Misee 1:2 - Maktub gə́ To gə Kəmee

² Seḭ koso-dəwje lai lé ooje ta nee! Naŋg gə dəwje lai gə́ d’isi keneŋ lé Urje mbi sí gèŋ! Maji kar Njesigənea̰ Mbaidɔmbaije ɔr ta ila dɔ sí’g Mbaidɔmbaije, yeḛ gə́ si mee kəi-mbai’g ləa Gə́ to gə kəmee lé!

Misee 1:2 ပူးပေါင်းရင်းမြစ်များ

1 Mbaije 22:28

Bèe ɓa Mise ilá keneŋ pana: Ɓó lé i tel ree gə meekulɔm ya ndá Njesigənea̰ pata gə ndum el. Yeḛ ila ta keneŋ tɔɓəi pana: Seḭ koso-dəwje lai, maji kar sí ooje ya!

2 Sôrta Gḭka Israɛlje 18:27

Bèe ɓa Mise ilá keneŋ pana: Ɓó lé i tel ree gə meekulɔm ya ndá Njesigənea̰ pata gə ndum el. Yeḛ ila ta keneŋ tɔɓəi pana: Seḭ koso-dəwje lai, maji kar sí ooje ya!

Pakɔsje 11:4

Njesigənea̰ si mee kəi’g ləa gə́ to gə kəmee doi lé ya. Njesigənea̰ lé kalimbai ləa to mee dara’g, Kəmee ɓa aa ne loo gərərə ləm, Kəmee lé tən ne dəwje soo-soo ləm tɔ.

Pakɔsje 24:1

Pa lə Dabid Naŋg neelé gə néje lai gə́ to keneŋ ləm, Dɔ naŋg neelé gə dəwje gə́ d’isi keneŋ ləm tɔ lé Deḛ to ka̰ Njesigənea̰ nja kára ba.

Pakɔsje 28:2

Maji kari oo ndu ra ndòo ləm Loo gə́ m’no̰ m’ɓari ləm, Loo gə́ m’odo jim par gə́ kəi ləi gə́ to gə kəmee ləm tɔ.

Pakɔsje 50:1

Pakɔs lə Asap Ala, Njesigənea̰ Ala lé Pata ɓar ne dəwje gə́ dɔ naŋg nee lai Un kudee dɔ deḛ gə́ d’isi loo-kuba’g lə kàr Saar teḛ ne dɔ deḛ gə́ d’isi loo-kuru-naŋg’g ləa jigi tɔ.

Pakɔsje 50:12

Ɓó lé ɓó tɔlm ndá m’a kulai taree el Mbata dɔ naŋg to kama gə néje lai gə́ to keneŋ.

Pakɔsje 50:7

Seḭ dəwje ləm lé urje mbi sí, m’a gə pata, Seḭ Israɛlje kara m’a gə ndəji sí kɔr tɔ. Ma lé m’to Ala gə́ to Ala lə sí ya.

Gosota-Kəmkàrje 8:4

Diŋgamje, to seḭ ɓa m’no̰ m’ɓar sí, Ma m’ɔr ndum gə́ tar wəl M’ar ŋgalə dəwje ya.

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Esai 18:3

Seḭ dəwje lai gə́ dɔ naŋg nee Gə́ síje dɔ naŋg nee lé Ooje nétɔji gə́ d’unda tar dɔ mbalje’g, Ooje ndu to̰to̰ gə́ ɓar lé.

Esai 50:7

Nɛ Mbaidɔmbaije gə́ Njesigənea̰ la səm, Gelee gə́ nee ɓa ma m’oo rɔkulee gə́ né el ləm, Gelee gə́ nee ɓa m’ar ŋgo nɔm To asəna gə kɔri-mbal bèe ləm tɔ Mbata m’gər gao rɔkul a dəb dɔm’g el.

Jeremi 22:29

Ǝi ɓee ləm, ɓee ləm, ɓee ləm, maji kari oo ta lə Njesigənea̰!

Jeremi 29:23

Né neelé a teḛ dɔ dee’g mbata deḛ ra nérɔkul mbuna Israɛlje’g d’ya̰ ne rɔ dee dan ndal denéje lə mar deeje’g gə mɔdkaiya ləm, ma m’un ndum m’ar dee el nɛ deḛ pa taŋgɔm gə rim ləm tɔ. Ma m’gər gao ləm, m’oo gə kəm ləm tɔ. Njesigənea̰ ɓa pa bèe.

