Matiyo 7:11 - Maktub gə́ To gə Kəmee

¹¹ Togə́bè seḭ gə́ njémeeyèrje ɓəi gə́ seḭ gərje loo kar ŋgan síje né gə́ maji gə́ deḛ kwɔi sí nɛ ɓəd ɓa see Bɔ síje gə́ si dara lé a lal kar deḛ gə́ kwɔiyee né gə́ maji lé ɓəi wa.

Matiyo 7:11 ပူးပေါင်းရင်းမြစ်များ

Gḭ-Néje 6:5

Njesigənea̰ oo to gə́ meeyèr lə dəwje gə́ dɔ naŋg nee to yaa̰ ləm, takə̰jije gə́ meḛ dee’g lai lé wɔji dɔ né gə́ majel ya goo kára ba gə ndɔ dee ndɔ dee ləm tɔ.

Gḭ-Néje 8:21

Njesigənea̰ taa baḭ né gə́ ə̰də lel ndá yeḛ pa mée’g pana: M’a Man naŋg neelé gə mbata lə dəw lé gogo el ŋga, mbata dəw lé un kudee gə́ kasee ba saar gə́ kédé-kédé lé takə̰ji gə́ mée’g majel ya, tɔɓəi m’a tel tuji néje lai gə́ d’aw kəmba lé to gə́ m’ra kédé lé el ŋga tɔ.

2 Samel 7:19

Yee gə́ nee to né gə́ lam ba bèe kəmi-i Mbaidɔmbaije gə́ Njesigənea̰’g nɛ i pata gə́ wɔji dɔ ŋgaka kura ləi mbata ndɔje gə́ d’aw ree ɓəi tɔ. See i a kar dəw oo néje neelé wa, Njesigənea̰ Mbaidɔmbaije!

Maktub gə́ wɔji dɔ Jɔb 15:16

Nɛ ɓəd ɓa dəw gə́ mina̰ jɔmri-jɔmri gə́ to kḛji ləm, Gə dəw gə́ ai néra kori-kori to gə́ mán bèe ləm tɔ wa.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Pakɔsje 85:12

Meenda londoŋ uba dɔ naŋg nee Ndá meekarabasur gə́ to dan dara’g lé Ila kəmee oo tɔ.

Pakɔsje 86:15

Nɛ i Mbaidɔmbaije lé I to Ala gə́ njemeekoso lemsé ləm, Gə njekookəmto̰doo ləm tɔ, Oŋg ḭ səi kalaŋ el ləm, Meemaji gə meenda londoŋ lé ɓa I to babee ya ləm tɔ.

Pakɔsje 86:5

Mbaidɔmbaije, i to njemeemaji ləm, Gə njemeekoso lemsé ləm tɔ. Deḛ lai gə́ ɓar rii lé I unda dee dan kəmi’g.

Esai 49:15

See mee dené a kwəi dɔ ŋgonee gə́ aw il mbəaa’g wa. See a lal kar mée aw taḭ-taḭ dɔ ŋgonee gə́ ḭ mée’g wa. Ɓó lé yeḛ ar mée wəi dəa’g kara Ma ɓa yḛ̀ m’a kar məəm wəi dɔ sí’g nda̰ el,

Esai 63:7

M’a kila mber meenoji lə Njesigənea̰ ləm, Gə pa pidije gə́ wɔji dɔ Njesigənea̰ ləm tɔ Gə goo néje lai gə́ Njesigənea̰ ra mbata lə sí. M’a pata boo-némeemajije ləa Gə́ yeḛ ra ar gel-bɔje lə Israɛl Gə goo meekaw taḭ-taḭ ləa ləm, Gə goo bao-meenoji ləa ləm tɔ.

Jeremi 17:9

Mee dəw ɓa ulá na̰’d Unda néje gə́ raŋg lai, Meeyèr taa loo keneŋ pəl-pəl, See na̰ askəm gər né gə́ to keneŋ wa.

Jeremi 33:14

Njesigənea̰ pana: Aa ooje, ndɔje gə́ d’a gə ree lé ta gə́ maji gə́ ma m’pa dɔ gel-bɔje’g lə Israɛl gə dɔ gel-bɔje’g lə Juda lé m’a karee aw lée’g béréré.

