Matiyo 6:2 - Maktub gə́ To gə Kəmee

² Bèe ndá loo gə́ i un né mba kar njéndooje ndá ar ndiil ɓar dɔ’g el mbata njéhulaije ɓa ra togə́bè d’unda ne rɔ dee kəm dəwje kəi-kwa-dɔ-na̰je’g ləm, gə tɔ-rəwje’g ləm tɔ mba kiŋga ne riɓar. Ma nja m’ula sí woḭ, ɓai née ya d’iŋga kən mba̰.

Matiyo 6:2 ပူးပေါင်းရင်းမြစ်များ

Pakɔsje 112:9

Yeḛ ya̰ meḛ jia tag wa ne noji gə njéndooje pə-pə ləm, Meekarabasur ləa to saar gə no̰ ləma, Rɔnduba lé d’a kula dəa’g ləm tɔ.

Pakɔsje 37:21

Njemeeyèr lé tona dee né ndá Tel ar dee gogo el, Nɛ njemeemaji lé ar né gə́ kar pə-pə.

Gosota-Kəmkàrje 19:17

Yeḛ gə́ oo kəmtondoo lə njendoo lé To asəna gə yeḛ gə́ ar Njesigənea̰ tona né Ndá yeḛ nja a kuga ɓaŋgee gə goo néreaje.

Gosota-Kəmkàrje 20:6

Dəwje bula d’ila mber néra maji lə dee-deḛ ya, Nɛ dəw gə́ to gə́ ŋgonkoji lé see na̰ ɓa askəm kiŋgá wa.

Njekillamber 11:2

Kai nébaoje ləi ar dəwje loo sirije əsé loo jinaijooje’n bèe mbata i gər némeeko̰ gə́ a ree dɔ naŋg neelé el.

Esai 10:6

M’ula dee mba kar dee rɔ Gə ginkoji dəwje gə́ njéra né kori-korije ləm, Ma m’ar dee d’aw gə mba rɔ Gə koso-dəwje gə́ d’ar oŋg ḭ səm dɔ dee’g ləm tɔ, Gə mba kar dee d’unda dee banrɔ Taa ne nékiŋgaje lə dee ləm, Gə mba kar dee mbɔḭ dee naŋg to gə́ bɔrɔ Gə́ to kila-rəwje’g bèe ləm tɔ.

Esai 58:7

Ar dəw gə́ ɓó tɔlee muru ləi o̰ səi ləm, Ar njenékəmndoo gə́ kəi-kula-dəa godo aw mee kəi’g ləi ləm, Ɓó lé i oo dəw gə́ aw kudee dum ba ndá Aree né ula rəa’g ləma, Tel giri ila ar yeḛ gə́ to tana səi lé el ləm tɔ.

Esai 9:17

Mbata némeeyèrje lé o̰ loo to gə́ pər Gə́ roo kun-pɔrɔrɔje gə kunje bèe, Yee taa mee kag-kɔr gə́ ndər lé Ar sa pər uba keneŋ ŋgɔg-ŋgɔg.

Ojee 8:1

Unje to̰to̰ undaje ta sí’g! Njeba̰ lé nar kalaŋ Gə́ dɔ kəi’g lə Njesigənea̰ to gə́ niŋgatə̰də bèe. Mbata deḛ d’uba ta manrɔ ləm d’ya̰ ləm, Deḛ d’al ne dɔ godndum ləm tɔ.

Matiyo 15:7

Seḭ njétədtaje, ta gə́ Esai pa wɔji ne dɔ sí lé to lée’g ya mbata yeḛ pana:

Matiyo 16:3

Nɛ loo gə́ kàr uba gə ndɔ ɓa dara lé pélé na̰ kas gə ndul ndá seḭ pajena: Ɓogənè ko̰ mán a kər. Dara ɓa seḭ gərje go̰je ne né gə́ to keneŋ nɛ néje gə́ a gə ree gə́ tɔji sí ndəa lé seḭ gərje go̰je el ya.

Matiyo 22:18

Jeju gər goso lə dee gao aree ila dee keneŋ pana: Seḭ njéhulaije, see ban ɓa seḭ sɔmje bèe wa.

Matiyo 23:5

Deḛ ra né gə mba kəm dəwje ba. Yee gə́ bèe ɓa deḛ ndaŋg ji kubuje lə dee d’aree tad bəgə-bəgə ləm, deḛ tɔs kula ta kubuje’g d’aree ŋgal yao-yao ləm tɔ.

