Matiyo 8:13 - Maktub gə́ To gə Kəmee

¹³ Tɔɓəi Jeju ula ɓé-njérɔje lé pana: Ɔd aw loo ləi, némeekun ləi lé i a kiŋga ɓəi. Mee kàree’g neelé rɔko̰ ḭ rɔ kura’g ləa kə̰geŋ ya.

Matiyo 8:13 ပူးပေါင်းရင်းမြစ်များ

Njekillamber 9:7

Ɔd aw o̰ muru ləi gə rɔlel ləm, Gə ai mán-nduú ləi gə meelel ləm tɔ Mbata néraije lé taa kəm Ala mba̰ ya.

Matiyo 15:28

Yen ŋga Jeju tel ila dené’g lé pana: Ah! dené, meekun ləi al dɔ loo sula, taa né gə́ i ndiŋga lé ari ya. Léegəneeya, rɔ ŋgonee lé tel to kari péd-péd tɔ.

Matiyo 17:20

Jeju ila dee keneŋ pana: To mbata meekun lə sí gə́ əḭ el lé ɓa seḭ asjekəm raje ne né gə́ togə́bè el. Ma m’ula sí təsərə, ɓó lé meekun lə sí to asəna gə kandə né gə́ yəm-yəm bèe ndá seḭ a kulaje mbal neelé pana: Un rɔi unda gə́ yo bèe ndá léegəneeya, yee a kun rəa kunda gə́ yo ya tɔ. Né kára kara a dum sí el.

Matiyo 8:4

Tɔɓəi Jeju ulá pana: Maji kari udu taree məəi’g ar dəw oo səi el ɓəi, nɛ aw rɔ njekinjanéməs’g tɔjee rɔi ɓó gə un nékar-Ala aree gə goo godndu Moyis gə mba karee to ne nékɔrkəmta ləi kəm dəwje’g ɓa.

Matiyo 9:22

Jeju ɔm rəd ndá ulá pana: Ŋgonəm, ndá məəi kaḭ, meekun ləi taa né ari aji ne ya. Léegəneeya, rɔ dené lé to kari péd-péd.

Mark 7:29

Yen ŋga Jeju ulá pana: Ɔd aw mbata tapai lé ar ndil gə́ yèr unda ne loo mee ŋgoni gə́ dené’g teḛ mba̰ ya.

Mark 9:23

Jeju ilá keneŋ pana: I pana: See m’askəm ra wa pa bèe. Yeḛ gə́ rara ɓa gə́ ɔm mée dɔm’g jəb-jəb ndá né gə́ njedumee godo.

Tagə́maji gə́ Ja̰ ndang 4:50

Jeju ilá keneŋ pana: Maji kari ɔd aw, ŋgoni lé aji mba̰. Dəw neelé ɔm mée dɔ ta gə́ Jeju ulá’g lé tɔ ndá ɔd aw ya.