Matiyo 8:6 - Maktub gə́ To gə Kəmee

⁶ Mbai, kura ləm lé yoo-ndag undá, yeḛ to kəi’n ar rəa adee mbag-mbag.

Matiyo 8:6 ပူးပေါင်းရင်းမြစ်များ

Matiyo 4:24

Nea̰ oso loo mbidi-mbidi ɓeeko̰ gə́ Siri. Deḛ d’odo njérɔko̰je, gə deḛ gə́ d’isi gə meeko̰ gə́ gə ria-ria ləm, gə deḛ gə́ ndilje gə́ majel to meḛ dee’g d’ula kəm dee ndòo ləm, gə deḛ gə́ kɔr ra dee ləma, gə deḛ gə́ yoo-ndag unda dee ləm tɔ, d’odo dee lai-lai ree sə dee rəa’g ndá yeḛ aji dee ya.

Matiyo 8:7

Jeju ilá keneŋ pana: M’a kaw kəi ləi kajee kari ya.

Matiyo 9:2

Aa ooje, deḛ ree gə njerɔko̰ rəa’g, to diŋgam gə́ dəb rəa wəi wɔ, ar dee d’unee gə twa-rɔko̰ ləa bura. Loo gə́ Jeju oo meekun lə dee ndá yeḛ ula dəw gə́ dəb rəa wəi lé pana: Ŋgonəm, nda məəi kaḭ-kaḭ, kaiya ləi ɔr dɔi’g.

Néra Njékaḭkulaje 10:7

Loo gə́ kura gə́ dara gə́ njepa səa ta lé ɔd aw ndá Kɔrnəi ɓar kuraje ləa joo gə njerɔ kára gə́ njetədkag Ala lé mbuna mareeje’g gə́ d’aar d’aa dəa lé.

Néra Njékaḭkulaje 8:7

Mbata ndilje gə́ yèr teḛ meḛ dəwje gə́ na̰je’g bula gə ro̰daŋ lə dee ləm, deḛ bula gə́ dəb rɔ dee wəi wɔ-wɔ gə deḛ gə́ to gə́ njémədje lé rɔ dee tel to kari péd-péd ləm tɔ.

Néra Njékaḭkulaje 9:33

Yeḛ iŋga diŋgam kára keneŋ gə́ ria lə Enée, dəb rəa wəi wɔ aree to dɔ tira-rɔko̰’g ya ləbee jinaijoo.

Njé gə́ Kolosə 3:11

Grek əsé Jib godo nee ləm, njekḭja tamɔd əsé yeḛ gə́ lal kinja godo ləm, dəw-dɔ-ɓee əsé dəw walá godo ləma, ɓər əsé ŋgonkoji godo ləm tɔ, nɛ Kristi ɓa gə́ dəw kára ba dan dee’g lai.

Njé gə́ Kolosə 4:1

Seḭ ɓé-njékulaje, maji kar sí ugaje dɔ ji njékulaje lə sí gə goo rəbee mbata seḭ gərje gao, ɓée sí-seḭje kara si dara tɔ.

1 Timote 6:2

Deḛ gə́ ɓée deeje to gə́ njétaamee-Kristije lé maji kar dee d’oo ɓée deeje gə́ ŋgako̰ deeje gə́ kari lal təd ne kag dee el. Nɛ maji kar dee ra kula lə dee maji unda nje gə́ kédé mbata ɓée deeje gə́ deḛ ra kula maji d’ar dee lé deḛ to ŋgako̰ deeje gə́ njétaamee-Kristije ya. Maji kari ndoo dee taje neelé ləm, ndəji dee ne ləm tɔ.

Piləmɔ̰ 1:16

Ndá i a kée gə́ ɓər el ŋga nɛ i a kée gə́ ŋgokɔḭ gə́ i ndigee gə meekɔr jol-jol ɓəi. Ma lé m’undá dan kəm’g ya nɛ i lé a kundá dan kəmi’g unda kama ɓəi mbata to gə́ yeḛ to kura ləi ləm, mbata kɔm gə́ yeḛ ɔm səi na̰’d gin Mbaidɔmbaije’g lé ləm tɔ.