Matiyo 7:26 - Maktub gə́ To gə Kəmee

²⁶ Nɛ nana ɓa oo tapam, ra née el ndá m’a kée asəna gə mbə-dəw gə́ tum gin kəi ləa dɔ nagəra’g.

Matiyo 7:26 ပူးပေါင်းရင်းမြစ်များ

Maktub gə́ wɔji dɔ Jɔb 22:16

Deḛ lé kédé ɓa kar ndɔ dee as ɓəi ndá d’ɔd d’aw ləm, Kur dee əw asəna gə mán béləm gə́ dəs kalaŋ bèe ləm tɔ.

Gosota-Kəmkàrje 14:1

Dené gə́ njekəmkàr lé ra kəi ləa, Nɛ yeḛ gə́ to mbə lé tuji kəi ləa gə jia-yeḛ ya.

Jeremi 8:9

Njékəmkàrje lé kəm sɔḭ wa kəm dee ləm, Ta igi dee sel ar dee d’isi jim ləm tɔ, Aa ooje, deḛ d’ə̰ji ta lə Njesigənea̰ bəḭ-bəḭ Ndá see kəmkàr ɗi ɓa d’aw ne wa.

Matiyo 7:24

Bèe ndá nana ɓa oo tapam, ra née ndá m’a kée gə́ dəw gə́ inja paw gə́ tum gin kəi ləa dɔ mbal’g.

Matiyo 7:25

Ndi ər ɓai-ɓai ar manee ula kəŋgəŋ-kəŋgəŋ gin kəi’g ləm, lel ula mbḭ-mbḭ ar kəi yə ləm tɔ, nɛ yee oso el mbata ginee to gə́ mbal.

Matiyo 7:27

Ndi ər ɓai-ɓai ar manee ula kəŋgəŋ-kəŋgəŋ gin kəi’g ləm, lel ula mbḭ-mbḭ dɔ kəi’g aree oso naŋg rəb ləm tɔ. Koso gə́ yee oso neelé to ɓəl yaa̰.

Lugu 6:49

Nɛ yeḛ gə́ oo tapam ɓa ra née el ndá yeḛ to asəna kára ba gə dəw gə́ unda kəi ləa dɔ naŋg’d lal kuru bwa ɓa tum ne ginee. Loo gə́ mán bélm aw ula unda kaar kəi pəji-pəji ndá léegəneeya kəi lé təd kuyum oso naŋg tɔ ndá tuji gə́ oso dɔ kəi’g neelé to tuji gə́ boo ya.

Maktub gə́ Jak ula ne ar ngan-Allaje 2:20

Ǝi, i dəw gə́ gə mḭdé ba lé see kəmi inja dɔ’g bərəŋ el ɓəi wa. Meekun gə́ lal ra née ndá to gə mḭdé ba tɔ.

1 Samel 2:30

Gelee gə́ nee ɓa aa oo, ta gə́ Njesigənea̰, Ala lə Israɛlje pa pana: Kédé lé ma m’pa njaŋg m’pana: Njémeekəije ləi gə gel bɔbije lé d’a njaa no̰m’g saar gə no̰. Nɛ ɓasinè Njesigənea̰ pana: Neḛ n’godo keneŋ ŋga! Mbata yeḛ gə́ ila riɓar dɔ neḛ’g lé n’a kila riɓar dəa’g tɔ. Nɛ deḛ gə́ d’ə̰ji neḛ gə́ kḛji lé d’a kḛji dee gə́ kḛji tɔ.