Matiyo 9:36 - Maktub gə́ To gə Kəmee

³⁶ Loo gə́ yeḛ oo koso-dəwje ndá mée aw taḭ-taḭ mbata yeḛ oo dee asəna gə ŋgan badje gə́ lab ɔr dee ləm, njekul dee kara godo ləm tɔ.

Matiyo 9:36 ပူးပေါင်းရင်းမြစ်များ

1 Mbaije 22:17

Mise tel ilá keneŋ pana: Ma m’oo Israɛlje lai gə́ sanéna̰ dɔ mbalje’g To gə́ badje gə́ njekul dee godo bèe, Bèe ɓa Njesigənea̰ pana: Dəwje neelé ɓée deeje godo. Maji kar nana kara tel ree mee kəi’g ləa gə meekulɔm ya.

2 Sôrta Gḭka Israɛlje 18:16

Mise tel ilá keneŋ pana: Ma m’oo Israɛlje lai sanéna̰ dɔ mbalje’g to gə́ badje gə́ njekul dee godo bèe. Tɔɓəi Njesigənea̰ pana: Dəwje neelé ɓée deeje godo. Maji kar nana kara tel aw mee kəi’g ləa gə meekulɔm ya!

Esai 13:14

Bèe ɓa asəna gə ndooi gə́ tubá ləm, Gə badə-kosoje gə́ njekul dee godo ləm tɔ lé Nana kara a tel gə́ rɔ dəwje’g ləa ləm, Nana kara a kaḭ gə́ ɓee ləa ləm tɔ.

Jeremi 50:6

Koso-dəwje ləm tɔ koso-badje lé ndəm d’igi, Njékul deeje d’ar dee ndəm ləm, D’ar dee d’ila rima-rima Mbuna mbalje’g ləm tɔ. Deḛ d’ḭ dɔ mbalje’g d’aw dɔdərlooje’g D’ar meḛ dee wəi sel Dɔ loo-kaar deeje’g.

Jakari 10:2

Mbata magəje lé pa taje gə́ kari ba ləm, Njénékooje lé teggin taŋgɔm ləma, Nije gə́ d’ɔr gée lé to néje gə́ ŋgɔm Gə́ gɔl ne meḛ dəwje gə ta gə́ kari ba ləm tɔ. Gelee gə́ nee ɓa d’ila ne mbir-mbir to gə́ koso-badje bèe ləm, D’isi ne dan nékəmndoo’g Mbata njekul dee godo ləm tɔ.

Jakari 11:16

Mbata aa oo, n’a kar njekulbadje gə́ raŋg kára ḭ mee ɓee’g neelé gə́ mée a to dɔ badje gə́ d’isi tuji lé el. Yeḛ a kaw saŋg ŋgan badje el ləm, yeḛ a tɔ ta doo lə deḛ gə́ d’iŋga lé el ləm, yeḛ a kaa dɔ deḛ gə́ rɔ dee to kari el ləm tɔ. Nɛ yeḛ a sɔ deḛ gə́ d’ər ndəb-ndəb ləm, yeḛ a sɔ deḛ gə́ d’ər ndəb-ndəb saar teḛ ne mèr gɔl dee gə́ naŋg ləm tɔ.

Bula lə Israɛlje 27:17

mba karee teḛ no̰ dee’g aw raga ləm, gə tel no̰ dee’g ree ɓee ləm tɔ, mba karee ɔr no̰ dee teḛ sə dee raga ləm, ɔr no̰ dee tel sə dee ɓee ləm tɔ, bèe ɓa mba kar koso-dəwje lə Njesigənea̰ lé d’a to kasəna gə badje gə́ njekul dee godo lé bèe el.

Matiyo 10:6

Nɛ awje rɔ ŋgan badje lə Israɛlje gə́ ndəm ɓa.

Matiyo 14:14

Loo gə́ yeḛ ḭ mee to’g al uru naŋg ndá yeḛ oo boo-dəwje d’aar digi-digi. Yeḛ oo kəmtondoo lə dee ndá ɔr ne rɔko̰ rɔ njérɔko̰je’g.

Matiyo 15:24

Jeju ila dee keneŋ pana: D’ulam ɓee lə Israɛlje mbata ŋgan badje gə́ ndəm keneŋ ba.

Matiyo 15:32

Jeju ɓar njékwakiláje ula dee pana: Meem tɔsəm gə no̰ mbigi-mbigi mbata lə boo-dəwje neelé. Mbata as ndɔ munda d’ya̰’m d’aw raŋg el nja saar ndá nésɔ dee godo ŋga. Ma m’ndigi kya̰ dee kar dee d’aw meḛ dee ɓoo el nà d’a guru rəbə.

Mark 6:34

Loo gə́ Jeju unda loo mee to’g teḛ aa loo oo boo-dəwje gə́ bula digi-digi lé ndá mée tɔsee gə no̰ mbigi-mbigi dɔ dee’g mbata yeḛ oo dee asəna gə badje gə́ njekul dee godo. Bèe ɓa yeḛ un kudu ndoo dee ne néje ɓəd-ɓəd loo bula tɔ.

Mark 8:2

Meem tɔsəm mbigi-mbigi gə no̰ mbata boo-dəwje nee gə́ d’wa dɔ na̰ rɔm’g as ndɔ dee munda, nɛ d’iŋga nésɔ gə́ gə mba sɔ el.

Ǝbrəje 4:15

Mbata ŋgɔ-njekinjanéməs lə sí lé askəm gər gin rəm lə sí gao ya mbata yeḛ si dan nékərje gə́ gə ria-ria to gə́ ra sí lé nɛ yeḛ tibi ne mbɔr kaiya el.

Ǝbrəje 5:2

Yeḛ oo loo mba gaŋg no̰ kəm deḛ gə́ to njérəmje ləm, gə deḛ gə́ ndəm ləm tɔ mbata yeḛ kara sí loo rəm’g tɔ.