Matiyo 8:31 - Maktub gə́ To gə Kəmee

³¹ Ndilje lé ra ndòo rɔ Jeju’g pana: Ɓó lé i a gə tuba sí ndá ula sí ar sí n’teḛ j’ɔm mee bərje’g neelé.

Matiyo 8:31 ပူးပေါင်းရင်းမြစ်များ

Matiyo 4:24

Nea̰ oso loo mbidi-mbidi ɓeeko̰ gə́ Siri. Deḛ d’odo njérɔko̰je, gə deḛ gə́ d’isi gə meeko̰ gə́ gə ria-ria ləm, gə deḛ gə́ ndilje gə́ majel to meḛ dee’g d’ula kəm dee ndòo ləm, gə deḛ gə́ kɔr ra dee ləma, gə deḛ gə́ yoo-ndag unda dee ləm tɔ, d’odo dee lai-lai ree sə dee rəa’g ndá yeḛ aji dee ya.

Matiyo 7:6

Néje gə́ d’unda gə kəmee lé maji kun kar bisije el ləm, əsé ɔmje mərkwɔjije lə sí naŋg no̰ bərje’g el ləm tɔ, nà banelə d’a mbɔḭ naŋg gə gɔl dee ləm, d’a kḭ keneŋ gə mba ti sí mbidi-mbidi ləm tɔ.

Matiyo 8:30

Bər-kosoje d’aar ŋgərəŋ d’aar d’o̰ mu.

Matiyo 8:32

Yeḛ ula dee pana, Teḛje awje! Ndilje gə́ majel neelé d’unda loo teḛ d’uru mee bərje’g. Aa oo, bərje neelé lai d’ḭ loo-ko̰-mu’g d’aḭ yi-i-i d’aw dɔ koŋgo baa-boo’g ndá deḛ ndida koŋgo, ɓugu mán wɔlɔg nai keneŋ wo̰d.

Mark 5:12

Ndilje gə́ yèr lé to ta Jeju’g pəgə-pəgə d’ulá pana: Ula sí ar sí j’aw n’to meḛ dee-deḛ bər-kosoje’g neelé ɓó gə j’uru meḛ dee’g mbidi.

Mark 5:7

I Jeju, Ŋgon-Ala lé gə́ Njesisémdara’g lé see ɗi ləi to ŋga ɓa to rɔm’g wa. Ma m’ra ndòo rɔi’g gə ri Ala mba kari ula kəm ndòo el nja kari.

Loo gə́ killa rea kəm Ja̰’g 12:12

Gelee gə́ nee ɓa dara, maji kari al rɔi ləm, seḭ gə́ sije keneŋ lé maji kar sí alje rɔ sí tɔ. Némeeko̰ a nai dɔ naŋg nee ləm, gə dɔ baa-boo’g ləm tɔ mbata njekurai lé risi uru naŋg rɔ sí’g mba̰ ndá mée ḭ jugugu mbata yeḛ gər gao, ndəa nai dəb ba ŋga.