Matiyo 8:2 - Maktub gə́ To gə Kəmee

² Aa ooje njeba̰ji kára ree pər gə́ rəa’g unda barmba naŋg nea̰’g pana: Mbai, ɓó lé i ndigi ndá i kaskəm kar rɔm ɔr ɓə̰dərə-ɓə̰dərə ya.

Matiyo 8:2 ပူးပေါင်းရင်းမြစ်များ

2 Samel 3:39

Ma lé d’wa dɔm gə ubu d’undam ne gə́ mbai nɛ siŋgam godo ya ɓəi. Dəwje nee gə́ to ŋgalə Seruja lé siŋga dee ur dɔm’g. Maji kar Njesigənea̰ uga dɔ njemeeyèr gə goo némeeyèr ləa ya.

2 Mbaije 15:5

Njesigənea̰ unda mbai gə rɔko̰ ba̰ji aree nai rəa’g saar ndɔ kwəi ləa, yeḛ si ne mee kəi gə́ to ŋgərəŋ’d. Jotam, ŋgonee ɓa to mbai dɔ njémeekəije’g lə mbai ndá yeḛ gaŋg rəwta lə dəwje gə́ mee ɓee’g tɔ.

2 Mbaije 5:1

Naaman gə́ to ɓé-njérɔje lə mbai gə́ Siri lé taa kəm mbai ləa rəgm ləm, mbai ləa kara ila riɓar gə́ boo dəa’g ləm tɔ mbata mbɔl dəa yeḛ ɓa Njesigənea̰ ar Aramje d’un ne baŋga ya. Dəw neelé to gə́ bao-rɔ ya nɛ ba̰ji ɓa gaŋgee.

2 Mbaije 5:27

Bèe ɓa ba̰ji lə Naaman a tilai ləm, gə ŋgakaije ləm tɔ saar gə no̰. Loo gə́ Gehaji ḭ rɔ Elije’g unda loo teḛ ndá ba̰ji lé ndá rəa’g hododo tɔ.

Bula lə Israɛlje 12:10

Mum lé ḭ ŋgədəŋ dɔ kəi-kubu’g. Ndá aa oo, ba̰ji ɔm dɔ Miriam’g ar rəa ndá kələw-kələw to gə́ kwɔji bèe. Aaro̰ tel kəmee ila dɔ Miriam’g ndá aa oo, ba̰ji taa rɔ Miriam pəl-pəl.

Matiyo 10:8

Arje rɔko̰ ḭ dɔ njérɔko̰je’g ləm, deḛ gə́ d’wəi lé ar deeje d’unda loo teḛ ləm, ɔrje ba̰ji rɔ njéba̰jije’g ləma, tubaje ndilje gə́ yèr meḛ dəwje’g ləm tɔ. Né gə́ seḭ iŋgaje lé to gə́ nénoji ya ndá né gə́ seḭ a karje kara a to gə́ nénoji ya ləm tɔ.

Matiyo 13:58

Yeḛ ra némɔrije bula ɓee lə dee el mbata d’un mbi dee ndogo ne lel dɔ ta’g ləa.

Matiyo 14:33

Deḛ gə́ d’isi mee to’g lé ree d’ɔm gɔl Jeju’g pana: Tɔgərɔ, i lé to Ŋgon-Ala gə́ gəd ya.

Matiyo 15:25

Nɛ dené lé ŋgəs gə́ rəa’g unda barmba dəb kəmee naŋg nea̰’g pana: Mbaidɔmbaije, la səm ya kari.

Matiyo 18:26

Kura neelé oso naŋg bəbərə dəb kəmee naŋg nea̰’g ra ndòo rəa’g pana: Mbai, ar məəi oso lemsé dɔm’g ndá m’a kuga ɓaŋg ləi ŋgər-ŋgər ɓəi.

Matiyo 2:11

Deḛ d’andə mee kəi’g ndá d’oo ŋgonkas gə kea̰je gə́ Mari lé. Deḛ d’unda barmba dəb kəm dee naŋg nea̰’g. Tɔɓəi deḛ teḛ gə nébaoje lə dee d’wa ne səa noji, d’aree larlɔr ləm, gə no̰ kag gə́ ə̰də sululu ləma, gə timbá ləm tɔ.

