Matiyo 6:3 - Maktub gə́ To gə Kəmee

³ Nɛ loo gə́ i un né ləi ar njéndooje ndá ar jigeli gər né gə́ jikɔli ra lé el.

Matiyo 6:3 ပူးပေါင်းရင်းမြစ်များ

Matiyo 12:19

Yeḛ a maḭ el ləm, ndia a ɓar wəl-wəl el ləma, Dəw kára kara a koo ndia mba̰-rəwje’g el ləm tɔ.

Matiyo 6:2

Bèe ndá loo gə́ i un né mba kar njéndooje ndá ar ndiil ɓar dɔ’g el mbata njéhulaije ɓa ra togə́bè d’unda ne rɔ dee kəm dəwje kəi-kwa-dɔ-na̰je’g ləm, gə tɔ-rəwje’g ləm tɔ mba kiŋga ne riɓar. Ma nja m’ula sí woḭ, ɓai née ya d’iŋga kən mba̰.

Matiyo 6:4

Bèe ɓa nojikwa ləi lé a to né gə́ gə goo ŋgəḭ ɓó a to kəm dəwje’g el. Yen ɓa Bɔbije gə́ njekoo né gə́ to loo-ŋgəḭ’g lé a kari née ɓəi.

Matiyo 8:4

Tɔɓəi Jeju ulá pana: Maji kari udu taree məəi’g ar dəw oo səi el ɓəi, nɛ aw rɔ njekinjanéməs’g tɔjee rɔi ɓó gə un nékar-Ala aree gə goo godndu Moyis gə mba karee to ne nékɔrkəmta ləi kəm dəwje’g ɓa.

Matiyo 9:30

Léegəneeya kəm dee teḛ. Jeju ndəji dee pana: Yen, maji kar dəw kára kara oo né neelé el.

Mark 1:44

Yen, i lé maji kari tɔs kəmi dɔ rɔi’g ɓó ar tai gə́ ja̰ kara teḛ ar dəw oo el. Nɛ aw gə darɔi aw tɔji njekinjanéməs ndá un né gə́ godndu Moyis wɔji lé mba karee to ne nékɔrkəmta mbata lə dee.

Tagə́maji gə́ Ja̰ ndang 7:4

Dəw gə́ ndigi kila rəa kəm dəwje’g lai lé ndá yeḛ a ra nérea gə goo ŋgəḭ el. Ɓó lé nérai to gə kankəm né ndá maji kari aw kila rɔi gə raga kəm dəwje’g lai ya.