Matiyo 6:31 - Maktub gə́ To gə Kəmee

³¹ Seḭ arje meḛ sí pélé wəs-wəs dɔ rɔ sí’g ar sí pajena: See ɗi ɓa j’a sɔ wa, əsé ɗi ɓa j’a kai wa, əsé see kubu ɗi ɓa j’a kula rɔ sí’g wa, maji kar sí paje togə́bè el.

Matiyo 6:31 ပူးပေါင်းရင်းမြစ်များ

2 Sôrta Gḭka Israɛlje 25:9

Amasia dəji dəw lə Ala pana: See ɗi ɓa m’a ra gə mbata lə larnda gə́ nékwɔji kwɔi-lə-né tɔl-dɔg-loo-munda (3.000) gə́ m’ar kudu njérɔje lə Israɛlje lé wa. Dəw lə Ala tel ilá keneŋ pana: Njesigənea̰ askəm kari né gə́ al dɔ yee gə́ nee ya ɓəi.

Pakɔsje 111:5

Deḛ gə́ ɓəlee lé Yeḛ nja ɓa ar dee nésɔ dee ləm, Yeḛ ə̰ji dɔ ndu manrɔ’g ləa gə́ yeḛ man ne rəa ar dee lé ta-ta ya ləm tɔ.

Pakɔsje 37:3

Maji kari ɔm məəi dɔ Njesigənea̰’g ra ne né gə́ maji, Yee ɓa i a si ne mee ɓee’g ləm, a si ne lɔm ləm tɔ.

Pakɔsje 55:22

Tapea kul yururu ur dɔ ubu mbà maŋg’g. Nɛ mée gə́ kəi lé ta rɔ ɓa nai keneŋ bura ya ɓəi, Tapeaje lé kul yururu ur dɔ ubu’g ya ɓəi, Nɛ deḛ to kiambasje gə́ lal kula sɔl dee’g.

Matiyo 15:33

Njékwakiláje dəjee pana, Ŋga loo gə́ neelé to dɔdilaloo’g gə mḭdé ba nɛ see loo gə́ ra ɓa j’a kiŋga muru gə́ kəm karee as boo-dəwje neelé keneŋ wa.

Matiyo 4:4

Jeju tel ilá keneŋ pana: Deḛ ndaŋg mee maktub’g pana: Muru nja kára ba ɓa dəw a si ne kəmba lé el nɛ taje kára-kára lai gə́ teḛ ta Ala’g lé ɓa yeḛ a si ne kəmba lé ɓəi.

Matiyo 6:25

Bèe ɓa ma m’ula sí, arje meḛ sí pélé wəs-wəs dɔ rɔ sí’g el ləm, gə dɔ nésɔ sí əsé dɔ nékṵ rɔ sí’g el ləm tɔ. See si kəmba lə sí ur dɔ nékusɔ’g el wa. See darɔ sí ur dɔ kubu-kula-rɔ sí’g el wa.

Matiyo 6:27

See na̰ ɓa mbuna sí’g ɓa lé mée pélé wəs-wəs dɔ rəa’g ndá a kar ləb siée ḭ ŋgal ne gə kuree ɗegəse ɓəi wa.

Lugu 10:41

Mbaidɔmbaije tel ilá keneŋ pana: Martə, Martə, i ar məəi pélé wəs-wəs ləm, jɔg rɔi yaa̰ ləm gə mba néje bula ya.

Lugu 12:11

Loo gə́ d’a ndɔr sí kaw sə sí mee kəi-kwa-dɔ-na̰je’g ləm, əsé no̰ mbai dɔ njégaŋgtaje’g ləma, əsé no̰ njéko̰ɓeeje’g ləm tɔ ndá maji kar sí arje meḛ sí pélé wəs-wəs dɔ ta gə́ seḭ a gə kɔrje mba taaje ne dɔ sí el ləm, əsé ta gə́ seḭ a paje keneŋ el ləm tɔ,

Lugu 12:22

Tɔɓəi yeḛ un ta ula njékwakiláje pana: Gelee gə́ nee ɓa ma m’ula sí ne təsərə: Arje meḛ sí pélé wəs-wəs dɔ rɔ sí’g el wɔji ne dɔ nésɔ sí’g əsé dɔ né ko̰ rɔ sí’g el.

Lugu 12:29

Bèe ndá seḭ lé arje meḛ sí pélé wəs-wəs dɔ rɔ sí’g ar sí pajena: See ɗi ɓa j’a sɔ wa, əsé see ɗi ɓa j’a kai wa lé maji kar sí paje bèe el.

Njé gə́ Pilibə 4:6

Arje meḛ sí pélé wəs-wəs dɔ né gə́ kára kara el, nɛ né gə́ rara kara maji kar sí dəjije Ala gə tamaji lə sí ləm, gə ndòo gə́ seḭ raje ndòo rəa’g ləma, gə ta oiyo gə́ seḭ reaje ləm tɔ.

1 Piɛrə 5:7

Néje lai gə́ pélé meḛ sí wəs-wəs lé odoje ɓuguje dəa’g mbata yeḛ nja to njekaa dɔ sí kər-kər.