Matiyo 9:24 - Maktub gə́ To gə Kəmee

²⁴ Yeḛ ula dee pana: Ɔdje gə́ gogo, ŋgon gə́ dené neelé wəi el ɓəi nɛ yeḛ toɓi gə́ to ɓa. Deḛ kɔgee.

Matiyo 9:24 ပူးပေါင်းရင်းမြစ်များ

Maktub gə́ wɔji dɔ Jɔb 12:4

Ma m’to nékunda-kogo lə baokuraje ləm Loo gə́ m’dəji Ala karee la səm, Dəw gə́ njemeekarabasur ləm, gə́ ta wa dəa el ləm tɔ lé to nékunda-kogo ya.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Mark 5:40

Deḛ kɔgee dɔ ŋgaŋ dee’g ŋgwɔi-ŋgwɔi. Yen ŋga, yeḛ ar dəwje lai d’unda loo teḛ raga nɛ yeḛ ar bɔ ŋgonje gə ko̰ ŋgonje ləm, gə deḛ gə́ d’aw səa ləm tɔ lé d’andə d’aw loo gə́ ŋgon lé to keneŋ.

Lugu 8:53

Deḛ kogee dɔ ŋgaŋ dee’g ŋgwɔi-ŋgwɔi mbata deḛ gər gao ŋgon lé wəi jib mba̰.

Tagə́maji gə́ Ja̰ ndang 11:4

Loo gə́ Jeju oo ta neelé ndá yeḛ tel pana: Rɔko̰ neelé to rɔko̰ yoo el, nɛ to mba kula ne rɔnduba dɔ Ala’g lé ləm, mba kar Ŋgon-Ala lé kara iŋga ne rɔnduba keneŋ ləm tɔ.

Néra Njékaḭkulaje 20:10

Nɛ Pool lé risi uru naŋg rəm ree səa naŋg rəw wá kaaree’g sud ula dee pana: Arje kaar sí ndəb el mbata ndilee nai rəa’g ɓəi.

Néra Njékaḭkulaje 9:40

Piɛrə ar dəwje lai teḛ ɗaga budu-budu ndá yeḛ ɔs kəjee naŋg ra ndòo rɔ Ala’g. Tɔɓəi yeḛ tel rəa gə́ dɔ nin’g ulá pana: Tabida, uba naŋg ḭta! Ndá yeḛ teḛ kəmee yərərə dɔ Piɛrə’g orè twa ḭ si tar.