Matiyo 8:25 - Maktub gə́ To gə Kəmee

²⁵ Njékwakiláje ŋgəs pər gə́ rəa’g ndelee pana, Mbai, taa sí aji sí nà j’a kudu.

Matiyo 8:25 ပူးပေါင်းရင်းမြစ်များ

2 Sôrta Gḭka Israɛlje 14:11

Njesigənea̰ kunda Etiopije tɔl dee no̰ Asa’g gə no̰ Judaje’g ndá Etiopije buŋga na̰ d’aḭ.

2 Sôrta Gḭka Israɛlje 20:12

Ǝi Ala lə sí, see i a gaŋgta dɔ dee’g el wa. Mbata jeḛ lé siŋga sí gə mba rɔ ne gə njérɔje gə́ bula digi-digi gə́ d’aw gə́ nee lé godo ar sí n’gərje né gə́ kəm ra el nɛ kəm sí to gə́ dɔi-i’g ya.

Pakɔsje 10:1

Ǝi Njesigənea̰, see ban ɓa i ɔs rɔi rɔm’g rəw wa. See ban ɓa i iya səm rɔi pá ndɔ gə́ néurti teḛ wa.

Junas 1:6

Njekwa-ŋgao bato lé ree pər gə́ rəa’g dəjee pana: See ban ɓa i toɓi bèe wa. Uba naŋg ḭ tar ɓar magə ləi oo ɓa banelə yeḛ ə̰ji dɔ sí’g ndá j’a kudu ne el.

Matiyo 8:2

Aa ooje njeba̰ji kára ree pər gə́ rəa’g unda barmba naŋg nea̰’g pana: Mbai, ɓó lé i ndigi ndá i kaskəm kar rɔm ɔr ɓə̰dərə-ɓə̰dərə ya.

Matiyo 8:24

Yen ŋga, lel-boo ḭ dan baa-boo’g ula gigigi ɓugu dɔ dee’g ar paŋgəm mán uru mee to’g pujuju-pujuju nɛ yeḛ lé to toɓi.

Matiyo 9:18

Loo gə́ yeḛ si pa taje neelé bèe-bèe ndá mbai gə́ njekəi-kwa-dɔ-na̰ kára ree rəm yəm ɔs kəjee naŋg nea̰’g pana: Ŋgonəm gə́ dené wəi ɓasinè ya ɓəi. Nɛ gə́ ree, ila jii dəa’g ndá a si kəmba ya.

Lugu 8:24

Deḛ rəm pər gə́ rəa’g ndelee d’ulá pana: Mbai, mbai, jeḛ lé n’saḭ mba̰. Yeḛ teḛ kəmee yərərə ndá ḭ gə lel ndaŋgee ləm, yeḛ pa gə paŋgəm mán lé ləm tɔ. Léegəneeya lel lé əw rəa kula ləm, dɔ mán kara toso ɗəḭ-ɗəḭ ləm tɔ.