Matiyo 20:20

Yen ŋga ko̰ ŋgalə Jebede ree gə ŋganeeje pər gə́ rɔ Jeju’g unda barmba nea̰’g gə mba dəjee ta,

Matiyo 26:6

Loo gə́ Jeju nai Betani kəi lə Simo̰ gə́ njeba̰ji lé

Matiyo 28:17

Loo gə́ deḛ d’ée ndá deḛ d’unda naŋg nea̰’g mburug. Nɛ njé gə́ na̰je maḭ gə rɔ dee dəa’g.

Matiyo 28:9

Yen ŋga Jeju dar dee bus pana: M’ra sí lapia ɓòo. Deḛ ree wɔr gə́ rəa’g d’unda naŋg gɔlee’g mburug, d’unda barmba naŋg d’wá meḛ dee’g.

Matiyo 4:9

Ɓó lé i a kunda barmba dəb kəmi naŋg nɔm’g ndá néje lai gə́ i oo gə kəmi neelé m’a kari gə́ kaḭ ya.

Matiyo 8:1

Loo gə́ Jeju ḭ dɔ mbal’g risi gə́ naŋg ndá koso-dəwje ndɔm na̰ gée’g.

Matiyo 8:25

Njékwakiláje ŋgəs pər gə́ rəa’g ndelee pana, Mbai, taa sí aji sí nà j’a kudu.

Matiyo 9:18

Loo gə́ yeḛ si pa taje neelé bèe-bèe ndá mbai gə́ njekəi-kwa-dɔ-na̰ kára ree rəm yəm ɔs kəjee naŋg nea̰’g pana: Ŋgonəm gə́ dené wəi ɓasinè ya ɓəi. Nɛ gə́ ree, ila jii dəa’g ndá a si kəmba ya.

Lugu 4:27

Njéba̰jije bula bəl jərərə d’isi Israɛl’g, ləbee gə́ Elije, njetegginta si ne kəmba ɓəi nɛ ba̰ji ɔr rɔ dəw kára kara mbuna dee’g el nɛ Naaman, dəw gə́ Siri nja gə karee ba ɓa ba̰ji ɔr rəa’g ndɔs-ndɔs ya.

Tagə́maji gə́ Ja̰ ndang 9:38

Njekəmtɔ lé ula Jeju pana: Mbaidɔmbaije, m’ɔm məəm dɔi’g ya. Yen ŋga yeḛ rəm bəbərə oso nea̰’g dəb kəmee naŋg.

Néra Njékaḭkulaje 10:14

Nɛ Piɛrə ilá keneŋ pana: Wah! Mbaidɔmbaije, mbata néje gə́ ram gə néje gə́ to kḛji togə́bè lé uba tam ndag nda̰ el.

Néra Njékaḭkulaje 10:25

Loo gə́ Piɛrə si andə kəi ndá Kɔrnəi tila kəmee oso naŋg bəbərə ula dəa naŋg nea̰’g.

1 Njé gə́ Kɔrḭtə 14:25

ta gə́ mée’g a kinja gə́ raga ləm tɔ. Yen ɓa yeḛ a kunda barmba dəb kəmee naŋg gə mba kwa ne Ala mée’g ləm, yeḛ a kḭ kaw kila ne mbər pana: Ala lé sí mbuna sí’g tɔgərɔ ya ləm tɔ.

Loo gə́ killa rea kəm Ja̰’g 19:10

Yen ŋga, m’oso naŋg rəb gel gɔlee’g mba kwá məəm’g ndá yeḛ ulam pana: Ǝw rɔi! Ma m’to njeboakula ləi gə njeboakula lə ŋgakɔḭje gə́ d’ɔr goo ta lə Jeju lé. Ala nja ɓa maji kari wá məəi’g. Mbata goo ta lə Jeju to kankəmta gə́ ḭ rɔ Ala’g nja.