Matiyo 23:6

Loo-ra-naḭ’g lé deḛ ndigi si gə́ ŋgaw ta dəwje kédé ləm, mee kəi-kwa-dɔ-na̰je’g kara deḛ ndigi si gə́ ŋgaw ta dəwje keneŋ kédé ləm tɔ.

Matiyo 24:51

Mbai lé a kḭ kuru dəa’g kundá gə ndəi gaŋg rəa təgərə-təgərə ləm, a korè gə njéhulaije na̰’d məs ləm tɔ. Lée neelé to loo gə́ d’a no̰ gə mán-no̰ kəm dee’g keneŋ ləm, gə d’a sɔ ŋgaŋ dee keneŋ pəgərə-pəgərə ləm tɔ.

Matiyo 5:18

Ma m’ula sí təsərə, dara gə naŋg nee d’a dəs wuduru mba̰ ɓa godndu lé a kudu ɓəi, néje gə́ tḛ́-tḛ́ gə́ tɔs dɔ kandə ta gə́ tḭja keneŋ lé a tuji gə mḭdé el saar kar dəa ɔr njal.

Matiyo 6:16

Loo gə́ seḭ ɔgje meḛ sí ɓoo lé ndá arje kəm sí mas mbidi-mbidi dɔ’g to gə́ ka̰ njéhulaije lé bèe el. Deḛ nja d’ula kəm dee na̰’d sir-sir gə mba kar dəwje d’oo dee to gə́ d’ɔg meḛ dee ɓoo. Ma nja m’ula sí woḭ, ɓai née ya d’iŋga kən mba̰.

Matiyo 6:3

Nɛ loo gə́ i un né ləi ar njéndooje ndá ar jigeli gər né gə́ jikɔli ra lé el.

Matiyo 6:5

Loo gə́ seḭ raje tamaji ndá raje to gə́ njéhulaije bèe el. Deḛ nja ndigi kunda rɔ dee kəm dəwje’g kəi-kwa-dɔ-na̰je’g ləm, gə tɔ-rəwje ləm tɔ gə mba kar dee d’oo ne tamaji gə́ deḛ ra lé, ma nja m’ula sí woḭ, ɓai née ya d’iŋga kən mba̰.

Matiyo 7:5

Njehulai, ɔr guburu-kag gə́ to kəmi’g lé kédé ɓa i a koo loo mba kɔr ne ŋgwɔi né gə́ to kəm ŋgokɔḭ’g lé ɓəi.

Mark 12:39

deḛ saŋg loo-si ŋgaw ta dəwje kédé mee kəi-kwa-dɔ-na̰je’g gə loo-naḭje’g ləm tɔ.

Mark 7:6

Jeju ila dee keneŋ pana: Seḭ njéhulaije, Esai lé teggin ta gə́ gəd wɔji ne dɔ sí ya mbata yeḛ ndaŋg mee maktub’g pana: Koso-dəwje neelé taje gə́ teḛ ta dee’g ɓa deḛ d’ila ne riɓar dɔm’g Nɛ meḛ dee nai səm əw.

Lugu 11:41

Néje gə́ to ŋgaw meḛ sí’g ɓa waje arje njénékəmtondooje ɓa néje lai a to néje gə́ àr mbata lə sí ɓəi tɔ.

Lugu 11:43

Seḭ Parisiḛje lé meeko̰ a koso dɔ sí’g. Mbata seḭ ndigi sije kédé ɗaŋg mee kəi-kwa-dɔ-na̰je’g ləm, seḭ ndigi karje dəwje ra sí lapia loo nada lé ləm tɔ.

Lugu 12:33

Ndogoje néje lə sí ya̰je laree gə́ nékoo kəmtondoo lə njéndooje. Raje ɓɔl-larje gə́ a ŋgisi el, yee ɓa gə́ nébao lə sí gə́ a kaḭ gə́ mán-ŋgur dara to loo gə́ njéɓogoje kɔdee loo ɓogo keneŋ el ləm, dirije d’unda né keneŋ el ləm tɔ.

Lugu 12:56

Seḭ njéhulaije! Dara gə naŋg nee ɓa seḭ gərje loo kundaje kəm néje gə́ keneŋ, ŋga see ban ɓa néje gə́ a gə ree gə́ tɔji sí ndəa lé seḭ gərje loo go̰je el ɓəi wa.

