Matiyo 8:3 - Maktub gə́ To gə Kəmee

³ Jeju ula jia paar ɔrɔ ne rəa pana: Ma m’ndigi səi ya, maji kar rɔi ɔr ɓə̰dərə-ɓə̰dərə ya. Léegəneeya ba̰ji ɔr rəa’g ɓə̰dərə-ɓə̰dərə ya tɔ.

Matiyo 8:3 ပူးပေါင်းရင်းမြစ်များ

Gḭ-Néje 1:3

Ala pana: Maji kar loo àr! Ndá loo àr ya tɔ.

2 Mbaije 5:11

Mee Naaman ḭ səa pu aree ɔd par-par aw ndá pana: Ma m’ə̰ji m’pana: Yeḛ a gə ree gə rəa ya rɔm’g kaar tar ɓar ri Ala ləa gə́ Njesigənea̰ ndá a kila jia loo gə́ ba̰ji tilam keneŋ lé gə mba kɔr ne ba̰ji lé rɔm’g wa...

2 Mbaije 5:14

Yen ŋga Naaman risi ur dan baa gə́ Jurdɛ̰’g ula rəa keneŋ gɔl siri to gə́ dəw lə Ala ulá ne lé ndá rəa tel àr ŋgad-ŋgad asəna gə rɔ ŋgonkas bèe.

Pakɔsje 33:9

Mbata yeḛ pata ndá Née teḛ gə torndia ya ləm, Yeḛ un ndia ndá Née to keneŋ bèe ya ləm tɔ.

Teḛ-Raga 4:7

Njesigənea̰ ulá tɔɓəi pana: Un jii ila kaari’g gogo ɓəi. Yeḛ un jia ila kaaree’g gogo ɓəi tɔ, tɔɓəi yeḛ tel ɔr jia kaaree’g ndá aa oo, jia lé tel to asəna gə darəa gə́ kédé lé ya tɔ.

Matiyo 12:13

Tɔɓəi yeḛ ula diŋgam neelé pana: Ndɔji jii ra̰daŋ. Diŋgam neelé ndɔji jia ra̰daŋ ndá jia tel to kɔgərɔ-kɔgərɔ to gə́ maree ya.

Mark 1:41

Mee Jeju aw taḭ-taḭ ndá yeḛ ula jia ɔrɔ ne rɔ dəw neelé pana: Ma m’ndigi səi ya, maji kar rɔi tel ɔr ɓə̰dərə-ɓə̰dərə ya.

Mark 4:39

Yeḛ ḭ dɔ ɓi’g ndá ḭ gə lel ndaŋgee ləm, yeḛ pa gə paŋgəm mán baa-boo ləm tɔ pana, Mbim udu, ar loo to mundu ləm tɔ! Léegəneeya lel lé əw rəa kula ləm, dɔ mán toso ɗəḭ-ɗəḭ ləm tɔ.

Mark 5:41

Yeḛ un ji ŋgon lé wa ulá pana: Talita kumi (tel takɔji sí pana: Ŋgon dené, ma nja m’ulai, uba naŋg ḭta).

Mark 7:34

Tɔɓəi yeḛ tel kəmee gə́ dara lé ila mée pugudu pana: Epata, (tel takɔji sí teḛ tai).

Mark 9:25

Loo gə́ Jeju oo boo-dəwje gə́ d’ula ménénḛ́ gə́ dəa’g neelé ndá yeḛ ndaŋg ndil gə́ yèr neelé paḭ, ulá pana: I ndil gə́ yèr gə́ njegwɔskudu ləm, gə njembikudu ləm tɔ lé ma nja m’pa gə ndum m’ulai, teḛ mee ŋgon’g gə́ raga ndá i a tel kandə mée’g gogo el saar ya.

Lugu 4:27

Njéba̰jije bula bəl jərərə d’isi Israɛl’g, ləbee gə́ Elije, njetegginta si ne kəmba ɓəi nɛ ba̰ji ɔr rɔ dəw kára kara mbuna dee’g el nɛ Naaman, dəw gə́ Siri nja gə karee ba ɓa ba̰ji ɔr rəa’g ndɔs-ndɔs ya.

Lugu 5:13

Jeju ula jia par wa ne rəa peb ulá pana: Ma m’ndigi bèe ya, maji kar ba̰ji ɔr rɔi’g ndɔs-ndɔs. Léegəneeya ba̰ji lé ɔr rəa’g ndɔs-ndɔs ya tɔ.

Lugu 7:14

Yeḛ ree pər gə́ ta tira-yoo’g lé ɔrɔ gə jia. Deḛ gə́ njékodeje lé rəm d’ɔs gɔl dee d’aar naŋg tɔ. Yen ŋga, Jeju pana: Ŋgon basa, ma nja m’un ndum m’ari, uba naŋg ḭta ya!

Tagə́maji gə́ Ja̰ ndang 11:43

Loo gə́ yeḛ pata neelé mba̰ ndá yeḛ pata gə ndia gə́ boi wəl pana: Lajarə, unda loo teḛ raga!

Tagə́maji gə́ Ja̰ ndang 15:24

Kula ramje gə́ dəw kára kara askəm ra el gə́ m’ra lé ɓó lé m’ra mbuna dee’g el ndá d’a koo loo kaiya lə dee gə́ deḛ ra lé el, nɛ deḛ d’wam gə meḛ dee ləm, Bɔm kara d’wá gə meḛ dee togə́bè ləm tɔ.

Tagə́maji gə́ Ja̰ ndang 5:21

To gə́ Bɔ-dəwje lé ar njé gə́ d’wəi d’unda loo teḛ d’isi ne kəmba lé Ŋgon nja kara a kar nana kara si gə kəmə lé to gə́ yeḛ wɔji mée’g lé ya tɔ.