Matiyo 7:5 - Maktub gə́ To gə Kəmee

⁵ Njehulai, ɔr guburu-kag gə́ to kəmi’g lé kédé ɓa i a koo loo mba kɔr ne ŋgwɔi né gə́ to kəm ŋgokɔḭ’g lé ɓəi.

Matiyo 7:5 ပူးပေါင်းရင်းမြစ်များ

Matiyo 22:18

Jeju gər goso lə dee gao aree ila dee keneŋ pana: Seḭ njéhulaije, see ban ɓa seḭ sɔmje bèe wa.

Matiyo 7:3

See ban ɓa i oré kəmi dɔ ŋgwɔi né gə́ to kəm ŋgokɔḭ’g ŋga see guburu-kag gə́ to kəmi’g lé see i oo ɓa el wa.

Matiyo 7:4

Yen ŋga see guburu-kag gə́ to kəmi’g lé see ban ɓa i ula ŋgokɔḭ pana: Am m’ɔr ŋgwɔi né gə́ to kəmi’g ɓəi wa.

Matiyo 7:6

Néje gə́ d’unda gə kəmee lé maji kun kar bisije el ləm, əsé ɔmje mərkwɔjije lə sí naŋg no̰ bərje’g el ləm tɔ, nà banelə d’a mbɔḭ naŋg gə gɔl dee ləm, d’a kḭ keneŋ gə mba ti sí mbidi-mbidi ləm tɔ.

Lugu 12:56

Seḭ njéhulaije! Dara gə naŋg nee ɓa seḭ gərje loo kundaje kəm néje gə́ keneŋ, ŋga see ban ɓa néje gə́ a gə ree gə́ tɔji sí ndəa lé seḭ gərje loo go̰je el ɓəi wa.

Lugu 13:15

Mbaidɔmbaije ilá keneŋ pana, Njéhulaije, see seḭje kára kára lai lé seḭ tuduje bɔ maŋg lə sí əsé mulayḛ̀je lə sí kəi-kulee’g ndɔreje awje səa mán gə mba karee ai mán gə ndɔ-kwa-rɔ’g el wa.

Lugu 4:23

Jeju ila dee keneŋ pana: Seḭ a kawje saar a kɔrje gosota nee gə́ pana: I njekuma̰-kaji lé aji darɔi-i nja ar sí j’oo səi. Seḭ a kɔrje kwɔjije ne dɔm paje ne səm pana: Néje lai gə́ m’ra Kapernawum gə́ seḭ ooje taree lé maji karm m’ra mee ɓee-kojim’g nee m’ar sí ooje səm tɔ.

Lugu 6:42

Esé see i a kula ŋgokɔḭ pana: Ŋgokɔm, am m’ɔr njawala gə́ to kəmi’g kən m’ari ŋga see guburu kag gə́ o̰ kəmi mbèd kən lé see i oo el wa. Njehulai, ɔr guburu kag gə́ o̰ kəmi mbèd kən lé kédé ɓad ɓa i a koo loo gə mba kɔr ne njawala gə́ to kəm ŋgokɔḭ’g lé ɓəi.

Néra Njékaḭkulaje 19:15

Ndil gə́ yèr lé ila dee keneŋ pana: Ma m’gər Jeju gao ləm, Pool lé kara ma m’gəree gao ləm tɔ, nɛ seḭ lé see toje gə́ dəw ɗije wa.