Ojee 14:2

Ǝi Israɛlje! ɔsje badm telje gə́ rɔ Njesigənea̰ Ala’g lə sí Mbata néra gə́ kori-korije lə sí ɓa Seḭ tugaje ne loo osoje ne.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Malasi 1:6

Ŋgon lé ila koji dɔ bɔbeeje’g ləm, ŋgonjelookisi kara ila koji dɔ ɓéeje’g ləm tɔ. Ɓó lé ma m’to gə́ bɔ dəwje ndá see koji gə́ wɔji dɔ’m lé to ra wa. Ɓó lé ma m’to gə́ ɓée deeje ndá see loo gə́ ra ɓa deḛ ɓəlm keneŋ wa. Njesigənea̰ gə́ njeboo-néje lé pa bèe ar sí-seḭ njékinjanéməsje, seḭ gə́ ə̰jije rim bəḭ-bəḭ lé. Tɔɓəi seḭ pajena: See loo gə́ ra ɓa seḭ ə̰jije rim bəḭ-bəḭ keneŋ wa.

Matiyo 23:9

Ɓarje dəw kára kara gə́ dɔ naŋg nee bɔ síje el mbata Bɔ síje to gə́ kára ba, to yeḛ gə́ njesi dara lé tɔ.

Matiyo 7:10

Esé lé see yeḛ kwɔiyee ka̰ji ndá a kun li ɓa karee wa.

Tagə́maji gə́ Ja̰ ndang 3:16

Ala ndigi dəwje lai-lai dɔ naŋg nee, unda dee dan kəmee’g ɓa un Ŋgonee gə́ gəd-gəd kára ba ulá ar dee mba kar nana ɓa gə́ ɔm mée dəa’g ndá a si gə kəməgə́ gə no̰ lé ɓó a kudu nda̰ el.

Njé gə́ Rɔmə 3:19

Jeḛ n’gər gao taje lai gə́ godndu wɔji lé wɔji ar deḛ gə́ d’isi gel godndu’g lé mba kar nana kara təa to gə loo ndèmee sem-sem ləm, gə mba kar dəwje lai-lai d’isi gə ta dɔ dee’g no̰ Ala’g lé ləm tɔ.

Njé gə́ Rɔmə 3:9

Səm! See jeḛ maji j’unda dee wa. Bèe el ɓòo. Mbata jeḛ j’ɔr ginta lə Jibje gə Grekje j’ar sí ooje gao to gə́ deḛ lai d’isi gin kaiya’g,

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

Njé gə́ Galati 3:22

Nɛ maktub gə́ to gə kəmee lé mbo̰ néje lai gin kaiya’g mba kar deḛ gə́ d’un meḛ dee d’ar Jeju Kristi lé meekun lə dee ɓa d’a kiŋga ne né gə́ ndukun wɔji mba kar dee lé tɔ.

Maktub gə́ Jak ula ne ar ngan-Allaje 1:17

Nénoji gə́ maji dum gə́ rara ləm, gə nékarnoji gə́ rara gə́ to maji ɔr njoroŋ ləm tɔ lé d’ḭ rɔ Bɔ lookàrje gə́ dara, yeḛ gə́ rəa ya̰ maree el ləm, loo gə́ ndul ɗig godo rəa’g ləm tɔ.

1 Ja̰ 3:1

Aa ooje, Bɔ-dəwje lé ndigi sí gə mée gə́ ɔr jol-jol ɓa gə mba kar dee ɓar sí ne ŋgan-Alaje. Tɔgərɔ jeḛ n’to gə́ ŋganeeje ya. Ɓó lé dəwje gə́ dɔ naŋg nee gər sí gə́ ŋganeeje el ndá to mbata deḛ gəree-yeḛ el tɔ.

1 Ja̰ 4:10

Aa ooje, rəw meenoji lə Ala lé ɓa nee: Jeḛ ɓa j’unda Ala dan kəm sí’g kédé el nɛ yeḛ nja ɓa unda sí dan kəmee’g ɓa ula Ŋgonee gə́ gəd-gəd aree ree tel nékinjaməs mbata kaiya lə sí ya.