Matiyo 7:2 - Maktub gə́ To gə Kəmee

² Mbata ta gə́ seḭ gaŋgje lé nja tɔ d’a gaŋg ne ta dɔ sí’g ləm, nékwɔji né gə́ seḭ wɔjije ne né lé nja tɔ d’a kwɔji ne né kar sí tɔ.

Matiyo 7:2 ပူးပေါင်းရင်းမြစ်များ

2 Samel 21:5

Deḛ tel d’ila mbai’g lé pana: To gə́ dəw neelé tuji sí yaa̰ ləm, yeḛ wɔji mée’g mba kar gel sí udu bo̰ dɔ naŋg’d lə Israɛlje lai ləm tɔ ndá

Pakɔsje 109:17

Yeḛ ndigi kila ndɔl dɔ loo’g ndá Maji kar ndɔl lé tel oso dəa-yeḛ’g ya. Yeḛ ndigi ndutɔr el ndá Maji kar ndutɔr godo mbata ləa tɔ.

Teḛ-Raga 21:24

kəm ndá tor kəm’g ləm, ŋgaŋ ndá tor ŋgaŋ’d ləm, ji ndá tor ji’g ləm, gɔl ndá tor gɔl’g ləm,

Esai 33:1

Meeko̰ a koso dɔi-i gə́ njetujilooje lai’g Nɛ deḛ tujii el ɓəi ləm, I gə́ njekun dɔ loo Nɛ deḛ d’un dɔi el ɓəi ləm tɔ! Loo gə́ i a kunda ŋgaŋ tuji looje lai ndá D’a tujii ləm, Loo gə́ i a kunda ŋgaŋ kun dɔ loo lé ndá D’a kun dɔi ləm tɔ!

Jeremi 34:17

Gelee gə́ nee ɓa Njesigənea̰ pa ne togə́bè pana: Kila gə́ nana kara ila mber kila ŋgokea̰ əsé maree tar lé seḭ ilaje ne ŋgonkoji dɔm’g el. Njesigənea̰ pana: Aa ooje, ma m’ila mber ta kila kiambas, gə yoo-koso, gə ɓoo-boo tar dɔ sí’g tɔɓəi m’a kar sí toje néɓəl mbata ɓeeko̰je lai dɔ naŋg nee tɔ.

Jeremi 51:24

Babilɔn gə dəwje lai gə́ d’isi Kalde lé M’a ra sə dee némajelje lai Gə́ deḛ ra gə Sio̰ lé kəm sí’g ya. Njesigənea̰ ɓa pa bèe.

Abdias 1:15

Mbata ndɔ lə Mbaidɔmbaije lé nai dəb mbata ginkoji dəwje gə raŋg lai, Ndá gə goo néra sí lé ɓa D’a tel ra ne sə sí-seḭ bèe ya tɔ. Bèe ndá bo̰ néra síje d’a kɔs ta sí’g bɔsɔrɔ. Israɛlje d’a dal ba̰ dɔ Edɔmje’g.

Matiyo 6:14

Ɓó lé meḛ sí ti mbidi dɔ meekɔsgel’g lə mar síje lé ndá Bɔ síje gə́ si dara lé a kar mée ti mbidi dɔ ka̰ sí-seḭ’g tɔ.

Mark 4:24

Tɔɓəi yeḛ ula dee pana: Aarje kɔgərɔ dɔ ta gə́ seḭ ooje lé. Mbata d’a kar sí né gə goo lé gə́ seḭ nja wɔjije ne ləm, d’a kɔm maree dɔ’g kar sí ləm tɔ.

Lugu 6:38

Maji kar mar síje né gə́ kar ndá d’a kar sí né gə kar tɔ, d’a kar sí gə́ kar ɓó d’a kwɔji el, d’a kɔm né mee né’g lə sí, d’a yəg yəg-yəg ləm, d’a mbusu jigi-jigi ləma, d’a kɔm keneŋ karee rusu ruba naŋg pɔ-pɔ ləm tɔ, mbata d’a kwɔji né kar sí kwɔji ne bua ka̰ sí gə́ seḭ wɔjije ne lé ya tɔ.

2 Njé gə́ Kɔrḭtə 9:6

Ooje maji ɓa, yeḛ gə́ dubu kó gururu bèe ndá a kiŋga lam ba bèe, nɛ yeḛ gə́ dubu kó gə tadee rəg-rəg ndá a kinja kuru ndil-ndil tɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.

Loo gə́ killa rea kəm Ja̰’g 18:6

Raje səa né godə maree gə́ yeḛ nja ra sə sí-seḭ ləm, telje gə maree as gɔl joo ɓa areeje gə goo kula reaje ləm tɔ. Nékaiya gə́ yeḛ nja ndusu mee ŋgo-kai-né’g lé telje ndusuje maree as gɔl joo lé mee ŋgo-kai-né’g ləa-yeḛ lé tɔ.

Njéga̰g-Rəwtaje 1:7

Adoni-Bejek pana: Mbaije rɔ-siri gə́ tḭja ko̰ ji deeje gə ko̰ gɔl deeje gaŋg lé d’usɔ né gə́ ɔm gel tabul’g ləm ya, bèe ɓa Ala tel ra səm né gə́ ma m’ra kédé lé tɔ. Deḛ d’aw səa Jerusalem ɓa yeḛ wəi keneŋ.

Njéga̰g-Rəwtaje 5:27

Ŋgira gɔl Jaəl’g lé yeḛ ḭ oso tul keneŋ ləm, Yeḛ oso tul to naŋg gin gɔlee’g ləm tɔ, Lé gə́ yeḛ ḭ keneŋ oso tul lé Yeḛ oso ar kaa mbia pa ɗəŋ.

1 Samel 15:33

Nɛ Samel pana: To gə́ kiambas ləi ar denéje d’isi lal ŋgan deeje lé Kɔḭje kara a si mbuna dené mareeje’g lal ŋgon tɔ. Yen ŋga Samel gaŋg Agag dana mbidi-mbidi no̰ Njesigənea̰’g loo gə́ Gilgal tɔ.