Matiyo 7:24 - Maktub gə́ To gə Kəmee

²⁴ Bèe ndá nana ɓa oo tapam, ra née ndá m’a kée gə́ dəw gə́ inja paw gə́ tum gin kəi ləa dɔ mbal’g.

Matiyo 7:24 ပူးပေါင်းရင်းမြစ်များ

Maktub gə́ wɔji dɔ Jɔb 28:28

Tɔɓəi yeḛ ula dəw pana: Aa oo, ɓəl Mbaidɔmbaije ɓa to kəmkàr, Kunda rɔi ɓad dɔ néra gə́ majel’g ɓa gə́ gosonégər tɔ.

Pakɔsje 111:10

Ɓəl Njesigənea̰ ɓa to gin kəmkàr gə́ dɔtar, Deḛ lai gə́ d’aa dəa kər-kər lé takə̰ji lə dee inja paw. Rɔnduba ləa to saar-saar gə no̰ tɔ.

Pakɔsje 119:130

Ta ləi gə́ riba dəa lé ar loo ndogó ne jol-jol Ar deḛ gə́ négər na meḛ dee tas lé d’iŋga gosonégər.

Pakɔsje 119:99

Ma lé m’gər né yaa̰ unda njéndoom-néje lai Mbata tornduije lé to né gə́ m’la̰ji tor dee məəm’g ta-ta.

Gosota-Kəmkàrje 10:25

To gə́ lel-mal dəs aw lé Njemeeyèr kara sané pá bèe ya tɔ, Nɛ njemeekarabasur lé Ŋgirá kiriŋ naŋg kiriŋ-kiriŋ gə no̰.

Gosota-Kəmkàrje 10:8

Yeḛ gə́ kəmkàr to mée’g lé Taa godnduje, Nɛ ta mbə gə́ to ta dəw’g lé Aw səa gə́ loo tuji’g.

Gosota-Kəmkàrje 12:7

Tɔs njémeeyèrje tila dee ndá d’a godo, Nɛ kəi lə njémeekarabasurje nai tar.

Gosota-Kəmkàrje 14:8

Dəw gə́ unda kəmkàr dɔ rəa’g lé Gər ne rəw-kabee, mbata kəmkàr ləa Nɛ mbə-dəwje lé Ndəm wɔji dɔ némbə lə dee.

Matiyo 12:50

Mbata nana ɓa gə́ ra torndu Bɔm gə́ si dan dara’g dana bab ndá yeḛ ɓa gə́ ŋgokɔm ləm, gə kɔnanəm ləma, gə kɔmje ləm tɔ.

Matiyo 16:18

Ma nja m’ulai təsərə: I to Piɛrə, dɔ mbal neelé m’a rɔd Eglisə ləm dɔ’g. Lé riri gə́ a gə teḛ gə tarəw gə́ ɓee lə yoo kara a koma̰ səa pi ya.

Matiyo 24:45

See na̰ ɓa gə́ kura gə́ majikoji gə́ inja paw gə́ mbai ləa aree si dɔ kuramareeje’g gə mba kai dee nésɔ dee gə lée-lée lé wa.

Matiyo 25:2

Njé gə́ mi gə́ dan dee’g to gə́ mbəje, njé gə́ mi gə́ dan dee’g to gə́ njékəmkàrje tɔ.

Matiyo 25:4

Deḛ gə́ njékəmkàrje neelé d’odo néndogóje lə dee ji dee’g gə ku-ubee na̰’d kérég.

Matiyo 25:9

Deḛ gə́ njékəmkàrje neelé d’ila dee keneŋ pana: Wah! Ubu lə síjeḛ askəm kar sí jeḛ sə síje n’kaije na̰ el. Bèe ndá ɔdje awje ɓee lə njérabeeje gə mba kiŋgaje ka̰ sí-seḭ ya.

Matiyo 7:25

Ndi ər ɓai-ɓai ar manee ula kəŋgəŋ-kəŋgəŋ gin kəi’g ləm, lel ula mbḭ-mbḭ ar kəi yə ləm tɔ, nɛ yee oso el mbata ginee to gə́ mbal.

Matiyo 7:26

Nɛ nana ɓa oo tapam, ra née el ndá m’a kée asəna gə mbə-dəw gə́ tum gin kəi ləa dɔ nagəra’g.

Lugu 11:28

Nɛ Jeju tel ilá keneŋ pana: Deḛ gə́ d’oo ta lə Ala gə́ d’aa dəa kər-kər lé ɓa rɔlel lə dee a kal dɔ yeḛ gə́ nee ɓəi.

Tagə́maji gə́ Ja̰ ndang 13:17

Ɓó lé seḭ gərje néje neelé raje ndá rɔ sí a sa ne rəw.

Tagə́maji gə́ Ja̰ ndang 14:15

Ɓó lé seḭ ṵdamje dan kəm sí’g ndá aaje dɔ godndum kər-kər ɓa.

Tagə́maji gə́ Ja̰ ndang 15:10

Ɓó lé seḭ aaje dɔ godndum kər-kər ndá seḭ a naije dan kəm’g ya to gə́ ma kara m’aa dɔ godndu Bɔm kər-kər ɓa m’nai ne dan kəmee’g bèe tɔ.

Tagə́maji gə́ Ja̰ ndang 15:14

Torndum gə́ ma m’un m’ar sí lé ɓó lé seḭ raje areeje ɔr rɔd ndá seḭ toje gə́ baokuraje ləm ya.

Njé gə́ Rɔmə 2:13

Tɔgərɔ ya, deḛ gə́ d’oo ta godndu gə mbi dee lé ɓa to njémeekarabasurje no̰ Ala’g el, nɛ deḛ gə́ ra née ɓa Ala ɔr ne ta dɔ dee’g.

1 Ja̰ 2:3

Ɓó lé j’aa dɔ torndia kər-kər ndá yee ɓa jeḛ j’oo gao, to gə́ jeḛ n’gəree ya.