Matiyo 6:19 - Maktub gə́ To gə Kəmee

¹⁹ Waje nébaoje gə́ dɔ naŋg nee ləm-ləm el, to loo gə́ dirije d’unda né keneŋ tuŋgu-tuŋgu ləm, né wɔməs keneŋ ləma, njéɓogoje kɔdé loo ɓogo keneŋ ləm tɔ.

Matiyo 6:19 ပူးပေါင်းရင်းမြစ်များ

Maktub gə́ wɔji dɔ Jɔb 24:16

Dan loondul’g lé deḛ tila kəm kəije mbudu, Dan kàrá ndá deḛ d’iya rɔ dee pḛ́, Deḛ gər lookàr el.

Maktub gə́ wɔji dɔ Jɔb 31:24

Ɓó lé ma m’ɔm məəm dɔ lalɔr’g jəb-jəb ləm, Ɓó lé m’ula larlɔr m’pana: I ɓa m’unda məəm yel dɔi’g ləm tɔ,

Pakɔsje 39:6

Aa oo, i lé mbo̰ ndɔje ləm na̰’d Ar dee tad d’asəna gə dabla ji dəw bèe ləm, Kisi gə́ m’isi dɔ naŋg nee kara To né gə́ əḭ kəmi’g el ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Pakɔsje 62:10

Oiyo, dəwje lé to né gə́ əḭ el. Dəwje lé to néŋgɔm to! Ɓó lé orè dee na̰’d wɔji kwɔi lə dee dɔ nékwɔji-kwɔi lə néje ndá D’wɔilɔ pélé-pélé unda lel gə́ tó pu bèe ba ya.

Teḛ-Raga 22:2

Nɛ ɓó lé kàr uba mba̰ ɓa ra səa ɓəi ndá ta məsee a kwa dɔ njetɔlee lé ya. Njeɓogo lé a kuga née ŋgər-ŋgər, ɓó lé nékogá godo ndá njeɓogo lé ya d’a ndogee tɔ.

Gosota-Kəmkàrje 11:4

Ndɔ meekḭ jugugu lé Nébao a tel to né gə́ kari ba, Nɛ néra gə́ gə dɔ najee ɓa Ɔr dəw ta yoo’g.

Gosota-Kəmkàrje 16:16

Kiŋga kəmkàr lé maji yaa̰ unda larlɔr! Kiŋga gosonégər lé maji unda larnda to!

Njekillamber 2:26

Mbata dəw gə́ taa kəmee lé yeḛ aree kəmkàr ləm, gə gər gin-goso ləma, gə rɔlel ləm tɔ. Nɛ njekaiya lé yeḛ ɔm kula dəa’g mba karee inja kandə néje ləm, gə mbo̰ dee dɔ na̰’g ləm tɔ gə mba kar yeḛ gə́ taa kəm Ala. Yee neelé to né gə́ kari ba ya ɓəi ləm, to gə́ kaiŋgwɔd goo lel’g ləm tɔ.

Soponi 1:18

Larnda lə dee əsé larlɔr lə dee kara D’a kaskəm taa ne dɔ rɔ dee mee ndɔ oŋg-boo’g lə Njesigənea̰ lé el, Pər boo-oŋg ləa a roo ɓeeje lai dula-dula, Mbata yeḛ a tuji dəwje lai Gə́ d’isi mee ɓee’g neelé pugudu-pugudu gə́ léegəneeya.

Matiyo 19:21

Jeju ulá pana: Ɓó lé i ndigi to maji kɔr njoroŋ ndá ɔd aw odo néje ləi lai ndogo, ya̰ laree ar njéndooje ndá i a kiŋga ne nébao ɓeeko̰ gə́ dara ɓəi, tɔɓəi un rəw goom’g.

Matiyo 6:20

Nɛ maji kar sí waje nébaoje lə sí gə́ dara ɓa ləm-ləm, loo gə́ dirije d’unda né keneŋ el ləm, né wɔməs keneŋ el ləma, njéɓogoje kɔdé loo ɓogo keneŋ el ləm tɔ.

Lugu 12:21

A to togə́bè gə dəw gə́ mbo̰ nékiŋgaje ləa wɔji ne dɔ rəa-yeḛ nja ɓó to bao-nékiŋga mbata lə Ala el.

Lugu 12:33

Ndogoje néje lə sí ya̰je laree gə́ nékoo kəmtondoo lə njéndooje. Raje ɓɔl-larje gə́ a ŋgisi el, yee ɓa gə́ nébao lə sí gə́ a kaḭ gə́ mán-ŋgur dara to loo gə́ njéɓogoje kɔdee loo ɓogo keneŋ el ləm, dirije d’unda né keneŋ el ləm tɔ.

Lugu 12:39

Ooje maji, ɓó lé njekəi gər kàr gə́ njeɓogo a gə ree ne kəi ləa ndá a si dɔkəjee’g kəgəgə ɓó a kya̰ rəw gə mba kar njeɓogo tila kəi ləa mbudu el.

Lugu 18:22

Loo gə́ Jeju oo ta ləa togə́bè ndá yeḛ ulá pana: I lal ra né kára ɓəi. Ɔd aw ndogo néje ləi, ya̰ laree kai njéndooje, ɓa i a kiŋga nébao ləi lé mee ɓee gə́ dara ɓəi. Tɔɓəi ɔd ree goom’g tɔ.

Lugu 18:24

Jeju aa kəmee gərərə ulá pana: Kar baoje d’aw mee ɓeeko̰’g lə Ala lé to né gə́ a kuba mu el.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.