Matiyo 7:14 - Maktub gə́ To gə Kəmee

¹⁴ Rəw gə́ aḭ par gə́ loo gə́ deḛ d’a si kəmba keneŋ lé rəbee njo̰-njo̰ ar təa kara uba dee tususu. Togə́bè ɓa dəwje jebəre ba ɓa to njeaje-je.

Matiyo 7:14 ပူးပေါင်းရင်းမြစ်များ

Pakɔsje 16:11

I a kam m’gər kila rəwje gə́ ka̰ kisi ne kəmba lé gao, Nérɔlelje gə́ d’al dɔ loo sula to nɔḭ’g ləm, Néje gə́ maji dum gə́ to gə no̰ lé To dɔ jikɔli’g ləm tɔ.

Gosota-Kəmkàrje 8:20

Ma m’njaa rəw néra gə́ gə dɔ najee’g, Dan kila-rəwje’g lə néra gə́ danasur

Esai 30:21

Loo gə́ seḭ a gə kawje dɔkɔl əsé dɔgel ndá Mbi sí a koo ndu gə́ ɓar goo sí’g gogo pana: Aa ooje, rəw ɓa nee, njaaje keneŋ!

Esai 35:8

Rəw gə́ kul yududu gə́ to rəw-kwɔi a to keneŋ Ndá d’a ɓaree rəw gə́ to gə kəmee, Dəw gə́ mina̰ kára kara a dəs keneŋ el, Rəbee a to mbata lə koso-dəwje lə Njesigənea̰, Deḛ gə́ d’a njaa keneŋ lé Lé to mbəje kara D’a kaskəm ndəm rəw el.

Esai 57:14

D’a pana: Wɔije, wɔije, gɔlje rəw, Tɔrje néje lai gə́ ila kag rəw-kaw koso-dəwje’g ləm.

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Matiyo 20:16

Togə́bè ɓa deḛ gə́ goo loo gə́ gogo lé d’a kaw gə́ ŋgaw ta dee kédé, tɔɓəi deḛ gə́ d’aw gə́ ŋgaw ta dee kédé lé d’a tel to njé gə́ goo loo gə́ gogo tɔ.

Matiyo 22:14

Mbata d’a ɓar dee bula nɛ d’a taa dee jebəre bèe.

Matiyo 7:13

Tarəw gə́ njo̰ ɓa a̰dje keneŋ. Mbata rəw gə́ aḭ gə́ loo-tuji’g lé tad yaa̰ ləm, tarəw kara to tag bə̰dəŋ ləm tɔ ar dəwje bula d’aw keneŋ budu-budu.

Matiyo 7:15

Maji kar sí aaje rɔ sí dɔ njéteggintaje gə́ ŋgɔm gə́ d’a kḭ mbuna sí’g nee ya tel rɔ dee asəna gə badje nɛ meḛ dee gə́ kəi to asəna gə jagmjərje gə́ njétɔ kó dəwje.

Mark 8:34

Tɔɓəi yeḛ ɓar boo-dəwje gə njékwakiláje na̰’d ula dee pana: Ɓó lé nana ɓa ndigi kun rəw goom’g ndá maji karee mbad rəa-yeḛ nja piriŋ ila kɔ ndá un ne kag-dəs ləa mba kun ne rəw goom’g ya.

Lugu 12:32

Seḭ koso-nékulje ləm, ɓəlje el, mbata Bɔ síje lé wɔji-kwɔji kar sí ɓeeko̰ lé gə meendakaḭ ya.

Tagə́maji gə́ Ja̰ ndang 16:2

D’a kun sí tɔb sí mee kəi-kwa-dɔ-na̰je’g, nana ɓa gə́ tɔl sí kara mee ndəa gə́ a gə ree lé a kḛji mée’g pana: Neḛ n’ra né n’ar Ala ya.

Tagə́maji gə́ Ja̰ ndang 16:33

Ma m’ula sí ta néje neelé mba kar meḛ sí gə́ seḭ ɔmje səm na̰’d sad lé seḭ a sije ne gə meekulɔm ya. Nékəmndoo a ra sí dɔ naŋg nee ya, nɛ waje rɔ sí kɔgərɔ mbata ma m’dum dɔ loo gə́ naŋg nee mba̰ tɔ.

Néra Njékaḭkulaje 14:22

Deḛ d’ula diŋgam meḛ njékwakiláje’g ndəji dee gə mba kar dee d’ai meḛ dee sam-sam dɔ meekun’g lə dee pana: Némeeko̰je gə́ gə ria-ria ɓa gə́ kuma̰ kar sí j’andə ne mee ɓeeko̰’g lə Ala lé.

Njé gə́ Rɔmə 12:2

Ndaji kəm dəwje gə́ d’isi dɔ naŋg nee ɓasinè el, nɛ maji kar sí tel toje dəwje gə́ sigi gə goo takə̰ji gə́ sigi gə́ to meḛ sí’g, ɓó gə mba sí kar go̰je ne né gə́ mee Ala wɔji gə́ to maji gə mba ra ləm, gə a ta kəmee ləma, gə a to maji kɔr njal ləm tɔ.

Njé gə́ Rɔmə 9:32

See d’wa godee ban ɓəi wa. Mbata Israɛlje ndolè gée gə néra dee ɓó gə goo meekun el. Deḛ tuga pil mbal d’oso ne