Matiyo 6:6 - Maktub gə́ To gə Kəmee

⁶ Nɛ i lé maji kari-i nja gə kari ba andə mee kəi’g ləi udu takəi dɔi’g ra tamaji ta Bɔbije gə́ njesi loo-ŋgəḭ’g lé yen ɓa Bɔbije gə́ njekoo né gə́ to loo-ŋgəḭ’g lé a kari née ɓəi.

Matiyo 6:6 ပူးပေါင်းရင်းမြစ်များ

2 Mbaije 4:33

Elije andə mee kəi’g udu takəi dɔ dee-deḛ gə yoo ŋgon’g lé joo ɓa yeḛ ra tamaji ta Njesigənea̰’g.

Pakɔsje 34:15

Maji kari unda rɔi ɓad dɔ néra gə́ majel’g ndá Ra né gə́ maji ləm, Maji kari saŋg meelɔm ai ne məəi sam-sam keneŋ ləm tɔ.

Gosota-Kəmkàrje 25:22

Mbata loo gə́ i ra togə́bè ndá To asəna gə kɔr pər gə́ uba ɔm dəa’g, Tɔɓəi Njesigənea̰ a kari née ɓəi.

Esai 26:20

Koso-dəwje ləm, awje mee kəije’g lə sí Ndá uduje takəi dɔ sí’g, Iyaje rɔ sí waga Saar kar oŋg lə Njesigənea̰ dəs ɓa.

Esai 65:24

Kédé ɓa kar dee ɓar rim ɓəi ndá M’a kila dee ta’g ləm, Kédé ɓa kar dɔ ta nai meḛ dee’g ɓəi ndá M’a koo ndu dee ləm tɔ.

Matiyo 14:23

Loo gə́ yeḛ ɔm dee rəbə yəg mba̰ ndá yeḛ tuga dɔ mbal mba kaw ra tamaji lé gə karee ba. Kàr andə mba̰ nɛ yeḛ nja gə karee ba ɓa si.

Matiyo 6:18

gə mba kar kɔg gə́ i ɔg məəi ɓoo lé i a kunda ne rɔi kəm Bɔbije gə́ njesi loo-ŋgəḭ’g ɓó kəm dəwje’g el. Bèe ɓa Bɔbije gə́ njekoo né gə́ to loo-ŋgəḭ’g lé a kari né gə́ i aw ndée ɓəi.

Matiyo 6:4

Bèe ɓa nojikwa ləi lé a to né gə́ gə goo ŋgəḭ ɓó a to kəm dəwje’g el. Yen ɓa Bɔbije gə́ njekoo né gə́ to loo-ŋgəḭ’g lé a kari née ɓəi.

Tagə́maji gə́ Ja̰ ndang 1:48

Natanaɛl dəjee pana: See loo gə́ ra ɓa i gərm keneŋ kédé wa. Jeju tel ilá keneŋ pana, Loo gə́ i si gel kodé’g, Pilibə ɓari el nja ɓəi ma m’ooi.

Tagə́maji gə́ Ja̰ ndang 20:17

Jeju tel ilá keneŋ pana: Ɔrɔ rɔm el, mbata m’ḭ m’aw rɔ Bɔm’g el ɓəi. Nɛ ɔd aw iŋga ŋgabɔmje ula dee: M’isi m’aw gə́ rɔ Bɔm gə́ to Bɔ síje lé ləm, m’isi m’aw gə́ rɔ Ala’g lé ləm gə́ to Ala lé lə sí ləm tɔ.

Néra Njékaḭkulaje 10:30

Kɔrnəi ilá keneŋ pana: As ndɔ sɔ ɓogənè ya kàr to gə́ maree bèe ya tɔ ɓa ma m’isi m’ra tamaji mee kəi’g ləm, kàr tel rəa gə mbɔree togə́bè ya, ndá aa oo, diŋgam kára bèe gə́ ula kubu gə́ ndoolé yḛd-yḛd rəa’g teḛ təsərə aar nɔm’g ulam pana:

Néra Njékaḭkulaje 10:9

Bèlè lookàree loo gə́ d’isi d’aw rəbee ɓəi ar dee d’unda dɔ ɓee dəb ndá Piɛrə al dɔ kəi gə́ tar gə mba ra tamaji loo gə́ kàr aar daŋdɔ bèe.

Néra Njékaḭkulaje 9:40

Piɛrə ar dəwje lai teḛ ɗaga budu-budu ndá yeḛ ɔs kəjee naŋg ra ndòo rɔ Ala’g. Tɔɓəi yeḛ tel rəa gə́ dɔ nin’g ulá pana: Tabida, uba naŋg ḭta! Ndá yeḛ teḛ kəmee yərərə dɔ Piɛrə’g orè twa ḭ si tar.

Njé gə́ Rɔmə 8:5

Tɔgərɔ ya, deḛ gə́ njaa gə goo né gə́ darɔ wɔji lé d’ula rɔ dee keneŋ mbiriri ya nɛ deḛ gə́ njaa gə goo né gə́ Ndil wɔji lé d’ula rɔ dee keneŋ mbiriri nja tɔ.

Njé gə́ Epesə 3:14

Gelee gə́ nee ɓa, m’rəm ne gə kəjim gə́ naŋg yəm gə́ no̰ Bɔ síje’g