Matiyo 8:10 - Maktub gə́ To gə Kəmee

¹⁰ Loo gə́ Jeju oo tapea ndá kaaree wá paḭ aree ula deḛ gə́ ndɔm na̰ gée’g lé pana: Ma m’ula sí təsərə, mee ɓee gə́ Israɛl’g ya kara ma m’iŋga boo-meekun gə́ togə́bè kəm kára el ɓəi.

Matiyo 8:10 ပူးပေါင်းရင်းမြစ်များ

Gḭ-Néje 43:33

Ŋgako̰ Jisepje lé d’isi nea̰’g, yeḛ gə́ to ŋgondər lé gə goo ŋgondər ləa ləm, yeḛ gə́ ndɔḭ kara gə goo ndɔḭ ləa ləm tɔ. Ndá kaar dee wa dee paḭ ar dee d’aa kəm na̰ kɔbəri-kɔbəri.

Matiyo 15:28

Yen ŋga Jeju tel ila dené’g lé pana: Ah! dené, meekun ləi al dɔ loo sula, taa né gə́ i ndiŋga lé ari ya. Léegəneeya, rɔ ŋgonee lé tel to kari péd-péd tɔ.

Matiyo 8:11

Bèe ɓa ma m’ula sí təsərə, njé gə́ na̰je bula d’a kḭ bər ləm, gə dɔ-gó ləm tɔ ndá d’a si na̰’d ta ka-nésɔ’g ɓeeko̰ gə́ dara na̰’d gə Abrakam, gə Isaak, gə Jakob tɔ.

Matiyo 8:9

Mbata ma lé m’ula dɔm m’ar njékurdɔm’gje lé ləm, ma m’to ɓé-njérɔje gə́ d’ula dɔ dee d’am ləm tɔ. Ɓó lé m’ula yeḛ gə́ kára m’pana: Ree ndá yeḛ ree ya, əsé lé m’ula yeḛ gə́ raŋg m’pana: Ɔd aw ndá yeḛ ɔd aw ya tɔ, əsé lé m’ula kura ləm m’pana: Ra né gə́ nee ɓa ndá yeḛ ra ya tɔ.

Mark 6:6

Kaaree wá paḭ mbata meendər lə dee. Jeju aw gə dɔɓee-dɔɓee gə́ gugu dɔ ɓee ləa lé ndoo dee ta keneŋ.

Lugu 5:20

Loo gə́ Jeju oo meekun lə dee al dɔ loo ndá yeḛ pana: Kuramarm, kaiya ləi ɔr dɔi’g mba̰.

Lugu 7:50

Nɛ Jeju ula dené lé pana: Meekun ləi taa né ari aji ne mba̰, ɔd aw loo ləi gə meekulɔm ŋga.

Lugu 7:9

Loo gə́ Jeju oo ta lə ɓé-njérɔje lé kaaree wa paḭ ndá yeḛ tel təa gə́ rɔ boo-dəwje gə́ ndɔm na̰ gée’g lé pana: Ma m’ula sí təsərə, mee ɓee gə́ Israɛl ya kara ma m’oo gar boo-meekun gə́ togə́bè keneŋ kəm kára el ɓəi.

Néra Njékaḭkulaje 2:7

Kaar dee wa dee paḭ-paḭ ar ɓəl ra dee kədm-kədm ndá d’ula na̰ pana: Aa ooje, dəwje nee gə́ pata lé see deḛ lai to gə́ njé gə́ Galile el wa.