Lugu 13:15

Mbaidɔmbaije ilá keneŋ pana, Njéhulaije, see seḭje kára kára lai lé seḭ tuduje bɔ maŋg lə sí əsé mulayḛ̀je lə sí kəi-kulee’g ndɔreje awje səa mán gə mba karee ai mán gə ndɔ-kwa-rɔ’g el wa.

Lugu 20:46

Meḛ sí dɔ rɔ sí’g mbata njéndaji-maktubje gə́ ndigi njaa gə kubu gə́ ŋgal yududu rɔ dee’g ləm, gə mba kar dəwje ra dee ne lapia loo-nadaje’g ləm tɔ, deḛ ndigi loo gə́ kédé gə mba si keneŋ mee kəi-kwa-dɔ-na̰’gje ləm, gə loo naḭje’g ləm tɔ,

Lugu 6:24

Seḭ bao-nékiŋgaje lé meeko̰ a koso dɔ sí’g, Mbata seḭ iŋgaje nérɔlel gə́ ka̰ sí-seḭ lé mba̰.

Lugu 6:42

Esé see i a kula ŋgokɔḭ pana: Ŋgokɔm, am m’ɔr njawala gə́ to kəmi’g kən m’ari ŋga see guburu kag gə́ o̰ kəmi mbèd kən lé see i oo el wa. Njehulai, ɔr guburu kag gə́ o̰ kəmi mbèd kən lé kédé ɓad ɓa i a koo loo gə mba kɔr ne njawala gə́ to kəm ŋgokɔḭ’g lé ɓəi.

Tagə́maji gə́ Ja̰ ndang 13:29

ar njé na̰je d’ə̰ji to gə́ Judas lé to njeŋgəm ɓɔl-lar ndá banelə Jeju ulá gə mba karee aw ndogo né gə́ lal dee gə mba kar dee ra ne naḭ, əsé ulá gə mba karee un né gə́ ban un ɓó gə ar njéndooje ɓa.

Tagə́maji gə́ Ja̰ ndang 5:41

Ma lé ma m’saŋg rɔnduba gə́ ḭ rɔ dəwje’g el.

Tagə́maji gə́ Ja̰ ndang 5:44

Seḭ gə́ saŋgje rɔnduba gə́ ḭ rɔ na̰’g ɓó saŋgje rɔnduba gə́ ḭ rɔ Ala’g ɓa el lé see seḭ a kɔmje meḛ sí dɔm’g to gə́ banwa.

Tagə́maji gə́ Ja̰ ndang 7:18

Yeḛ gə́ pata gə mbaiyee-kea̰ ndá saŋg rɔnduba gə́ wɔji dəa-yeḛ nja gə dɔrea. Nɛ yeḛ gə́ saŋg rɔnduba gə́ wɔji dɔ dəw gə́ njekulá lé ndá yeḛ to kankəm dəw ya, néra gə́ gə goo rəbee el kára kara godo mée’g.

Néra Njékaḭkulaje 10:2

Dəw neelé tədkag Ala ləm, ɓəlee ləm tɔ, yeḛ gə njénojije ləa lai ya.

Néra Njékaḭkulaje 10:31

Kɔrnəi, tamaji gə́ ma m’ra lé taa né am ya ar mee Ala to dɔ nojikwam’g bururu.

Néra Njékaḭkulaje 10:4

Yeḛ aa kəm dəw gə́ dara neelé gəl-gəl ləm, ɓəl undá badə gaŋgee ləm tɔ aree tel pana: Mbaidɔmbaije ban ŋga nee wa. Kura lə Ala gə́ dara tel ilá keneŋ pana: Tamaji gə́ i ra ləm, gə nojikwa ləi ləm tɔ uru loo teḛ no̰ Ala’g, yee ɓa ar mée olé ne dɔi’g gə mbəa ya.

Néra Njékaḭkulaje 11:29

Njékwakiláje d’unda kudu dee na̰’d mba kula gə néje lə dee gə goo nékiŋgaje lə dee lə dee mba la ne gə ŋgako̰ deeje gə́ d’isi Jude lé.

Néra Njékaḭkulaje 24:17

Ma lé m’godo ɓee ləm as ləb bula ɓa m’tel m’ree gə mba kun né kwa ne noji gə njéndooje gə́ mee ɓee’g ləm ləm, gə mba kun né kar Ala ləm tɔ.

