Matiyo 9:2 - Maktub gə́ To gə Kəmee

² Aa ooje, deḛ ree gə njerɔko̰ rəa’g, to diŋgam gə́ dəb rəa wəi wɔ, ar dee d’unee gə twa-rɔko̰ ləa bura. Loo gə́ Jeju oo meekun lə dee ndá yeḛ ula dəw gə́ dəb rəa wəi lé pana: Ŋgonəm, nda məəi kaḭ-kaḭ, kaiya ləi ɔr dɔi’g.

Matiyo 9:2 ပူးပေါင်းရင်းမြစ်များ

Njekillamber 9:7

Ɔd aw o̰ muru ləi gə rɔlel ləm, Gə ai mán-nduú ləi gə meelel ləm tɔ Mbata néraije lé taa kəm Ala mba̰ ya.

Esai 44:22

Ma m’bɔr nékaltaje lə sí mbɔji Asəna gə kil-lə-ndi gə́ dəs bèe ləm, M’bɔr kaiyaje lə sí mbɔji Asəna gə mum gə́ sané bèe ləm tɔ, Gə́ telje reeje rɔm’g Mbata ma m’uga dɔ sí mba̰.

Matiyo 14:27

Léegəneeya Jeju ula dee pana: Ǝwje rɔ sí ɓəlje, to ma nja. Ɓəlje el ŋga.

Matiyo 4:24

Nea̰ oso loo mbidi-mbidi ɓeeko̰ gə́ Siri. Deḛ d’odo njérɔko̰je, gə deḛ gə́ d’isi gə meeko̰ gə́ gə ria-ria ləm, gə deḛ gə́ ndilje gə́ majel to meḛ dee’g d’ula kəm dee ndòo ləm, gə deḛ gə́ kɔr ra dee ləma, gə deḛ gə́ yoo-ndag unda dee ləm tɔ, d’odo dee lai-lai ree sə dee rəa’g ndá yeḛ aji dee ya.

Matiyo 6:12

Ar məəi ti mbidi dɔ meekɔsgel’g lə sí To gə́ jeḛ kara j’ar meḛ sí ti mbidi dɔ ka̰ dee-deḛ gə́ meḛ dee ɔs sə sí gel.

Matiyo 8:10

Loo gə́ Jeju oo tapea ndá kaaree wá paḭ aree ula deḛ gə́ ndɔm na̰ gée’g lé pana: Ma m’ula sí təsərə, mee ɓee gə́ Israɛl’g ya kara ma m’iŋga boo-meekun gə́ togə́bè kəm kára el ɓəi.

Matiyo 8:16

Loo gə́ kàr aar dɔ kam’g ler ndá deḛ d’odo njé gə́ ndilje gə́ majel ra dee d’uba sə dee yao-yao. Jeju pata gə ndia ya tuba ne ndilje gə́ majel meḛ dee’g ləm, yeḛ aji njérɔko̰je lai ləm tɔ.

Matiyo 9:22

Jeju ɔm rəd ndá ulá pana: Ŋgonəm, ndá məəi kaḭ, meekun ləi taa né ari aji ne ya. Léegəneeya, rɔ dené lé to kari péd-péd.

Matiyo 9:5

See ri ɓa a moŋg dum pa wa. Kaiya ləi ɔr dɔi’g, əsé ḭta njaa wa.

Matiyo 9:6

Bèe ndá m’a kar sí ooje, Ŋgon-dəw lé siŋgamoŋ ləa as kɔr kaiya dɔ dəwje gə́ dɔ naŋg nee. Tɔɓəi yeḛ tel ula dəw gə́ dəb rəa wəi lé pana: Ḭta un twa ləi aw ɓée.

Mark 1:32

Loo gə́ kàr andə mba̰ ndá d’odo njérɔko̰je gə deḛ gə́ ndilje gə́ yèr d’ula kəm dee ndòo ree sə dee rəa’g,

Mark 10:49

Jeju rəm aar naŋg ula dee pana, Maji kar sí ɓareeje. Yen ŋga, deḛ ɓar njekəmtɔ lé d’ulá pana: Ar məəi oso naŋg po̰ ndá uba naŋg ḭta aw iŋgá mbata yeḛ nja ɓari.

Mark 5:34

Jeju ulá pana: Ŋgonəm gə́ dené, meekun ləi taa né ari aji ne ya, ɔd aw loo ləi gə meekulɔm ləm, maji kar rɔko̰ ləi lé ɔr rɔi’g gə no̰ péd-péd ləm tɔ.

Mark 6:50

mbata deḛ lai d’ée gə kəm dee ar meḛ dee to kəgəgə. Léegəneeya, Jeju un ta ula dee pana: Arje meḛ sí oso naŋg po̰, to ma nja ɓó ɓəlje el.

Tagə́maji gə́ Ja̰ ndang 16:33

Ma m’ula sí ta néje neelé mba kar meḛ sí gə́ seḭ ɔmje səm na̰’d sad lé seḭ a sije ne gə meekulɔm ya. Nékəmndoo a ra sí dɔ naŋg nee ya, nɛ waje rɔ sí kɔgərɔ mbata ma m’dum dɔ loo gə́ naŋg nee mba̰ tɔ.

Tagə́maji gə́ Ja̰ ndang 2:25

Yeḛ aw ndòo njekɔrgoota lə dəw kára kara el, mbata yeḛ nja gər né gə́ to meḛ dəwje’g gao.

Tagə́maji gə́ Ja̰ ndang 21:5

Jeju dəji dee pana: Ŋganje, see né gə́ kəm sɔ godo ji sí’g wa. Deḛ ndigi təa’g pana: Godo.

Néra Njékaḭkulaje 14:9

Yeḛ si naŋg ur mbia oo ne ta gə́ Pool pa. Pool lé ar kəmee wəi dəa’g sḭ ée ne gə́ dəw gə́ mée to yel gə́ dɔ kaji’g,

Néra Njékaḭkulaje 19:12

ar njé gə́ na̰je d’odo kubuje gə́ lḛd-lḛd əsé kubu-bɔr-rɔje d’ɔrɔ ne rɔ Pool d’ya̰ d’ila dɔ njérɔko̰je’g ndá rɔ dee ḭ ne kə̰geŋ ləm, ndilje gə́ yèr kara teḛ meḛ dee’g ləm tɔ.

Néra Njékaḭkulaje 23:11

Mee tilee gə́ njekorè gée lé Mbaidɔmbaije teḛ dɔ Pool’g təsərə ulá pana: Wa rɔi kɔgərɔ! Mbata goo ta ləm gə́ i ɔr Jerusalem neelé lé riri kara i a kɔr Rɔm togə́bè ya tɔ.

Njé gə́ Rɔmə 5:11

To yee gə́ nee ɓa el, nɛ mbɔl dɔ Mbaidɔmbaije Jeju Kristi gə́ njekɔm sí na̰’d yəg lé ɓa jeḛ ndá ne meḛ sí kaḭ dɔ Ala’g tɔ.

Maktub gə́ Jak ula ne ar ngan-Allaje 2:18

Nɛ dəw kára a pa pana: I nja to gə́ njemeekun, nɛ ma lé m’to gə́ njera née. Tɔjim meekun ləi gə́ lal ra né dɔ’g, nɛ ma lé néram gə́ maji ɓa m’a kwa kwɔji ne gin meekun ləm.