Matiyo 8:4 - Maktub gə́ To gə Kəmee

⁴ Tɔɓəi Jeju ulá pana: Maji kari udu taree məəi’g ar dəw oo səi el ɓəi, nɛ aw rɔ njekinjanéməs’g tɔjee rɔi ɓó gə un nékar-Ala aree gə goo godndu Moyis gə mba karee to ne nékɔrkəmta ləi kəm dəwje’g ɓa.

Matiyo 8:4 ပူးပေါင်းရင်းမြစ်များ

Esai 42:21

Njesigənea̰ ndigi kila mber godndia gə́ boo Mba kar Israɛlje d’isi ne dan maji’g.

Ləbije 13:49

ɓó lé moro neelé to gə́ kam gə́ ɔb wə əsé kas gəḭ dɔ kubu’g əsé dɔ ndar’g, dɔ kúla kubu gə́ tḭja yao-yao’g əsé kúla gə́ tula mbuna’g əsé dɔ né gə́ rara gə́ ra gə ndar ndá to moro gə́ loo kɔree godo, né neelé d’a tɔji njekinjanéməs ya.

Matiyo 10:18

D’a ndɔr sí kɔm sí ji njéguburuɓeeje’g ləm, gə ji mbaije ləm tɔ gə mba kar sí ɔrje ginta ləm kəm dee’g ləm, gə kəm njépole-magəje’g ləm tɔ.

Matiyo 16:20

Yen ɓa yeḛ ndəji njékwakiláje bər-bər gə mba kar dee d’ula dəw kára kara pana: To Kristi lé ya bèe el.

Matiyo 17:9

Loo gə́ deḛ d’ḭ dɔ mbal’g risi d’uru naŋg ndá Jeju un ndia ar dee pana: Né gə́ seḭ ooje lé areeje teḛ ta sí’g ja̰ ar dəw oo el saar kar ndɔ gə́ Ŋgon-dəw a kunda loo yoo teḛ.

Matiyo 3:15

Jeju tel ilá keneŋ pana: Ya̰ am m’ra togə́bè ya mba kar sí n’tɔl ne ta né gə́ to gə dɔ najee lé bém. Yen ŋga Ja̰ yá̰ aree rəa togə́bè ya.

Matiyo 5:17

See seḭ ə̰jije meḛ sí’g pajena: Ma m’ree gə mba kudu dɔ godndu əsé gə dɔ ta lə njéteggintaje lé maji kar sí ə̰jije togə́bè el. Ma lé m’ree mba ra karee aw lée’g béréré ɓa.

Matiyo 6:1

Yen, meḛ sí dɔ rɔ sí’g nà a kundaje néra meekarabasur lə sí kəm dəwje’g. Ɓó lé seḭ undaje néra meekarabasur lə sí kəm dəwje’g togə́bè ndá a kiŋgaje née ji Bɔ síje gə́ si dara lé nda̰ el.

Matiyo 9:30

Léegəneeya kəm dee teḛ. Jeju ndəji dee pana: Yen, maji kar dəw kára kara oo né neelé el.

Mark 13:9

Meḛ sí dɔ rɔ sí’g. D’a teḛ sə sí loo-gaŋg-rəwtaje’g ləm, d’a kunda sí gə ndəi-kɔb mee kəi-kwa-dɔ-na̰je’g ləm tɔ. D’a kaw sə sí no̰ njéguburuɓeeje’g gə no̰ mbaije’g gə mbàm mba kar sí ɔrje ne goo ta ləm ar deeje tɔ.

Mark 3:12

Nɛ Jeju tɔ ta dee ká ɔg dee pata gər gə́ deḛ gəree.

Mark 5:43

Jeju ndəji dee bər-bər gə mba kar dee pa taree d’ar dəw kára kara oo el, tɔɓəi yeḛ ula dee gə mba kar dee d’ar ŋgon gə́ dené lé nésɔ usɔ.

