Matiyo 7:28 - Maktub gə́ To gə Kəmee

²⁸ Loo gə́ ta lə Jeju as lée’g mba̰ ndá ta gə́ yeḛ ndoo dee lé dum dɔ dee təs,

Matiyo 7:28 ပူးပေါင်းရင်းမြစ်များ

Pakɔsje 45:2

Taje gə́ kul yururu lé Ar dɔɓəŋgərəm nɛg jəl-jəl. Am m’pana: Kula ram lé m’ra mbata lə mbai! Maji kar ndo̰m to asəna gə ka̰ néndaŋ-maktub lə bao-ndaŋg-maktub lé bèe.

Matiyo 11:1

Loo gə́ Jeju tɔji njékwakiláje gə́ dɔg-gir-dee-joo ta neelé lai mba̰ ndá yeḛ ḭ keneŋ aw mee ɓee-booje’g lə ɓee neelé mba ndoo dəwje ləm, gə ndəji dee ləm tɔ.

Matiyo 19:1

Loo gə́ Jeju pata ləa ila naŋg ɗəgərə ndá yeḛ ḭ Galile aw dɔ naŋg ɓee gə́ Jude gə́ gir Jurdɛ̰ gə́ kel tura’g.

Matiyo 22:33

Ta gə́ Jeju ndoo dee lé ɓar mḭ yaa̰ dum dɔ boo-dəwje neelé təs.

Matiyo 26:1

Loo gə́ Jeju ndoo dee ta neelé aree as lée’g béréré mba̰ ndá yeḛ ula njékwakiláje pana:

Matiyo 7:27

Ndi ər ɓai-ɓai ar manee ula kəŋgəŋ-kəŋgəŋ gin kəi’g ləm, lel ula mbḭ-mbḭ dɔ kəi’g aree oso naŋg rəb ləm tɔ. Koso gə́ yee oso neelé to ɓəl yaa̰.

Matiyo 7:29

mbata yeḛ ndoo dee as gə njedɔmoŋ ɓó as gə njéndaji-maktubje el.

Mark 1:22

Loo gə́ d’oo ta ləa gə́ yeḛ tɔji dee neelé ndá kaar dee wa dee paḭ mbata yeḛ ndoo dee asəna gə njedɔmoŋ ɓó asəna gə njéndaji-maktubje el.

Mark 11:18

Mbai dɔ njékinjanéməsje-je gə njéndaji-maktubje lé loo gə́ deḛ d’oo ta ləa lé ndá deḛ saŋg rəw gə mba karee udu, mbata ta gə́ yeḛ ndoo dee lé ar kaar dəwje lai wa dee paḭ.

Mark 6:2

Yeḛ aw kəi-kwa-dɔ-na̰’g gə ndɔ-kwa-rɔ gə mba ndoo dee ta. Dəwje bula gə́ d’oo ta ləa lé kaar dee wa dee paḭ-paḭ ar dee dəji na̰ ta wédé-wédé pana, see ta néje gə́ yeḛ pa lé see ḭ ne ra wa. See kəmkàr ləa neelé ḭ ne rɔ na̰’g wa. See némɔrije gə́ yeḛ ra gə jia neelé ginee to gə́ banwa.

Lugu 19:48

Nɛ deḛ d’oo loo gə mba kwá el mbata ta gə́ yeḛ ndoo dee lé ar kaar boo-dəwje lai wa dee paḭ.

Lugu 2:47

Deḛ lai gə́ d’oo tapea lé kaar dee wa dee paḭ dɔ ta kəmkàr gə́ teḛ təa’g ləm, gə ta gə́ tel ila’g ləm tɔ.

Lugu 4:22

Deḛ lai d’ɔr ta ləa maji, boo-ta gə́ kul yururu gə́ kinja təa’g lé ar kaar dee wa dee dɔ’g paḭ-paḭ ar dee d’ula na̰ ta d’wɔji ne dəa pana: See yeḛ neelé to gə́ ŋgolə Jisəb el wa.

Lugu 4:32

Ta gə́ yeḛ ndoo dee lé dum dɔ dee təs, mbata yeḛ ndoo dee asəna gə njedɔmoŋ.

Lugu 7:1

Loo gə́ gin taje nee lai gə́ Jeju ndoo koso-dəwje neelé gaŋg ŋgaji mba̰ ndá yeḛ ɔd aw Kapernawum.

Tagə́maji gə́ Ja̰ ndang 7:15

Kaar Jibje wa dee paḭ ar dee pana: See loo gə́ ra ɓa dəw neelé gər maktub gə́ to gə kəmee yaa̰ bèe keneŋ wa. Mbata yeḛ aw loo-ndoo-né’g ndɔ kára el.

Tagə́maji gə́ Ja̰ ndang 7:46

Njékaa dɔ looje lé tel d’ila dee keneŋ pana: Dəw gə́ njepata to gə́ dəw neelé kára kara godo.