Matiyo 9:18 - Maktub gə́ To gə Kəmee

¹⁸ Loo gə́ yeḛ si pa taje neelé bèe-bèe ndá mbai gə́ njekəi-kwa-dɔ-na̰ kára ree rəm yəm ɔs kəjee naŋg nea̰’g pana: Ŋgonəm gə́ dené wəi ɓasinè ya ɓəi. Nɛ gə́ ree, ila jii dəa’g ndá a si kəmba ya.

Matiyo 9:18 ပူးပေါင်းရင်းမြစ်များ

2 Mbaije 5:11

Mee Naaman ḭ səa pu aree ɔd par-par aw ndá pana: Ma m’ə̰ji m’pana: Yeḛ a gə ree gə rəa ya rɔm’g kaar tar ɓar ri Ala ləa gə́ Njesigənea̰ ndá a kila jia loo gə́ ba̰ji tilam keneŋ lé gə mba kɔr ne ba̰ji lé rɔm’g wa...

Matiyo 14:33

Deḛ gə́ d’isi mee to’g lé ree d’ɔm gɔl Jeju’g pana: Tɔgərɔ, i lé to Ŋgon-Ala gə́ gəd ya.

Matiyo 15:25

Nɛ dené lé ŋgəs gə́ rəa’g unda barmba dəb kəmee naŋg nea̰’g pana: Mbaidɔmbaije, la səm ya kari.

Matiyo 17:14

Loo gə́ nai dəb mba kar dee teḛ mbɔr koso-dəwje’g ndá diŋgam kára ree unda barmba naŋg no̰ Jeju’g ulá pana:

Matiyo 20:20

Yen ŋga ko̰ ŋgalə Jebede ree gə ŋganeeje pər gə́ rɔ Jeju’g unda barmba nea̰’g gə mba dəjee ta,

Matiyo 28:17

Loo gə́ deḛ d’ée ndá deḛ d’unda naŋg nea̰’g mburug. Nɛ njé gə́ na̰je maḭ gə rɔ dee dəa’g.

Matiyo 8:2

Aa ooje njeba̰ji kára ree pər gə́ rəa’g unda barmba naŋg nea̰’g pana: Mbai, ɓó lé i ndigi ndá i kaskəm kar rɔm ɔr ɓə̰dərə-ɓə̰dərə ya.

Matiyo 8:25

Njékwakiláje ŋgəs pər gə́ rəa’g ndelee pana, Mbai, taa sí aji sí nà j’a kudu.

Matiyo 9:17

Dəwje d’ɔm mán-nduú gə́ sigi mee ɓɔl-ndar gə́ ləw’g el mbata ɓɔl-ndar lé a kinja bim ndá mán-nduú gə́ sigi a kɔm naŋg ləm, ɓɔl-ndar a tuji ləm tɔ. Man-nduú gə́ sigi lé d’ɔm mee ɓɔl-ndar gə́ sigi’g tɔ ndá mán-nduú ləm, gə ɓɔl-ndar ləm tɔ lé d’a kwa naŋg jəb ya.

Matiyo 9:19

Jeju gə njékwakiláje d’ḭta d’orè səa rəw na̰’d kára ba.

Matiyo 9:24

Yeḛ ula dee pana: Ɔdje gə́ gogo, ŋgon gə́ dené neelé wəi el ɓəi nɛ yeḛ toɓi gə́ to ɓa. Deḛ kɔgee.

Lugu 13:14

Yen ŋga mbai gə́ njekəi-kwa-dɔ-na̰ lé mée ḭ səa jugugu mbata Jeju ɔr rɔko̰ rɔ dəw’g gə ndɔ-kwa-rɔ. Yeḛ ula boo-dəwje neelé pana: Ndɔje gə́ misa̰ to keneŋ mba ra kula. Bèe ndá reeje gə ndəaje neelé ɓa gə mba kar dee d’ɔr rɔko̰ rɔ sí’g ɓó reeje gə ndɔ-kwa-rɔ el.

Lugu 18:18

Mbai kára bèe dəji Jeju pana: Mbai gə́ maji, see m’a ra ba̰ gə mba si ne gə kəmə gə́ gə no̰ lé wa.

Lugu 7:2

Kura lə ɓé-njérɔje gə́ kára bèe gə́ yeḛ ndigee yaa̰ lé oso gə rɔko̰ ar ta yée nai tebdé bèe ba.

Tagə́maji gə́ Ja̰ ndang 11:25

Jeju ulá pana: Ma lé m’to njekar dəwje teḛ dɔkumbwa’g ləm, ma m’to gə́ njekula kəmə lé meḛ dee’g ləm tɔ. Nana ɓa gə́ ɔm mée dɔm’g lé wəi gə́ kwəi kara a tel si kəmba ya.

Tagə́maji gə́ Ja̰ ndang 11:32

Loo gə́ Mari ree loo gə́ Jeju aar keneŋ lé ndá yeḛ aa loo ée ndá rəm bəbərə oso naŋg ŋgira gɔlee’g ulá pana: Mbaidɔmbaije, ɓó lé i nja si loo gə́ nee’g ndá nan ŋganəmje a kwəi bèe el.

Néra Njékaḭkulaje 13:15

Loo gə́ deḛ tura ta godndu gə ta lə njéteggintaje mee maktub’g mba̰ ndá mbaije gə́ njékaa dɔ kəi-kwa-dɔ-na̰je neelé d’ula kula d’ar dee pana: Ŋgako̰ síje gə́ dəwje, ɓó lé seḭ ooje ta gə mba ndəji ne koso-dəwje neelé ndá paje ɓasinè.

Néra Njékaḭkulaje 28:8

Bɔ Publiusje to dɔ tira-rɔko̰’g, rəa taa pər làm-làm aree ndəŋ məs. Pool aw dəa’g ra tamaji ta Ala’g ɓa ila jia dəa’g aree aji.