Mark 6:11

Ɓó lé loo gə́ rara ɓa gə́ seḭ a teḛje keneŋ ɓa deḛ ndigi kwa sí gə́ rɔ dee’g el ləm, deḛ ndigi koo ta lə sí el ləm tɔ ndá ḭ saaje rɔ sí keneŋ gə́ gogo ləm, kundaje kor gə́ gɔl sí’g kɔd-kɔd dɔ ɓee’g neelé ləm tɔ mba karee to gə́ nékɔrkəmta gə́ a kwa dɔ dee lé kɔmje dɔ dee’g.

Mark 7:36

Jeju ndəji dee bər-bər mba kar dee pa taree d’ar dəw oo el, yeḛ ɔg dee dɔ’g tasəra, nɛ deḛ d’ila mberee gə́ kédé-kédé.

Mark 8:30

Jeju ndəji dee bər-bər gə mba kar dee pa taree d’ar dəw kára kara oo el.

Mark 9:9

Loo gə́ d’ḭ dɔ mbal’g d’isi risi gə́ naŋg ndá Jeju ndəji dee bər-bər mba kar né gə́ deḛ d’oo lé d’a kula dəw gə́ raŋg taree kára kara el saar as kar Ŋgon-dəw a kunda ne loo teḛ ne dan njé gə́ d’wəi’g.

Lugu 17:14

Loo gə́ yeḛ oo dee ndá yeḛ ula dee pana: Awje aw undaje rɔ sí arje njékinjanéməsje d’oo. Nɛ loo gə́ d’ɔd d’isi d’aw lé ndá ba̰ji ɔr rɔ dee’g ndɔs-ndɔs.

Lugu 21:13

Néje neelé d’a ra sə sí mba kar sí ɔrje ne goo ta ləm ya.

Lugu 4:41

Ndilje gə́ yèr d’unda loo teḛ meḛ dəwje’g bula gə kii ta dee’g wəl-wəl pana: I to Ŋgon-Ala lé nja. Nɛ yeḛ ɔs ta dee’g rəw, ɔg dee loo pea’g mbata deḛ gər gao yeḛ to Kristi lé nja.

Lugu 5:14

Jeju tɔ təa ká mba kar taree teḛ təa’g ar dəw oo el ɓəi. Nɛ yeḛ ulá pana: Maji kari ɔd aw ɓee lə njekinjanéməs aw unda rɔi aree oo ndá un nékinjaməs gə́ godndu Moyis wɔji mba kɔr won rɔi lé mba karee to gə́ nékɔrkəmta ləi kəm dəwje’g.

Lugu 8:56

Njékoji ŋgonje neelé kaar dee wa dee paḭ-paḭ, nɛ Jeju ndəji dee bər-bər gə mba kar dee pa taree d’ar dəw kára kara oo el tɔ.

Lugu 9:21

Jeju tɔ ta dee ká gə mba kar taree teḛ ta dee’g ja̰ kara ar dəw oo el.

Tagə́maji gə́ Ja̰ ndang 5:41

Ma lé ma m’saŋg rɔnduba gə́ ḭ rɔ dəwje’g el.

Tagə́maji gə́ Ja̰ ndang 7:18

Yeḛ gə́ pata gə mbaiyee-kea̰ ndá saŋg rɔnduba gə́ wɔji dəa-yeḛ nja gə dɔrea. Nɛ yeḛ gə́ saŋg rɔnduba gə́ wɔji dɔ dəw gə́ njekulá lé ndá yeḛ to kankəm dəw ya, néra gə́ gə goo rəbee el kára kara godo mée’g.

Tagə́maji gə́ Ja̰ ndang 8:50

Ma m’saŋg rɔnduba m’wɔji ne dɔ rɔm el, nɛ dəw kára si keneŋ gən ɓa saŋg rɔnduba wɔji ne dɔm, yeḛ nja ɓa gə́ njegaŋ-rəbee ya.