Matiyo 7:22 - Maktub gə́ To gə Kəmee

²² Ndəa neelé dəwje bula d’a dəjim pana: Mbai, Mbai, see jeḛ riba dɔ ta ləi gə rii el wa. See jeḛ m’ɓar rii n’tuba ne ndilje gə́ kurai meḛ dəwje’g el wa.

Matiyo 7:22 ပူးပေါင်းရင်းမြစ်များ

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Bula lə Israɛlje 24:4

Ta lə yeḛ gə́ ndu Ala oso mbia’g ləm, Yeḛ gə́ né rəa gə́ mḭdi aree oo Bao-siŋgamoŋ ləma, Yeḛ gə́ unda barmba ndá yeḛ teḛ kəmee’g ləm tɔ.

Bula lə Israɛlje 31:8

Deḛ tɔl mbaije gə́ Madian na̰’d gə njé gə́ raŋg gə́ ri dee ɓa nee: Ebi, Rekem, Sur, Hur gə Reba, deḛ gə́ mi neelé to mbaije gə́ Madian, deḛ tɔl Balaam, ŋgolə Beɔr gə kiambas tɔ.

Matiyo 10:15

Ma nja m’ula sí təsərə, ndɔ gaŋg-rəwta lé rəwta gə́ d’a gaŋg dɔ ɓee’g neelé a kur dɔ ka̰ Sɔdɔm gə Gɔmɔr tɔ.

Matiyo 24:36

Ndɔ teḛ lə néje neelé dəw kára kara gər ndəa əsé kàree el. Kuraje gə́ dara lé gər el ləm, Ŋgon-dəw kara gər el ləm tɔ nɛ Bɔbeeje nja gə karee ba ɓa gər.

Matiyo 25:11

Waga ndá deḛ ŋgama̰dje gə́ mi neelé ree ɓaree pana: Mbai, mbai, ɔr rəw ar sí.

Matiyo 7:21

Dəwje gə́ ɓar rim pana: Mbai, Mbai lé d’a teḛ ɓeeko̰ gə́ dara lai el. Nɛ yeḛ gə́ ra torndu Bɔm gə́ sí dara aree ɔr rɔd ndá yeḛ nja ɓa a teḛ keneŋ.

Lugu 10:12

Ma m’ula sí təsərə, rəwta gə́ d’a gə gaŋg dɔ ɓee-boo’g neelé a kal dɔ ta gə́ gaŋg dɔ Sɔdɔm’g lé sula ya.

Tagə́maji gə́ Ja̰ ndang 11:51

Yeḛ pata neelé gə dɔrea-yeḛ ɓa el, nɛ mbata to gə́ yeḛ to ŋgɔ-njekinjanéməs mee ləb’g neelé ɓa yeḛ teg ne gin ta wɔji ne dɔ Jeju gə́ a gə kwəi mbata lə gin ɓee lə dee lé.

1 Njé gə́ Tesalonikə 5:4

Seḭ ŋgako̰ síje gə́ sije dan loondul’g el lé ndəa neelé a teḛ dɔ sí’g asəna gə njeɓogo el.

2 Njé gə́ Tesalonikə 1:10

Loo gə́ yeḛ a ree mee ndəa’g neelé ndá dəwje ləa gə́ to gə kəmee lé d’a kula rɔnduba dəa’g ləm, deḛ lai gə́ d’ɔm meḛ dee dəa’g lé kaar dee a kwa dee paḭ ləm tɔ. Ta nee wɔji dɔ sí-seḭ to mbata seḭ taaje gin ta gə́ j’ɔr j’ar sí lé.

2 Timote 1:12

Yee ɓa, m’isi ne dan némeeko̰’g gə mbəa. Nɛ ma m’ra kəmkul dɔ’g el mbata yeḛ gə́ m’ɔm məəm dəa’g lé ma m’gəree gao ləm, m’unda ne məəm yel gə́ dəa’g mbata yeḛ askəm ŋgəm né gə́ m’ya̰ jia’g lé saar ndɔ gə́ boo’g lé ləm tɔ.

2 Timote 1:18

Maji kar Mbaidɔmbaije nja ar mée oso lemsé dəa’g mee ndɔ gə́ boo’g lé. Néje lai gə́ yeḛ ra am Epesə lé i gər maji unda dəwje gə́ raŋg lai.

2 Timote 4:8

Un gelee ɓogənè saar lé dɔgugu ka̰ meekarabasur gə mba kam to gən ya. Mbaidɔmbaije gə́ njegaŋgta gə goo rəbee lé yeḛ nja ɓa a karm mee ndəa’g neelé, a karm-ma ɓa gə karm el nɛ a kar deḛ lai gə́ to yée d’unda meḛ dee dɔ ndɔ ree’g ləa pèrèrè lé tɔ.