Matiyo 9:12 - Maktub gə́ To gə Kəmee

¹² Jeju oo ta lə dee ila dee keneŋ pana: Deḛ gə́ rɔ dee to kari lé d’aw ndòo njekuma̰ el, njérɔko̰je ɓa d’aw ndée.

Matiyo 9:12 ပူးပေါင်းရင်းမြစ်များ

Pakɔsje 147:3

Yeḛ aji deḛ gə́ ɓəŋgərə dee ti dus ləm, Yeḛ tɔ ta dooje lə dee ləm tɔ.

Pakɔsje 41:4

Njesigənea̰ gədee dɔ tira-rɔko̰’g ləa, I ar mée kul lɔm dan rɔko̰je’g ləa lai tɔ.

Pakɔsje 6:2

Njesigənea̰, maji kari ar bo̰ néram ɔs tam’g Loo gə́ oŋg ḭ səi el lé ləm! Tɔjim kəmkàr lal kar məəi ḭ səi jugugu ləm tɔ.

Jeremi 17:14

Njesigənea̰, maji kari ajim Ndá m’a si kəmba ləm, Taam ta yoo’g ndá m’a kaji ləm tɔ, Mbata i ɓa to rɔnduba ləm.

Jeremi 30:17

Nɛ Njesigənea̰ pana: M’a kajii ləm, M’a tɔ ta dooje ləi ləm tɔ. Mbata deḛ lé d’unda rii lə Dəw gə́ d’ɔsee rəw ləm, Gə Sio̰ nee gə́ dəw kára kara Ǝ̰ji dəa’g el ləm tɔ.

Jeremi 33:6

Aa ooje, m’a tel gɔlee gogo ləm, m’a kajee ləma, m’a karee si lɔm gə si dan maji’g bèdèg ləm tɔ.

Jeremi 8:22

See kuma̰ godo Galaad’g wa. See njekuma̰-kaji godo wa. See gelee ban ɓa koso-dəwje ləm d’aji el wa.

Ojee 14:4

Asirije d’a kaji sí el ləm, Kunda-kaw-rɔje lé j’a kuba dee el ləma, Néje gə́ jeḛ n’raje gə ji sí lé kara J’a kula dee pana: Deḛ to gə́ Ala lə sí bèe el ləm tɔ. Mbata I ɓa to gə́ njekookəmto̰doo lə ŋgonal ya.

Matiyo 18:11

Mbata Ŋgon-dəw lé ree gə mba saŋg yeḛ gə́ ndəm igi mba karee aji.

Mark 2:17

Loo gə́ Jeju oo taree ndá yeḛ ila dee keneŋ pana: Dəwje gə́ to njérɔko̰je ɓa meḛ dee a ndiŋga njekuma̰ ɓó dəwje gə́ rɔ dee to kɔgərɔ ɓəi lé ndá d’a ndiŋga njekuma̰ el tɔ. Ma lé m’ree gə mba ɓar njémeekarabasurje ɓa el, nɛ m’ree gə mba ɓar kaiya-dəwje ɓa.

Lugu 5:31

Jeju un ta ula dee pana: Njé gə́ rɔ dee to kari lé deḛ ndiŋga njekuma̰ el nɛ njérɔko̰je ɓa d’a ndiŋga njekuma̰ ya.

Lugu 8:43

Dené kára bèe aw sə dee na̰’d, to dené gə́ məs tal rəa’g saar-saar as ləbee dɔg-giree-joo ŋga. Yeḛ jɔg rəa rɔ njékuma̰je’g loo bula, sané némajije ləa kɔ lai, nɛ njekuma̰ gə́ kára kara askəm kajee el.

Lugu 9:11

Loo gə́ boo-dəwje d’oo nea̰ lé ndá deḛ d’ɔr na̰ ndolè gée. Jeju wa dee gə́ rəa’g ndoo dee ta gə́ wɔji dɔ ɓeeko̰ lə Ala ləm, yeḛ ɔr rɔko̰ rɔ deḛ gə́ d’aw ndòo njekaji dee lé ləm tɔ.

Njé gə́ Kolosə 4:14

Lugu gə́ njekuma̰-kaji gə́ jeḛ j’undá dan kəm sí’g deḛ gə Demas lé deḛ ra sí lapia tɔ.