Misee 1:11 - Maktub gə́ To gə Kəmee

¹¹ Seḭ dəw-mee-ɓeeje gə́ Sapir lé Maji kar sí dəsje awje kudu sí dum gə rɔkul! Seḭ gə́ síje Saanan lé Seḭ asjekəm kundaje loo teḛje el ləm, Kəmndooyoo gə́ Bet-Haəsel lé Ɔg sí loo-kula-dɔ sí keneŋ ləm tɔ.

Misee 1:11 ပူးပေါင်းရင်းမြစ်များ

Esai 16:2

To gə́ yelje d’aḭ sanéna̰ pə ləm, Ŋgan yelje ɓəl mee kəi dee’g ləm tɔ lé Denéje gə́ Moab kara D’a to togə́bè loo-gaŋg-baa gə́ Arno̰ tɔ.

Esai 20:4

Togə́bè ɓa mbai gə́ Asiri a kwa basaje gə ɓugaje gə́ Ejiptə kaw sə dee ɓee-ɓər’g, kubu a godo rɔ dee’g ləm, gɔl dee a to kari ba ləma, d’a kaw kudu dee dum ləm tɔ gə mba kila ne rɔkul dɔ Ejiptə’g ya.

Jeremi 13:22

Ɓó lé i pa məəi’g pana: Gelee ban ɓa né nee Teḛ ne dɔi’g togə́bè wa Ndá to mbata Boo-néraje ləi gə́ kori-kori ɓa Ar dee kə́ ne ta kubuje ləi gə́ tar ləm, Ar dee ra ne səi né gə́ kərm-kərm Ar gel gɔli to ne kari ba ləm tɔ.

Jeremi 48:6

Aḭje gə́ nu taaje ne rɔ sí, Sije dɔdilaloo’g asəna gə kag-maaji bèe.

Jeremi 48:9

Arje Moabje d’iŋga bag dee Mba kar dee d’aw ne əw! Ɓee-booje ləa d’a tel to dɔ nduba ləm, Dəw kára kara a si keneŋ el ləm tɔ.

Ejekel 16:37

aa oo, n’a mbo̰ njéto seḭje lai gə́ i iŋga rɔlel rɔ dee’g lé deḛ lai gə́ i unda dee dan kəmi’g ləm, gə deḛ lai gə́ i ə̰ji dee bəḭ-bəḭ ləm tɔ lé dɔ na̰’d, n’a kar dee d’ḭ gə looje ɓəd-ɓəd mbo̰ na̰ dɔi’g ndá n’a najii kar dee d’oo mee mbaai raga ndəgəsə.

Ejekel 23:29

Deḛ d’a ra səi né gə goo kḛji gə́ d’ḛjii bəḭ-bəḭ ləm, d’a taa nébaoje ləi mbad-mbad ləma, d’a tɔr kubuje ləi kya̰’i kudi dum dum-dum ləm tɔ, rɔkul néra kaiyaje ləi ləm, gə kaiyaje ləi ləma, gə mɔdkaiyaje ləi ləm tɔ d’a to raga pai-pai.

Misee 1:8

Gelee gə́ nee ɓa ma Mise M’a no̰ ne gə mán-no̰ kəm’g ləm, M’a sii ne mbigi-mbigi ləm, M’a njaa ne gɔlm kari ba ləm, M’a kɔr ne ndum wəl no̰ ne to gə́ tàl bèe ləma, M’a tuma̰ ne ŋgururu-ŋgururu to gə́ yel miru bèe ləm tɔ.

Nahum 3:5

Njesigənea̰ gə́ njeboo-néje lé pana: Aa ooje, neḛ n’aw sə sí gə ta. N’a tusu kubuje lə sí rɔ sí’g saar teḛ ne kəm sí gə́ tar ləm, N’a kar ginkoji dəwje gə raŋg d’oo meembaa sí ləma, N’a kar ɓeeko̰je d’oo rɔkul lə sí ləm tɔ.

Jakari 14:5

Togə́bè ɓa seḭ a kaḭje kawje kəm wəl mbalje’g, Mbata wəl mbalje neelé d’a kaw njal teḛ Asel ya. Seḭ a kaḭje to gə́ seḭ aḭje ne no̰ naŋg gə́ yə’g Mee ləbee gə́ Ojias to ne mbai gə́ Juda lé bèe. Ndá Njesigənea̰, Ala ləm, a ree gə njémeendaje ləa lai na̰’d.

Jujé 15:37

gə Senan, gə Adasa, gə Migdal-Gad,