Misee 1:3 - Maktub gə́ To gə Kəmee

³ Mbata aa ooje, Njesigənea̰ ḭ loo-siée’g to tar sab lé Ree njaa sém looje gə́ tar’g lə dɔ naŋg nee.

Misee 1:3 ပူးပေါင်းရင်းမြစ်များ

Maktub gə́ wɔji dɔ Jɔb 40:12

Maji kari aa njédɔkədərəje ar dee d’ula dɔ dee ləm, Tal njémeeyèrje naŋg ras-ras loo-kaar dee’g ləm tɔ.

Pakɔsje 115:3

Ala lə sí lé si dara ya, Yeḛ nja ra néje lai to gə́ mée ndigi.

Esai 25:10

Mbata ji Njesigənea̰ to dɔ mbal’g neelé, Ndá Moabje lé mbula dee naŋg To gə́ mbula ne mu gə siḭ néje dan mán’g bèe.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Ejekel 3:12

Yen ŋga ndil unm am m’oo kaa né gə́ ɓar ɗigi-ɗigi goom’g pana: Maji kar dɔ rɔnduba lə Njesigənea̰ ai səgərə loo-siée’g!

Amɔs 4:13

Mbata aa ooje, yeḛ gə́ to njera mbalje ləm, Gə njekunda lel ləm, Yeḛ gə́ riba dɔ takə̰ji ləa ar dəw gər ləm, Yeḛ gə́ ar loo gə́ kàr uba lé Tel to loondul ləma, Yeḛ gə́ njaa sém looje’d gə́ tar lə naŋg nee ləm tɔ lé Ria ɓa to Njesigənea̰, Ala gə́ njeboo-néje ya.

Amɔs 9:5

Mbaidɔmbaije gə́ Njesigənea̰ gə́ njeboo-néje lé Ɔrɔ dɔ naŋg aree yə ɓugu-ɓugu ləm, Dəwje lai-lai gə́ d’isi keneŋ lé D’isi dan kəmndooyoo’g ya ləm tɔ. Naŋg ḭ bura asəna gə baa bèe ləm, Yee rəm asəna gə baa gə́ Ejiptə bèe ləm tɔ.

Habakuk 3:19

Njesigənea̰, Mbaidɔmbaije to siŋgam, Yeḛ ar gɔlm wɔilɔ pélé-pélé to gə́ ka̰ arkasje bèe ləm, Yeḛ am m’njaa dɔ looje’g ləm gə́ to tar sab ləm tɔ. Pa neelé to mee maktub pa’g lə bao-pa. Deḛ d’ɔs gə kṵdu-ko̰dè ya.

Jakari 14:4

Mee ndəa’g neelé yeḛ a kila gɔlee dɔ mbal gə́ ria lə Mbal-Koiyoje Gə́ wɔji dɔ Jerusalem njoroŋ mbɔr loo gə́ bər’g, Mbal gə́ ria lə Mbal-Koiyoje lé A ta̰ dana par gə́ bər ləm, gə dɔ-gó ləm tɔ Ndá a tel to wəl-loo gə́ boo tɔ. Ges mbal lé a rəm gə gée par gə́ dɔgel ləm, Gesee a rəm gə gée par gə́ dɔkɔl ləm tɔ.

Tel tura Godndu 32:13

Yeḛ aw sə dee dɔ sém loo’g Gə́ duu dɔ ɓee ndá, Israɛlje d’ul rɔ dee rəa’g Gə kandə néje gə́ mee ndɔje’g Yeḛ ar dee ubu tə̰ji Gə́ unda kaar mbal’g ləm Yeḛ ar ubu teḛ mee kɔr mbal’d Gə́ kədərə kaw-kaw ləm

Tel tura Godndu 33:29

Israɛlje d’isi dan rɔlel’g! See na̰ ɓa to tana sə sí wa. Seḭ toje koso-dəwje gə́ Njesigənea̰ aji dee ləm, Yeḛ to dər gə́ la sə sí ləm, Gə kiambas gə́ to baŋga lə sí ləm tɔ. Njéba̰je lə sí d’a kunda barmba no̰ sí’g Ndá seḭ a tubaje dɔ looje lə dee gə́ d’ḭta lé gə gɔl sí tɔ.