Matiyo 8:34 - Maktub gə́ To gə Kəmee

³⁴ Léegəneeya njéɓeeje teḛ digi-digi d’aw no̰ Jeju’g ra ndòo rəa’g mba karee ya̰ ɓee lə dee.

Matiyo 8:34 ပူးပေါင်းရင်းမြစ်များ

1 Mbaije 17:18

Dené neelé dəji Eli pana: See ta ɗi ɓa to mbuna síjeḛ səi-i’d gə́ to dəw lə Ala’g lé wa. See i ree kəi ləm gə mba kolé məəm dɔ néra kori-kori’g ləm gə mba kar ŋgonəm wəi ne wa.

1 Mbaije 18:17

Loo gə́ Akab ila kəmee dɔ Eli’g ndá yeḛ dəjee pana: See to i ɓa gə́ njékar kəmndoo teḛ dɔ Israɛlje’g lé el wa.

Maktub gə́ wɔji dɔ Jɔb 21:14

Lé bèe kara deḛ d’ula Ala pana: Maji karee ɔr rəa rɔ neḛje’g, Neḛ ndigi gərje kila rəwje ləa el.

Maktub gə́ wɔji dɔ Jɔb 22:17

Deḛ d’ula Ala pana: Maji karee ɔr rəa rɔ neḛje’g. See ɗi ɓa Bao-siŋgamoŋ askəm ra kar neḛje wa.

Amɔs 7:12

Tɔɓəi Amasia ula Amɔs pana: I njekoo né gə́ mḭdi lé uba naŋg ḭ aḭ aw ɓee lə Juda. Lée neelé ɓa i a sɔ né keneŋ ləm, i a tegginta keneŋ ya ləm tɔ.

Matiyo 8:29

Deḛ ra né ɓəgəgə-ɓəgəgə pana: I Ŋgon-Ala lé see ɗi ləi ɓa to rɔ sí’g wa. See i ree mba kula kəm sí ndòo kédé yal ɓa kar ndəa teḛ ɓəi wa.

Lugu 5:8

Loo gə́ Simo̰ Piɛrə oo togə́bè ndá yeḛ rəm bəbərə oso naŋg no̰ Jeju’g ulá pana: Mbaidɔmbaije, ɔr rɔi rɔm’g gə́ gogo mbata ma m’to njekaiya.

Lugu 8:28

Loo gə́ yeḛ un kəmee ɓèd ila dɔ Jeju’g ndá yeḛ uru kii pénéné, rəm bəbərə oso naŋg gɔl Jeju’g, pata gə ndia gə́ boi wəl pana: Ŋgon-Ala gə́ Njekurdɔloo’g, see ɗi ləi ŋga to rɔm’g wa. Ma m’ra ndòo rɔi’g, maji kar i ra səm néɓəŋgərəti el nja kari.

Néra Njékaḭkulaje 16:39

Deḛ ree gɔl meḛ dee ɓa d’ɔm dee ne tar ɓəi tɔɓəi deḛ ra ndòo rɔ dee’g mba kar dee d’ɔd d’aw d’ya̰ ɓee lə dee.

Tel tura Godndu 5:25

Ŋga ɓasinè gelee ban ɓa j’a kwəije ɓəi wa. Mbata pər-boo neelé a gə roo sí, ɓó lé jeḛ j’ooje ndu Ala lə sí gə́ Njesigənea̰ gə́ kédé-kédé ndá j’a kwəije ya.

1 Samel 16:4

Samel ra to gə́ Njesigənea̰ ulá lé ndá yeḛ ɔd aw Betlehem. Ŋgatɔgje gə́ mee ɓee-boo’g neelé d’aḭ ree rəa’g gə ɓəl mee dee’g pana: See i ree gə meelɔm ya wa.