Matiyo 5:47 - Maktub gə́ To gə Kəmee

⁴⁷ Ɓó lé ŋgako̰ síje ya gə kar dee ba ɓa seḭ ra deeje lapia ndá see to néra gə́ al dɔ loo mba̰ ɓa nee wa. See njépole-magəje kara ra togə́bè el wa.

Matiyo 5:47 ပူးပေါင်းရင်းမြစ်များ

Matiyo 10:12

Loo gə́ seḭ a̰dje kəi neelé reaje lapia. Ɓó lé kəi taa kəm sí ndá tɔrje ndu sí dəa’g,

Matiyo 5:20

Ma m’ula sí təsərə, ɓó lé meekarabasur lə sí a kunda ka̰ njéndaji-maktubje gə ka̰ Parisiḛje el ndá seḭ a kulaje dɔ sí ɓeeko̰ gə́ dara lé wɔr el.

Matiyo 5:46

Ɓó lé deḛ gə́ d’unda sí dan kəm dee’g ɓa seḭ unda deeje dan kəm sí’g ndá seḭ undaje rɔ sí keneŋ gə́ kunda ɓó to néra gə́ gəd el. See njétaa négədɓeje lé d’unda dəwje dan kəm dee’g togə́bè el wa.

Matiyo 5:48

Maji kar sí toje njémaji kɔrnjoroŋje to gə́ Bɔ síje gə́ si tar to ne njemaji kɔrnjoroŋ bèe tɔ.

Lugu 6:32

Ɓó lé deḛ gə́ d’unda sí dan kəm dee’g ɓa seḭ undaje deeje dan kəm sí’g ndá see to ndigi na̰ ŋga ɓa nee wa. Njékaiyaje kara deḛ gə́ d’unda dee dan kəm dee’g ɓa deḛ d’unda dee dan kəm dee’g ɓəi tɔ.

Njé gə́ Kolosə 4:14

Lugu gə́ njekuma̰-kaji gə́ jeḛ j’undá dan kəm sí’g deḛ gə Demas lé deḛ ra sí lapia tɔ.

Njé gə́ Kolosə 4:15

Ŋgako̰ síje gə́ d’isi Laodise, gə Nympas, gə Eglisəje gə́ d’wa dɔ na̰ kəi ləa lé ra deeje lapia ar síje.

1 Piɛrə 2:20

Tɔgərɔ ya, dəw gə́ deḛ d’undá mbata néra majel ləa nɛ yeḛ ai mée sam-sam dɔ’g lé see yee ɓa to népidee ne loo gə́ ra wa. Nɛ ɓó lé némeeko̰ ra sí dɔ néra sí gə́ maji’g ɓa seḭ aije meḛ sí sam-sam dɔ’g ndá yee ɓa gə́ népidi sí kəm Ala’g ya.