Néra Njékaḭkulaje 9:36

Dené kára bèe mbuna njékwakilaje gə́ d’isi Jope lé ria lə Tabida nɛ gin ria lə Dɔrkas, yeḛ to gə́ dəw-noji gə́ wa noji gə njéndooje yaa̰.

Njé gə́ Rɔmə 12:8

Yeḛ gə́ to njekolé meḛ mareeje dɔ né’g ndá maji karee olé meḛ dee ya. Yeḛ gə́ to gə́ njekun né kwa nénoji gə njéndooje lé maji karee ra gə meenda ɓó a tura sə dee gée el, yeḛ gə́ to njekɔrno̰ dəwje loo-kwa-dɔ-na̰’g lé ndá maji karee gəd kəmee dɔ’g gəd-gəd. Yeḛ gə́ to gə́ njekwa yɔ-dəwje bur-bur ndá maji karee ra gə rɔlel ɓó a ra gə rɔkim el.

1 Njé gə́ Kɔrḭtə 13:3

Ɓó lé m’kai nékiŋgaje ləm lai m’ar njéndooje d’usɔ əsé m’ya̰ rɔm yag m’ar dee roo, nɛ meenoji godo məəm’g ndá m’a teḛ ne dəw el.

Njé gə́ Galati 2:10

Ta kára ba gə́ d’ula sí lé to mba kar sí j’ar meḛ sí olé dɔ njéndooje’g j’oo ne kəmtondoo lə dee, yee ɓa m’ɔs rɔm ɓad gə mba ra ya.

Njé gə́ Epesə 4:28

Yeḛ gə́ to gə́ njeɓogo kédé lé maji karee to gə́ njeɓogo el ŋga, nɛ maji karee uru kula gə́ maji’g mbidi ra gə jia ya ndá yeḛ a koo loo gə mba la gə maree gə́ raŋg gə́ aw ndòo né lé tɔ.

1 Njé gə́ Tesalonikə 2:6

Jeḛ lé n’saŋg rɔnduba gə́ ḭ rɔ dəwje’g el ləm, əsé gə rɔ sí-seḭ’g el ləma, əsé gə rɔ dəwje gə́ raŋg’g el ləm tɔ. Jeḛ gə́ n’to njékaḭkulaje lə Kristi lé j’askəm ko̰ dɔ sí ya nɛ jeḛ j’o̰ el.

1 Timote 6:18

Ndəji dee mba kar dee ra né gə́ maji ləm, mba kar dee to bao-njémeemajije ləm, mba kar dee d’wa ne noji pə-pə ləma, mba kar dee d’ḭ ja̰jaŋ d’un ne ta néje lə dee d’ar deḛ gə́ né lal dee lé tɔ.

Piləmɔ̰ 1:7

Tɔgərɔ ya, nojikwa ləi ar məəm lelm yaa̰ ar məəm oso ne naŋg po̰ ya, mbata mbɔl dɔi-i ŋgokɔm lé ɓa meḛ deḛ gə́ to gə kəmee lé oso ne naŋg po̰ tɔ.

Ǝbrəje 13:16

Maji kar sí lal ra meemaji gə mar síje el ləm, lal kwa sə dee noji el ləm tɔ, mbata nékinjaməs lə sí gə́ togə́bè ɓa taa kəm Ala ya.

1 Piɛrə 4:11

Lé nana ɓa gə́ pata ndá maji karee pa kankəmta lə Ala ya. Lé nana ɓa gə́ ra kula ra Ala ndá maji karee ra gə goo siŋgamoŋ gə́ Ala a karee ya, togə́bè ɓa néje lai gə́ seḭ a raje lé Jeju Kristi a koo loo kula ne rɔnduba dɔ Ala’g tɔ. Rɔnduba ləm, gə siŋgamoŋ ləm tɔ lé to kea̰-yeḛ gə ləbee-ləbee saar-saar gə no̰ ya. Amen.

1 Samel 15:30

Sawul pa ya tɔɓəi pana: Ma m’ra kaiya ya! Ɓasinè, m’ra ndòo rɔi’g, ila riɓar dɔm’g kəm ŋgatɔgje lə koso-dəwje’g ləm ləm, gə kəm Israɛlje’g ləm tɔ. Gə́ tel ree səm ya ndá m’a kunda barmba no̰ Njesigənea̰ Ala’g ləi ya.