Matiyo 8:20 - Maktub gə́ To gə Kəmee

²⁰ Jeju ilá keneŋ pana: Bolé to njaaje to gən ga̰ ləm, kəi to yelje kara to gən ga̰ ləm tɔ. Nɛ Ŋgon-dəw lé oo loo gə́ mba kula dəa keneŋ taa kəmə el.

Matiyo 8:20 ပူးပေါင်းရင်းမြစ်များ

Pakɔsje 104:12

Yelje gə́ d’aw pə̰ dara’g lé D’isi dɔ koŋgee’d ləm, D’ar ndu dee ɓar wəl-wəl kəmkagje’g ya ləm tɔ.

Pakɔsje 104:17

Lée neelé ɓa yelje ra kəije lə dee keneŋ ləm, Yel ndua lé kara ra kəi-tée mee kag-siprɛs’g ləm tɔ.

Pakɔsje 109:22

Ma lé m’to gə́ njenékəmndoo gə njendoo ləm, Ŋgaw məəm lé iŋga doo ləm tɔ.

Pakɔsje 40:17

Maji kar dee-deḛ lai gə́ ndolè gooi D’isi dan boo-rɔkal’g ləm, ra rɔlel dɔi’g ləm tɔ! Maji kar deḛ gə́ d’unda kaji ləi dan kəm dee’g Pa taree lal kwa ta dee pana: Njesigənea̰ nja to gə́ boo!

Pakɔsje 69:29

Maji kar ri dee kara tuji pugudu mee maktub kəmə’g lé Ɓó gə́ ndaŋg ri dee na̰’d gə njémeekarabasurje el.

Pakɔsje 84:3

Ma lé m’ndiŋga rɔm M’əmə ta biriri-biriri par gə́ gadlooje’g lə Njesigənea̰ ləm, Darɔm gə ŋgaw məəm bura ra né wəl par gə́ rɔ Ala gə́ njesikəmba’g lé ləm tɔ.

Loo gə́ killa rea kəm Daniel’g 7:13

Loo gə́ né ram gə́ mḭdi loondul’g lé ma m’aa loo ndá aa oo, dəw kára gə́ to tana gə ŋgon dəw bèe ree dan loo-kil’g lə ndi. Yeḛ aw pər gə́ rɔ Dəw gə́ ɓuga yaa̰’g lé ndá d’aree ree mbɔree’g dəb ya.

Matiyo 12:32

Nana ɓa gə́ ila ta dɔ Ŋgon-dəw’g lé ndá Ala a koo loo kar mée ti mbidi dɔ’g ya. Nɛ nana ɓa gə́ a kila ndɔl dɔ Ndilmeenda’g ndá Ala a koo loo kar mée ti mbidi dɔ’g wəl nee el ləm, əsé ləbje gə́ a gə teḛ el ləm tɔ.

Matiyo 12:40

To gə́ Junas to ne mee ka̰ji-boo’g ndəa munda, dan kàrá gə loondul’g ndá Ŋgon-dəw lé a to mee bwa’g naŋg ndəa munda dan kàrá gə loondul’g togə́bè tɔ.

Matiyo 12:8

Mbata Ŋgon-dəw lé yeḛ ɓa gə́ mbai dɔ ndɔ-kwa-rɔ ya.

Matiyo 13:37

Yeḛ ila dee keneŋ pana: Njedubu kandə kó gə́ maji lé yee ɓa to gə́ Ŋgon-dəw. Mee ndɔ lé yee ɓa to gə́ dɔ naŋg nee.

Matiyo 16:13

Loo gə́ Jeju teḛ Sejare gə́ wɔji dɔ Pilibə ndá yeḛ dəji njékwakiláje pana: See ta ɗi ɓa dəwje pa dɔm’g wa. Ma gə m’to gə́ Ŋgon-dəw lé see deḛ d’oom gə́ dəw gə́ banwa.

Matiyo 16:27

Mbata Ŋgon-dəw lé a ree gə kuraje ləa gə́ dara na̰’d gə rɔnduba gə́ bɔbeeje a kula dəa’g. Ndəa neelé yeḛ a kuga nana kara gə goo kula rəa-rəa ya.

Matiyo 17:9

Loo gə́ deḛ d’ḭ dɔ mbal’g risi d’uru naŋg ndá Jeju un ndia ar dee pana: Né gə́ seḭ ooje lé areeje teḛ ta sí’g ja̰ ar dəw oo el saar kar ndɔ gə́ Ŋgon-dəw a kunda loo yoo teḛ.

Matiyo 19:28

Jeju tel ila dee keneŋ pana: Ma m’ula sí təsərə, ndɔ gə́ d’a gə kar néje lai tel to lée’g béréré lé ɓa Ŋgon-dəw a kuba dɔ kalimbai ndubarɔ ləa gao si’g ndá seḭ gə́ unje goom lad-lad lé seḭje kara a kubaje dɔ kalimbaije gə́ dɔg-giree-joo neelé gao si keneŋ mba gaŋgta dɔ ginkoji Israɛlje gə́ dɔg-giree-joo neelé tɔ.

Mark 8:38

Mbata nana ɓa gə́ ra kəmkul dɔm’g gə dɔ ta’g ləm mbuna ginka dəwje gə́ nee gə́ to njémɔdkaiyaje ləm, gə njékaiyaje ləm tɔ lé ndá Ŋgon-dəw a ra rɔkul dəa’g loo gə́ yeḛ a ree dan rɔnduba’g lə bɔbeeje lé gə kuraje ləa gə́ dara gə́ to njémeendaje lé na̰’d.

