Matiyo 6:5 - Maktub gə́ To gə Kəmee

⁵ Loo gə́ seḭ raje tamaji ndá raje to gə́ njéhulaije bèe el. Deḛ nja ndigi kunda rɔ dee kəm dəwje’g kəi-kwa-dɔ-na̰je’g ləm, gə tɔ-rəwje ləm tɔ gə mba kar dee d’oo ne tamaji gə́ deḛ ra lé, ma nja m’ula sí woḭ, ɓai née ya d’iŋga kən mba̰.

Matiyo 6:5 ပူးပေါင်းရင်းမြစ်များ

Pakɔsje 5:2

Ǝi Njesigənea̰, maji kari tuga mbii oo ne ta ləm! Ur mbii gèŋ oo ne ndu tuma̰je gə́ m’tuma̰ lé!

Pakɔsje 55:17

Nɛ ma lé m’ila ndum naŋg m’ra ne né wəl gə́ rɔ Ala’g lé, Ndá Njesigənea̰ lé a kajim ya.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 16:5

Nana ɓa gə́ to njebeelé lé Yeḛ to né gə́ mina̰ kəm Njesigənea̰’g, Tɔgərɔ, njea neelé a si lal kar bo̰ nérea ɔs təa’g el.

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

Jeremi 29:12

Seḭ a no̰je ɓarje rim ləm, a kaw raje tamaji tam’g ləm tɔ ndá m’a koo ndu sí ya.

Loo gə́ killa rea kəm Daniel’g 6:10

Yen ŋga mbai Darius lé ndaŋg godndu nee ləm gə né kɔg loo ra né rədədə ləm tɔ.

Matiyo 21:22

Né gə́ rara ɓa seḭ a dəjije gə meekun gə ndukwɔi lə sí ndá kara seḭ a kiŋgaje née ya.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Matiyo 23:5

Deḛ ra né gə mba kəm dəwje ba. Yee gə́ bèe ɓa deḛ ndaŋg ji kubuje lə dee d’aree tad bəgə-bəgə ləm, deḛ tɔs kula ta kubuje’g d’aree ŋgal yao-yao ləm tɔ.

Matiyo 23:6

Loo-ra-naḭ’g lé deḛ ndigi si gə́ ŋgaw ta dəwje kédé ləm, mee kəi-kwa-dɔ-na̰je’g kara deḛ ndigi si gə́ ŋgaw ta dəwje keneŋ kédé ləm tɔ.

Matiyo 6:1

Yen, meḛ sí dɔ rɔ sí’g nà a kundaje néra meekarabasur lə sí kəm dəwje’g. Ɓó lé seḭ undaje néra meekarabasur lə sí kəm dəwje’g togə́bè ndá a kiŋgaje née ji Bɔ síje gə́ si dara lé nda̰ el.

Matiyo 6:16

Loo gə́ seḭ ɔgje meḛ sí ɓoo lé ndá arje kəm sí mas mbidi-mbidi dɔ’g to gə́ ka̰ njéhulaije lé bèe el. Deḛ nja d’ula kəm dee na̰’d sir-sir gə mba kar dəwje d’oo dee to gə́ d’ɔg meḛ dee ɓoo. Ma nja m’ula sí woḭ, ɓai née ya d’iŋga kən mba̰.

Matiyo 6:2

Bèe ndá loo gə́ i un né mba kar njéndooje ndá ar ndiil ɓar dɔ’g el mbata njéhulaije ɓa ra togə́bè d’unda ne rɔ dee kəm dəwje kəi-kwa-dɔ-na̰je’g ləm, gə tɔ-rəwje’g ləm tɔ mba kiŋga ne riɓar. Ma nja m’ula sí woḭ, ɓai née ya d’iŋga kən mba̰.

Matiyo 9:38

Bèe ndá raje tamaji mba kar njeko lé ula njékḭjaje loo-kó’g ləa ya.

Mark 11:25

Loo gə́ seḭ aarje tar gə mba ra tamaji ɓa ooje to gə́ seḭ gə́ mari awje gə na̰ gə ta ndá arje meḛ sí oso lemsé dɔ’g mba kar Bɔ síje gə́ si dara lé a kar mée oso lemsé dɔ meekɔsgel’g lə sí-seḭ lé tɔ.

Mark 12:38

Loo gə́ yeḛ si ndoo dee lé yeḛ ula dee pana: Meḛ sí dɔ rɔ sí’g mbata lə njéndaji-maktubje lé, deḛ ndigi njaa gə kubu gə́ ŋgal yududu rɔ dee’g ləm, kar dəwje ra dee ne lapia loo-nadaje’g ləma,

Lugu 11:43

Seḭ Parisiḛje lé meeko̰ a koso dɔ sí’g. Mbata seḭ ndigi sije kédé ɗaŋg mee kəi-kwa-dɔ-na̰je’g ləm, seḭ ndigi karje dəwje ra sí lapia loo nada lé ləm tɔ.

Lugu 18:1

Jeju un ta ula dee gə gosota tɔji dee gə mba kar dee d’oo, lé riri kara d’a ra tamaji ta Ala’g ta-ta ɓó d’a kar rɔ dee wəi dɔ’g sululu pai godo.

Lugu 18:13

Nɛ njetaa lar-gədɓee lé unda rəa ŋgərəŋ, yeḛ ɓəl koo loo kun kəmee tar gə́ dara nɛ yeḛ unda kaaree gə jia rii pana: Wai Ala, ma gə́ m’to gə́ njekaiya lé ar məəi oso lemsé dɔm’g ya kari.

Lugu 20:47

deḛ to gə́ njerum né kəi lə njékəisiŋgaje rum-rum ləm, deḛ ra tamaji lé kur dee əw rab ne rɔ dee kəm dəwje’g ləm tɔ. Deḛje neelé ta gə́ d’a kɔr kila dɔ dee’g lé a kur dɔ ka̰ mar deeje’g sula.

Lugu 6:24

Seḭ bao-nékiŋgaje lé meeko̰ a koso dɔ sí’g, Mbata seḭ iŋgaje nérɔlel gə́ ka̰ sí-seḭ lé mba̰.

Tagə́maji gə́ Ja̰ ndang 16:24

Saar ɓasinè lé seḭ kwɔiyeeje né kára kara gə rim el. Kwɔiyeeje ndá yeḛ a kar sí mba kar dɔ rɔlel lə sí ɔr ne njal.

Njé gə́ Epesə 6:18

Kàr gə́ rara kara raje tamaji dɔ néje’g lai ləm, raje ne mbai ta Ala’g gə goo Ndil gə́ to meḛ sí’g lé ləm tɔ. Sije dɔ kəji sí’g kəgəgə aije ne meḛ sí sam-sam raje mbai ta Ala’g mbata lə deḛ gə́ to gə kəmee lai ya.

1 Njé gə́ Tesalonikə 5:17

raje tamaji ta-ta ləma,

Maktub gə́ Jak ula ne ar ngan-Allaje 4:6

Nɛ Ala lé wa sə sí noji gə́ maji unda nje gə́ kédé, gelee gə́ nee ɓa maktub gə́ to gə kəmee lé pa ya tɔɓəi pana: Ala ɔs njébeeleje rəw nɛ yeḛ wa noji gə njékula dɔ deeje.