Misee 1:12 - Maktub gə́ To gə Kəmee

¹² Dəw-mee-ɓeeje gə́ Marot’g lé D’unda bala tigi-tigi mba taa ne rɔ dee Mbata némeeko̰ gə́ ḭ rɔ Njesigənea̰’g lé Ree saar tarəwkɔg’d gə́ Jerusalem.

Misee 1:12 ပူးပေါင်းရင်းမြစ်များ

Maktub gə́ wɔji dɔ Jɔb 30:26

Ma lé m’ŋgina si dan maji’g nɛ meeko̰ ɓa ree. Ma m’unda məəm yel dɔ lookàr’g nɛ loondul ɓa ree tɔ.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Jeremi 14:19

Njesigənea̰, See i uba Juda yá̰ ŋga wa. See i ə̰ji Sio̰ bəḭ-bəḭ wa. See gelee ban ɓa i ula kəm sí ndòo Ar sí j’iŋgaje doo gə́ lal kər wa. Jeḛ j’undaje meḛ sí yel Dɔ kiŋga meelɔm’g Nɛ aa oo, nérɔlel kára kara Teḛ keneŋ el ləm, Meḛ sí to yel mba kaji Nɛ aa oo, ɓəl-boo ɓa teḛ ləm tɔ.

Jeremi 8:15

Jeḛ j’undaje meḛ sí yel Mba kiŋga meelɔm, Nɛ nérɔlel kára kara ree el, Jeḛ j’undaje meḛ sí yel dɔ kaji’g, Nɛ né gə́ to ɓəl kədm-kədm ɓa teḛ!

Amɔs 3:6

See d’a kim to̰to̰ karee ɓar mee ɓee-boo’g Lal kar dəwje d’unda bala wa. See nékəmndoo a teḛ dɔ ɓee-boo’g Lal kar Njesigənea̰ to njegelee wa.

Misee 1:9

Mbata doo ləa lé to doo gə́ too yaa̰ Aw gə́ kédé-kédé saar teḛ Juda ləm, Aw saar teḛ tarəwkɔg’d lə koso-dəwje ləm ləma, Aw saar teḛ Jerusalem ləm tɔ.

Rudu 1:20

Nɛ yeḛ tel ula dee’g pana: Ɓarmje Naomi el, ɓarmje Mara ɓa: tel ta koji sí pana Némeekad, mbata Bao-siŋgamoŋ lé ar məəm adə mbag-mbag ya.

1 Samel 4:13

Loo gə́ yeḛ ree lé ndá Eli si dɔ kali’g ləa mbɔr rəw’g si ŋgina mbata mée to kərm gə́ dɔ sa̰duk-manrɔ’g lə Ala. Loo gə́ dəw neelé ree mee ɓee-boo’g ləm, ɔr sor néje ləm tɔ ndá dəwje lai gə́ mee ɓee-boo’g lé d’ɔm dɔ no̰’g no̰ birim-birim.