loo-si dee keneŋ ləma, Bàl bya̰je gə́ wala d’a ndam keneŋ ləm tɔ.

Esai 13:22

Rigəmje d’a no̰ mee kəi-mbaije’g lə dee ləm, Tálje d’a no̰ mee kəije’g lə deḛ gə́ maji péd-péd ləm tɔ. Ndɔ lə dee nai dəb ba ŋga Ndá d’a kila ndɔje lə dee dɔ maree’g kar dee el ŋga.

Esai 16:9

Gelee gə́ nee ɓa ma m’no̰ ne Gə mba ndɔ-nduúje gə́ to Sibma To gə́ m’no̰ ne gə mba njé gə́ Jajer bèe tɔ, Ma m’ndəi mán-no̰ gə́ kəm’g dɔ sí-seḭ ɓeeje gə́ Esbon gə Eləalé Mbata lul njérɔje ɓar dɔ ndɔ kinja kó’g lə sí ləm, Gə dɔ kunda ka̰dee’g ləm tɔ.

Esai 21:3

Gelee gə́ nee ɓa némeekonje taa ne rɔm pəl-pəl, Ndóo teḛ dɔm’g wai To gə́ ndóo gə́ ula dené ndubu loo-koji-ŋgon’g bèe, Rɔko̰je gə́ ndaŋg dəw paḭ lé D’ɔgm dɔ koo ta’g ləm, Kunda bala tigi-tigi ɔgm koo loo ləm tɔ.

Esai 22:4

Yee gə́ bèe ɓa ma m’pa ne m’pana: Unje kəm sí dɔm’d gə́ raŋg, Ya̰’mje amje m’no̰ gə meeko̰, Saŋje loo gə mba gɔl məəm Wɔji dɔ tuji-boo gə́ teḛ dɔ ŋgon gə́ dené’g lə koso-dəwje ləm lé el.

Esai 32:11

Seḭ denéje gə́ njérɔkwɔije lé Sije dan ɓəl’g! Seḭ denéje gə́ síje lɔm lal kḛji ta lé Undaje bala to! Tɔrje kubu rɔ sí’g síje rɔ sí kari ba Ndá tɔje kubu-kwa-ndòo ɓər sí’g.

Jeremi 4:19

Wurm ɓòo! Wurm ɓòo! Dɔ ɓəŋgərəm ndiri njigi-njigi, Dɔ ɓəŋgərəm unda bala, Loo kam m’isi lɔm godo. Mbata ma m’oo ndu to̰to̰ ləm, Gə ndu kò-rɔ ləm tɔ.

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Jeremi 9:10

Njesigənea̰ pana: M’a kwa Jerusalem kugu ɓiri-ɓisi Karee to gə́ loo-to lə tàlje ləm, M’a kar ɓee-booje gə́ Juda Tel to dɔnduba kar dəw kára kara Si keneŋ el ləm tɔ.

Jeremi 9:19

Denéje, maji kar sí ooje ta lə Njesigənea̰, Urje mbi sí ooje ta gə́ teḛ təa’g, Ndooje ŋgan síje gə́ dené Loo kun pa no̰ ndòo yoo ləm, Seḭje kara ndooje na̰ Loo kun pa no̰ ndòo yoo kar na̰ ləm tɔ.

Ejekel 32:18

I ŋgon-dəw lé, no̰ koso-dəwje gə́ Ejiptə gə́ bula digi-digi lé sii ne mbigi-mbigi, ɔs Ejiptəje gə ŋgalə ginkoji dəwje gə raŋg gə́ dené gə́ to njésiŋgamoŋje ɔm dee gin naŋg’d gə́ bər gə njé gə́ dubu dee bwa-dɔɓar’g na̰’d.

Misee 2:4

Mee ndəaje’g neelé d’a pata gə goso taji sí ne ləm, D’a kɔr ndu dee gə́ tar wəl no̰ ne sii ne mbigi-mbigi ləm tɔ. D’a pana: Jeḛ lai n’tujije pugudu ya! Yeḛ kai né lə koso-dəwje lə neḛ ar njé gə́ raŋg! Ɗi togə́bè wa. Yeḛ ɔr né neelé ji neḛ’g. Yeḛ kai loo-ndɔje lə sí ar njeba̰ lé.

1 Samel 19:24

Yeḛ tɔr kubuje ləa rəa’g ndá yeḛ tegginta no̰ Samel’g tɔ. Tɔɓəi mee ndəa’g neelé yeḛ oso naŋg gə rəa kari ba to dan kàrá ləm, gə loondul’g ləm tɔ. Gelee gə́ nee ɓa, deḛ pa ne pana: See Sawul ya kara si mbuna njéteggintaje’g ləm tɔ wa.