Matiyo 6:30 - Maktub gə́ To gə Kəmee

³⁰ Ɓó lé Ala ar muje d’ḭ ma̰də nɛ mu gə́ ḭ ma̰də ndɔ kára ba d’inja yel ne pər mee pil’g nɛ ɓəd ɓa see Ala a lal kar sí kubu-kula-rɔ sí’g wa, seḭ njémeekunje gə́ əḭ el.

Matiyo 6:30 ပူးပေါင်းရင်းမြစ်များ

Pakɔsje 92:7

Dəw gə́ njegərnéel lé Gər né kára bèe el ləm, Mbə-dəw lé kara Kəmee inja dɔ’g el ləm tɔ.

Matiyo 14:31

Léegəneeya, Jeju duu wa jia unee dɔ mán’g njororo ndá ulá pana: I gə́ njemeembɔrè, see ban ɓa i maḭ gə rɔi wa.

Matiyo 16:8

Jeju gər takə̰ji lə dee gao ndá ila dee keneŋ pana: Seḭ gə́ meekun lə sí əḭ el lé see ban ɓa ə̰jije ta meḛ sí’g pajena: Pil muru gə́ seḭ ya̰je naŋg ɓa m’pa ne sə sí wa.

Matiyo 17:17

Jeju ilá keneŋ pana, seḭ ginkoji dəwje gə́ njéndɔjitaje ləm, gə mbim-oo-ta-elje ləm tɔ lé see m’a si sə sí ndɔm ka̰da tɔɓəi wa. Esé see ndɔ gə́ ra ɓa rɔm a kasm dɔ sí’g ɓəi wa. Ndɔreeje gə́ rɔm’g nee.

Matiyo 8:26

Yeḛ dəji dee pana: See ban ɓa ɓəlje wa, seḭ njémeekunje gə́ əḭ el. Yen ŋga yeḛ uba naŋg ḭta ndaŋg lel ləm, gə mán baa-boo ləm tɔ ar loo to ndiŋ.

Mark 4:40

Tɔɓəi yeḛ tel dəji njékwakiláje pana: See gelee ban ɓa seḭ ɓəlje ne bèe wa. See ban ɓa meekun godo meḛ sí’g togə́bè wa.

Mark 9:19

Yen ŋga Jeju tel ila dee keneŋ pana: Seḭ ginkoji dəwje gə́ njéndɔjitaje, see m’a nai sə sí ndɔm ka̰da tɔɓəi wa. See ndɔ gə́ ra ɓa m’a kəw rɔm kila məəm dɔ sí’g ɓəi wa. Waje ŋgon lé gə́ rɔm’g nee.

Lugu 12:28

Ɓó lé Ala lé gə́ njekar muje d’ḭ ma̰də nɛ mu gə́ ḭ ma̰də ndɔ kára ba ɓa bèlè d’inja yel ne pər mee pil’g ɓəi nɛ ɓəd ɓa see yeḛ a lal kar sí nékula rɔ sí’g wa, seḭ njémeekunje gə́ əḭ el.

Lugu 9:41

Jeju tel ilá keneŋ pana: Seḭ ginkoji dəwje gə́ njéndɔjitaje ləm, gə mbim-oo-ta-elje ləm tɔ lé see m’a nai sə sí ndɔm ka̰da tɔɓəi wa. See ndɔ gə́ ra ɓa m’a kəw rɔm meekila ləm gə́ dɔ sí’g wa. Wa ŋgoni lé gə́ rɔm’g nee.

Tagə́maji gə́ Ja̰ ndang 20:27

Tɔɓəi yeḛ tel ula Tomas pana: Maji kari ula ŋgaw jii gə́ kédé oo ne jim ləm, ula ŋgaw jii gə́ kédé gə́ ŋgel məəm’g oo ne ləm tɔ, ɓó gə əw ne rɔi maḭta ləi ɔm ne məəi dɔ’g.

Ǝbrəje 3:12

Yen, ŋgakɔmje, maji kar dəw kára kara si mbuna sí’g gə meeyèr əsé gə meetɔg mba kar mée tel ne gir gə Ala gə́ njesikəmba lé el.

1 Piɛrə 1:24

Mbata Dəwje lai lé to d’asəna gə mu ləm, Rɔnduba lə dee kara to asəna gə pudu néje ləm tɔ, Mu ndòlé ləm, pudu gəḭ ləm tɔ,