Lugu 12:8

Ma m’ula sí təsərə, dəw gə́ rara ɓa gə́ a teḛ gə rim no̰ dəwje’g ndá Ŋgon-dəw lé a teḛ gə ria-yeḛ no̰ kuraje’g lə Ala gə́ dara ya tɔ.

Lugu 18:8

Ma m’ula sí təsərə yeḛ a kḭ kalaŋ ra rəwta lə dee gə tɔgee ya. Nɛ see loo gə́ Ŋgon-dəw a gə ree lé see a kiŋga njémeekunje gə́ dɔ naŋg neelé nja to wa.

Lugu 2:12

Ŋgonkas neelé deḛ ɓiree gə kubu d’ilá mee bəgərə sɔ né’g lə maŋgje, seḭ a kéeje keneŋ ya, yee ɓa seḭ a gəreeje ne ya tɔ.

Lugu 2:16

Deḛ d’ɔs rɔ dee ɓad d’ɔm na̰ rəbee d’aw ndá d’iŋga Mari ləm, gə Jisəb ləma, ŋgonkas lé kara to mee bəgərə sɔ né’g lə maŋgje’g ya ləm tɔ.

Lugu 2:7

aree oji ŋgondəree gə́ diŋgam keneŋ. Yeḛ ɓiree gə kubu ilá mee bəgərə sɔ né’g lə maŋgje mbata loo-to as dee Kəi-to-mbàje’g el.

Lugu 21:36

Sije dɔkəji sí’g kəgəgə, raje tamaji lé ta-ta togə́bè ɓa loo gə́ néje neelé a teḛ ndá siŋga sí a kas gə mba kɔrje dɔ sí keneŋ ləm, seḭ a teḛ kaarje ne tar no̰ Ŋgon-dəw’g lé ləm tɔ.

Lugu 8:3

gə Jan dené lə Suja gə́ njekaa dɔ kəi lə Herɔdə ləm, gə Sujan ləma, gə njé gə́ raŋg gə́ d’aw la sə dee gə nékiŋgaje lə dee ləm tɔ.

Lugu 9:58

Jeju ilá keneŋ pana: Bolé to njaaje to gən ga̰ ləm, kəi-to yelje kara to gən ga̰ ləm tɔ, nɛ Ŋgon-dəw lé oo loo gə mba kula dəa keneŋ taa kəmə el.

Tagə́maji gə́ Ja̰ ndang 1:51

Yeḛ ulá tɔɓəi pana: Ma m’ula sí təsərə, ndɔ gə́ raŋg ndá seḭ a kooje kəm dara gə́ teḛ ar kuraje lə Ala gə́ dara d’al d’aw tar gə risi d’ur naŋg d’wa ne dɔ Ŋgon dəw lé.

Tagə́maji gə́ Ja̰ ndang 12:34

Boo-dəwje d’ilá keneŋ pana: Godndu lé ndoo sí ar sí j’oo to gə́ Kristi lé a si gə no̰ ya. See ban ɓa i pana: Lé riri kara d’a kun Ŋgon-dəw kundá tar ɓəi wa. See Ŋgon-dəw neelé to gə́ na̰ ɓəi wa.

Tagə́maji gə́ Ja̰ ndang 13:31

Loo gə́ Judas teḛ raga mba̰ ndá Jeju pana: Ɓasinè d’ula rɔnduba dɔ Ŋgon-dəw’g lé mba̰ ləm, Ala kara iŋga rɔnduba rəa’g ləm tɔ.

Tagə́maji gə́ Ja̰ ndang 3:13

Dəw kára ḭ naŋg nee aw dara el ɓəi, nɛ yeḛ gə́ ḭ dara ree dɔ naŋg neelé to Ŋgon-dəw gə́ si dara ya.

Tagə́maji gə́ Ja̰ ndang 3:14

To gə́ Moyis léḛ lar gə́ kas ndaji ne li ɓəree tar dɔdilaloo’g, togə́bè ɓa lé riri kara d’a ɓər Ŋgon-dəw tar

Tagə́maji gə́ Ja̰ ndang 6:27

Maji kar sí raje kula mba nésɔ gə́ a sané darɔ sí’g kari ba el. Nɛ raje kula mbata nésɔ gə́ a nai sə sí saar-saar gə́ a kar sí sije ne gə kəməgə́ gə no̰ lé gə́ Ŋgon-dəw a kar sí lé ya. Mbata yeḛ nja ɓa Ala Bɔ-dəwje lé ɔree unda gə kəmee gə dɔ jia.

Tagə́maji gə́ Ja̰ ndang 6:53

Jeju ila dee keneŋ pana: Ma m’ula sí təsərə, ɓó lé seḭ sɔje darɔ Ŋgon-dəw el ləm, gə aije məsee el ləm tɔ ndá kəmə lé a godo meḛ sí’g.

Tagə́maji gə́ Ja̰ ndang 6:62

Ŋga ɓó lé seḭ ooje Ŋgon-dəw gə́ a kḭ kaw par gə́ loo-siée gə́ kédé’g ndá see a to banwa.

Néra Njékaḭkulaje 7:56

Yeḛ pana: Aa ooje, m’oo kəm dara teḛ, am m’oo Ŋgon-dəw gə́ aar tar dɔ jikɔl Ala’g lé.

2 Njé gə́ Kɔrḭtə 8:9

Mbata seḭ gərje noji lə Mbaidɔmbaije lə sí Jeju Kristi, yeḛ gə́ to bao ya nɛ yeḛ tel to njendoo gə mbata lə síje lé gə mba kar mbɔl dɔ ndookoo ləa lé ɓa seḭ telje ne baoje.