Matiyo 9:17 - Maktub gə́ To gə Kəmee

¹⁷ Dəwje d’ɔm mán-nduú gə́ sigi mee ɓɔl-ndar gə́ ləw’g el mbata ɓɔl-ndar lé a kinja bim ndá mán-nduú gə́ sigi a kɔm naŋg ləm, ɓɔl-ndar a tuji ləm tɔ. Man-nduú gə́ sigi lé d’ɔm mee ɓɔl-ndar gə́ sigi’g tɔ ndá mán-nduú ləm, gə ɓɔl-ndar ləm tɔ lé d’a kwa naŋg jəb ya.

Matiyo 9:17 ပူးပေါင်းရင်းမြစ်များ

Maktub gə́ wɔji dɔ Jɔb 32:19

Aa ooje, loo gə́ məəm’g lé to asəna gə mán-nduú gə́ mḭ gə́ iŋga loo teḛ el ləm, To asəna gə ɓɔl-kɔm-mán-nduú gə́ sigi gə́ a kinja bim bèe ləm tɔ.

Pakɔsje 119:83

Mbata ma lé m’to asəna gə ɓɔl gə́ naa̰ tar kəm sa’g bèe, M’ar məəm wəi dɔ godnduije’g lé nda̰ el.

Matiyo 9:16

Tɔɓəi dəw kára kara a kun ta kubu gə́ sigi gə mba kɔr ne kəm ŋgisi kubu el nà banelə ta kubu gə́ sigi lé a kunda nje gə́ ləw bərəŋ-bərəŋ til.

Matiyo 9:18

Loo gə́ yeḛ si pa taje neelé bèe-bèe ndá mbai gə́ njekəi-kwa-dɔ-na̰ kára ree rəm yəm ɔs kəjee naŋg nea̰’g pana: Ŋgonəm gə́ dené wəi ɓasinè ya ɓəi. Nɛ gə́ ree, ila jii dəa’g ndá a si kəmba ya.

Mark 2:22

Dəw kára kara a kɔm mán-nduú gə́ sigi mee ɓɔl-ndar gə́ ləw’g el mbata loo gə́ mán-nduú neelé a kḭ njem-njem ndá a kar ɓɔl-ndar gə́ ləw lé inja uguju kar mán-nduú lé ən naŋg səd ləm, ɓɔl-ndar kara a tuji ləm tɔ. Bèe ndá maji kar dee d’ɔm mán-nduú gə́ sigi mee ɓɔl-ndar gə́ sigi.

Lugu 5:37

Dəw kára kara a kɔm mán-nduú gə́ sigi mee ɓɔl-ndarje gə́ ləw el, ɓó lé a ra togə́bè ndá mán-nduú gə́ sigi lé a kḭ kar barɓɔlje lé ndubu kum kar mán-nduú gə́ sigi lé ula naŋg kəŋgəŋ-kəŋgəŋ ləm, ɓɔl-ndarje lé kara d’a tuji ləm tɔ.

Lugu 5:38

Nɛ mán-nduú gə́ sigi ɓəi lé maji kɔm mee ɓɔl-ndarje gə́ sigi’g ya tɔ.

Jujé 9:4

deḛ ra goso d’ɔm na̰ rəbə gə nésɔ gə́ ka̰ sɔ njaa ne rəbə ji dee’g. Deḛ d’odo bar ɓɔl kɔm néje dɔ mulayḛ̀je-je’g lə dee ləm, gə ɓɔl ndarje gə́ ka̰ kɔm mán-nduú gə́ mḭ keneŋ gə́ d’inja bərəŋ-bərəŋ ɓa tel d’ur dee gogo ləm,