Matiyo 9:23 - Maktub gə́ To gə Kəmee

²³ Loo gə́ Jeju ree kəi lə mbai lé ndá yeḛ oo njékimtébéje na̰’d gə koso-dəwje gə́ ra né birim-birim.

Matiyo 9:23 ပူးပေါင်းရင်းမြစ်များ

2 Sôrta Gḭka Israɛlje 35:25

Jeremi ndaŋg pa no̰ ndòo gə́ wɔji dɔ Jojias ndá bao-paje gə́ diŋgam gə njé gə́ dené lai pata gə́ wɔji dɔ Jojias loo no̰ ndooje’g lə dee saar teḛ ne mee ndəa gən tɔ, yee ɓa d’aree tel to ne néjiɓee mee ɓee gə́ Israɛl ya. Paje neelé deḛ ndaŋg taree mee maktub pa no̰ ndooje’g.

Jeremi 16:6

Dəwje gə́ boo-boo gə dəwje gə́ gɔ-gɔ d’a kwəi mee ɓee’g neelé. D’a dubu dee el ləm, d’a no̰ dee el ləm, d’a tḭja rɔ dee pədərə-pədərə mbata lə dee el ləma, d’a ndisa dɔ dee ŋgori-ŋgori gə mbata lə dee el ləm tɔ.

Ejekel 24:17

Maji kari tuma̰ məəi’g ɓó wa ndòo yoo el ləm, ula jɔg dɔi’g ləm, ula né gɔli’g ləm, o̰ mbaitai gə né el ləma, o̰ muru lə njé gə́ raŋg el ləm tɔ.

Matiyo 11:17

Jeḛ j’im tébé nɛ seḭ làje ne el ləm, jeḛ j’un pa yoo nɛ seḭ no̰je ne el ləm tɔ.

Lugu 7:32

Deḛ to d’asəna gə ŋganje gə́ mbo̰ dɔ na̰ d’isi loo-nada gə́ d’ula na̰ ta mbuna na̰’d pana: Jeḛ j’im tébé roŋ ndam ne nɛ seḭ ree làje ne el ləm, jeḛ j’un pa no̰ ndòo nɛ seḭ no̰je ne el ləm tɔ.

Néra Njékaḭkulaje 20:10

Nɛ Pool lé risi uru naŋg rəm ree səa naŋg rəw wá kaaree’g sud ula dee pana: Arje kaar sí ndəb el mbata ndilee nai rəa’g ɓəi.

Néra Njékaḭkulaje 9:39

Piɛrə uba naŋg ḭta aw gə dəwje neelé na̰’d tɔ. Loo gə́ yeḛ teḛ keneŋ mba̰ ndá d’ɔr nea̰ d’aw səa mee kəi gə́ dɔ maree’g tar lé tɔ. Njékəisiŋgaje lai gə́ d’aar keneŋ lé kiri dəa yir tɔjee kubu kur Dɔrkas loo gə́ yeḛ si ne sə dee gə kəmee ɓəi lé.

Loo gə́ killa rea kəm Ja̰’g 18:22

D’a koo ndu kṵdu-ko̰déje gə ndu njépaje gə ndu tébéje gə ndu to̰to̰ lé mee ɓee’g ləi gogo el ŋga ləm, d’a kiŋga njégosokulaje gə́ rara kara ɓee ləi gogo el ŋga ləma, gir mbal kusu kó kara a ɓar ɓee ləi el ŋga ləm tɔ.