Misee 1:1 - Maktub gə́ To gə Kəmee

¹ Njesigənea̰ ula Mise, dəw gə́ Moreset ta mee ndəaje gə́ Jotam gə Ahas gə Ejekias, to ne mbaije gə́ Juda lé. To ta gə́ wɔji dɔ Samari gə Jerusalem gə́ yeḛ oo gə némḭdi lé.

Misee 1:1 ပူးပေါင်းရင်းမြစ်များ

2 Mbaije 15:32

Ləb ko̰ɓee lə Péka, ŋgolə Remalia, mbai gə́ Israɛl gə́ njekɔm’g joo lé Jotam, ŋgolə Ojias, mbai gə́ Juda ɓa un kudu ko̰ɓee.

2 Mbaije 15:5

Njesigənea̰ unda mbai gə rɔko̰ ba̰ji aree nai rəa’g saar ndɔ kwəi ləa, yeḛ si ne mee kəi gə́ to ŋgərəŋ’d. Jotam, ŋgonee ɓa to mbai dɔ njémeekəije’g lə mbai ndá yeḛ gaŋg rəwta lə dəwje gə́ mee ɓee’g tɔ.

2 Mbaije 16:1

Ləb ko̰ɓee lə Péka, ŋgolə Remalia gə́ njekɔm’g dɔg-giree-siri lé ɓa Akas, ŋgolə Jotam, mbai gə́ Juda un kudu ko̰ɓee keneŋ.

2 Mbaije 18:1

Mee ləb ko̰ɓee’g lə Ojee, ŋgolə Ela, mbai gə́ Israɛl gə́ njekɔm’g munda lé ɓa Ejekias, ŋgolə Akas, mbai gə́ Juda un kudu ko̰ɓee keneŋ.

2 Sôrta Gḭka Israɛlje 28:1

Ahas lé ləbee as rɔ-joo ɓa yeḛ tel to mbai ɓəi ndá yeḛ si Jerusalem o̰ ne ɓee as ləb dɔg-giree-misa̰. Yeḛ ra né gə́ danasur kəm Njesigənea̰’g to gə́ keaje Dabid bèe el.

2 Sôrta Gḭka Israɛlje 29:1

Ləb Ejekias aḭ rɔ-joo-giree-mi ɓa yeḛ tel to mbai ndá yeḛ si Jerusalem o̰ ne ɓee as ləb rɔ-joo-giree-jinaikara. Kea̰je ria lə Abija, ŋgolə Jakari.

Esai 1:1

Ndərta gə́ inja kəm Esai, ŋgolə Amots’g aree oo wɔji ne dɔ Judaje gə Jerusalemje mee ndəa gə́ Ojias gə Jotam gə Akaj gə Ejekias to ne mbaije gə́ Juda lé.

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Esai 7:1

Mee ndɔ’g lə Akaj, ŋgolə Jotam, gə́ to ŋgolə Ojias, mbai gə́ Juda lé, Resin, mbai gə́ Siri aw gə Péka, ŋgolə Remalia, mbai gə́ Israɛl na̰’d gə mba kaḭ dɔ Jerusalem sub gə rɔ. Nɛ d’askəm dumee el.

Esai 7:9

Samari ɓa to gə́ ko̰ɓee gə́ Eprayim Ar ŋgolə Remalia ɓa to mbai dɔ Samari tɔ. Ɓó lé aarje njaŋg dɔ ta’g neelé el ndá Seḭ a síje kəmba el.

Jeremi 26:18

Mise, dəw gə́ Moreset tegginta mee ndəa’g lə Ejekias, mbai gə́ Juda lé ndá yeḛ ula koso-dəwje lai gə́ Juda pana: Njesigənea̰ gə́ njeboo-néje pa togə́bè pana: D’a ndɔ Sio̰ bur-bur to gə́ mee ndɔ bèe ləm, Jerusalem a tel to kɔr mbalje Gə́ tɔs dɔ na̰’d ləma, Mbal gə́ kəi gə́ to gə kəmee To keneŋ lé a tel to mee kag-kɔr ləm tɔ.

Ojee 1:1

Ta gə́ Njesigənea̰ ula Ojee, ŋgolə Beeri, mee ləb ko̰ɓee’g lə Ojias, gə Jotam, gə Ahas, gə Ejekias, mbaije gə́ Juda ləm, gə Jeroboam, ŋgolə Joas, mbai gə́ Israɛl lé ləm tɔ.

Ojee 4:15

Ǝi seḭ Israɛlje, ɓó lé seḭ ubaje Ala lə sí yá̰je ndá Maji kar Judaje d’ar taree wa dɔ dee-deḛ el. Maji kar sí awje loo gə́ to gə kəmee’d gə́ to Gilgal el ləm, Awje Bet-Aben el ləma, Ubuje rɔ sí pajena: Njesigənea̰ si kəmba bèe el ləm tɔ.

Ojee 8:14

Israɛlje d’ar meḛ dee wəi dɔ yeḛ gə́ njekunda dee’g Ndá deḛ d’unda kəi-mbaije ləm, Judaje kara d’ar ɓee-booje gə́ gə siŋga dee lé D’ḭ dɔ maree’d gə́ kédé-kédé ləm tɔ. Nɛ m’a kar pər roo ɓee-booje lə dee ləm, A roo kəi-mbaije lə dee ləm tɔ.

Amɔs 1:1

Taje lə Amɔs gə́ to yeḛ gə́ kára mbuna njékulbadje’d gə́ Tekoa lé. Némḭdije gə́ yeḛ oo wɔji dɔ Israɛl mee ndəa gə́ Ojias to ne mbai gə́ Juda ləm, Jeroboam, ŋgolə Joas to ne mbai gə́ Israɛl ləm tɔ lé ləb joo ɓad ɓa kar naŋg yə ɓəi lé.

Amɔs 6:1

Meeko̰ a koso dɔ deḛ gə́ d’isi lɔm mee ɓee’g Sio̰ ləm, Gə deḛ gə́ d’isi gə́ majee dɔ mbal’g Samari Lal ɓəl ləm tɔ. Mbata deḛ gə́ to mbaije gə́ boo lə ginkoji dəwje Gə́ d’uru dɔ mar deeje’g lé Ɓa Israɛlje d’aw rɔ dee’g!

Misee 1:5

Néje lai neelé teḛ mbata takalje lə Jakobje ləm, Gə mbata kaiya ra Israɛlje ləm tɔ! See ɗi ɓa gə́ majel lə Jakobje lé wa. See to Samari el wa. See ɗi ɓa to dɔ looje gə́ ndəw lə Judaje lé wa. See to Jerusalem el wa.

Misee 3:9

Ooje ta nee ɓa, Seḭ mbai dɔ ŋgaka Jakobje ləm, Seḭ njéko̰ɓeeje gə́ Israɛl ləm tɔ lé Seḭ gə́ ə̰jije néra gə́ gə dɔ najee bəḭ-bəḭ ləm, Gə arje né gə́ danasur tel to né gə́ ndɔji pɔdɔdɔ ləm tɔ.

Habakuk 1:1

Ndərta gə́ Njesigənea̰ riba dəa ar Habakuk, njetegginta oo lé.

2 Piɛrə 1:21

mbata ta gə́ pa lé ḭ mee dəw’g tel el. Ndilmeenda ɓa uru meḛ dəwje’g ar dee pa ne tapa Ala lé ya.