Jeremi 42:5

Deḛ d’ula Jeremi pana: Ɓó lé jeḛ n’raje néje lai gə́ Ala ləi gə́ Njesigənea̰ a kulai kari ula sí el ndá maji kar Njesigənea̰ to kankəm njekɔrgoota gə́ gə goo rəbee mba kila ne ta dɔ sí’g ya.

Jeremi 6:19

I dɔ naŋg neelé maji kari oo ta, Aa oo, m’a gə kar némeeko̰ ree Dɔ koso-dəwje’g neelé Gə goo kandə takə̰jije lə dee, Mbata deḛ d’ur mbi dee Dɔ taje’g ləm el ləm, Deḛ d’ə̰ji godndum bəḭ-bəḭ ləm tɔ.

Junas 2:7

Ma lé m’ndii mán M’aw saar ŋgira mbalje gə́ naŋg Ar pəgərə tarəwɓeeje lə njé gə́ d’wəi’g lé D’udu dɔm’g saar gə no̰, Lé bèe kara i Njesigənea̰ Ala ləm lé I am m’unda loo mee bwa’g m’teḛ kəmba ya.

Junas 2:8

Loo gə́ ndiləm teḛ pərəŋ ndá M’ar məəm olé dɔi-i Njesigənea̰’g, Tamaji ləm kara aw njal teḛ rɔi’g Mee kəi’g ləi gə́ to gə kəmee doi lé tɔ.

Habakuk 2:20

Njesigənea̰ si mee kəi’g ləa gə́ to gə kəmee lé. Maji kar dəwje lai gə́ dɔ naŋg nee D’isi gə ta dee gə́ mundu nea̰’g ya!

Malasi 2:14

Tɔɓəi seḭ pajena: See ban wa. Mbata Njesigənea̰ lé to njekoo goo ta mbuna sí-seḭ’g gə dené ji síje gə́ seḭ taa deeje gə basa sí ba lé. Deḛ lé to gə́ njela sə síje ləm, to denéje gə́ seḭ manje rɔ sí ar deeje ləm tɔ nɛ seḭ telje uba deeje ya̰ deeje ya.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Tel tura Godndu 32:1

I dara lé, kɔd mbii ila tag ndá m’a kulai ta, I naŋg lé ur mbii oo ne taje tam’g.

Loo gə́ killa rea kəm Ja̰’g 2:11

Yeḛ gə́ mbia to gən ndá maji karee oo ne ta gə́ Ndil ɓa ula Eglisəje: Nana ɓa gə́ un baŋga ndá yoo gə́ joo a kula kəmee ndòo el ŋga.

Loo gə́ killa rea kəm Ja̰’g 2:17

Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje: Yeḛ gə́ a kun baŋga ndá m’a karee muru gə́ ḭ dara gə́ to loo-kiya’g ɓəi ləm, m’a karee j’ər gə́ nda ləm tɔ. Dɔ jər gə́ nda lé d’a ndaŋg ria gə́ sigi gə́ dəw kára kara gər el lé keneŋ, yeḛ gə́ njekiŋga ri lé ɓa a gər.

Loo gə́ killa rea kəm Ja̰’g 2:29

Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje.

Loo gə́ killa rea kəm Ja̰’g 2:7

Yeḛ gə́ mbia to gən ndá maji karee oo ne ta gə́ Ndil nja ɓa ula Eglisəje. Dəw gə́ a kun baŋga ndá m’a karee sɔ kandə kag kəmə gə́ to mee paradis’g lə Ala lé ya.

Loo gə́ killa rea kəm Ja̰’g 3:13

Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje.

Loo gə́ killa rea kəm Ja̰’g 3:22

Nana ɓa gə́ mbia to gən ndá maji karee oo ne ta gə́ Ndil ula Eglisəje ya.

Loo gə́ killa rea kəm Ja̰’g 3:6

Nana ɓa gə́ mbia to gən ndá maji karee oo ta gə́ Ndil ɓa ula Eglisəje.

Njéga̰g-Rəwtaje 11:10

Ŋgatɔgje gə́ Galaad lé d’ula Jepte pana: Ɓó lé jeḛ n’raje né gə́ i ula sí lé el ndá maji kar Njesigənea̰ oo ləm, maji karee gaŋg rəwta dɔ sí’g ləm tɔ.